Cherished Possession [Completed]

Part {19}

ကုတင်ပေါ်မှာ ထိုင်နေရင်း ခေါင်းအောက်စိုက်ကျနေတဲ့ ချစ်သူအဖြစ်ကို Jeonghanငေးကြည့်နေမိသည်။

"ကိုယ် မသွားချင်ဘူး Hannie"

ဒီနေ့ နှစ်ဖက်မိသားစုကို ဥက္ကဌကင်မှတွေ့ဆုံစကားပြောလိုသည်ဟု အကြောင်းကြားကာ ခေါ်ထားသောကြောင့် Seungcheolစိတ်ကျဥ်းကျပ်လာ၍ မသွားခင် jeonghanဆီရောက်လာခဲ့ခြင်းဖြစ်သည်။

သတို့သားလောင်းတစ်ယောက်မပါတော့သည့် တွေပဆုံစားပွဲမှာကော ဘယ်လိုမက်လောက်စရာများနှင့် ချုပ်နှောင်ထားအုံးမည်နည်း။

"Cheol မသွားလို့မကောင်းတဲ့ကိစ္စလေ သွားလိုက်ပါ"

"ဒါပေမဲ့"
မျက်ခုံးခပ်ထူထူတို့တွန့်ချိုးကာ မော့ကြည့်လာသော Seungcheolဆီ လျှောက်လာကာ နွေးထွေးစွာဖက်ထားလိုက်သည်။

"ပြီးတော့ အံ့သြစရာလေးလည်း ကြုံရမယ်ထင်တယ်"
အပြုံးတစ်ခုနှင့်အတူ ခပ်တိုးတိုးဖွဖွလေးသာ​jeonghanရေရွတ်လိုက်တာကြောင့် စိတ်ညစ်နေသည့်ကောင်လေးကတော့ ကြားနိုင်မည်မဟုတ်။
_________________________

"ရောက်လာပါပြီလားခင်ဗျ ကျွန်တော်နောက်လိုက်ခဲ့ပါ"

ကြိုတင်ချိန်းထားသည့် အဆင့်မြင့်စားသောက်ဆိုင်ထဲဝင်လိုက်တာနှင့်တစ်ပြိုင်နက် ဥက္ကဌကင်၏ အတွင်းရေးမှူးကဆီးကြိုလို့နေသည်။

တန်ဖိုးကြီးအစားအသောက်များစွာနှင့် စားပွဲကြီးဟာ ခမ်းနားစွာပြင်ဆင်ထားသော်လည်း လေထုကတော့သာမန်ထက်ပင်ငြိမ်သက်လို့နေသည်။

"ဟင်း~ကောင်းစေချင်လို့ မိဘတွေကစီစဥ်ပေးတာကို အခုခေတ်လူငယ်တွေက မသိတတ်ကြဘူးပဲ"

တိတ်ဆိတ်နေသော လေစိမ်းကိုဖြေဖျောက်လိုသည့်အတွက် Mrs.Jeonမှ အားနာစွာနှင့်ပင် စကားဝိုင်းစခဲ့ရသည်။

"ဒါနဲ့လေ ကျွန်မသားကို ဥက္ကဌကင်ရဲ့ သားဖြစ်သူက အကြံအစည်နဲ့ခိုးပြေးသွားတာဆို အဲ့တာအမှန်လားဟင်"

'ဒုန်းး'

ဒေါသတွေ တစ်လိမ့်ချင်းတက်လာသည်နှင့်အမျှ ပုံချမိတာက စားပွဲပေါ်သို့ ပြင်းထန်သောရိုက်ချက်တစ်ခု..