Cherished Possession [Completed]

Part {21}

အိပ်ပုတ်လေး ထတော့ ကိုယ်တို့ရောက်ပြီ"

"ဟင် အင်း"
အိပ်ထားတာကြောင့် ဟိုထောင်ဒီထောင်ဖြစ်နေတဲ့ဆံနွယ်လေးတွေကို ဖွဖွလေး ပြင်ပေးနေတဲ့ Gyuကို တွေတွေလေးကြည့်နေမိသည်။

"နေလို့မကောင်းဘူးလားhyung တောက်လျှောက်အိပ်လိုက်တာဆိုတာ ကျွန်တော့်ပုခုံးပေါ် ရေအိုင်ဖြစ်တော့မှာ"
ရွတ်နောက်နောက်နဲ့ စနိုင်သေးသည့် လူဆိုးကောင်ကို Wonwoo မျက်စောင်းသာထိုးလိုက်သည်။

သူများကို စိတ်ညစ်အောင်တမင်လုပ်ထားပြီးတော့

မျက်စောင်းလှလှလေးကြောင့် Mingyu အသည်းယားကာဖျစ်ညစ်ပစ်လိုက်ချင်ပေမဲ့ လေယာဉ်ဆင်းသက်နေပြီဖြစ်တာကြောင့် အိပ်နေတုန်းက သိမ်းထားတဲ့မျက်မှန်လေးကိုသာ တပ်ပေးလိုက်သည်။

လက်တစ်ဖက်က လက်ချောင်းဖြူဖြူသွယ်သွယ်လေးကို ပျောက်လုနီးနီးဖြစ်အောင် ဆုပ်ကိုင်လိုက်ပြီး
တစ်ဖက်က ပါးပြင်လေးကိုအုပ်မိုးကိုင်လိုက်ကာ

"Hyung ဘာမှမစိုးရိမ်နဲ့ ကျွန်တော်တို့နှစ်ယောက်အတူတူ ရှေ့ဆက်မဲ့ဘဝခရီးအတွက် လိုလေသေးမရှိပြည့်စုံအောင် ကျွန်တာ်တာဝန်ယူနိုင်တယ် hyungကိုလည်း တင့်တောင့်တင့်တယ်ထားနိုင်တယ် ဒါကြောင့် အမြဲ ကျွန်တော့်ကိုစွန့်လွှတ်ဖို့ နည်းနည်းလေးမှ မတွေးမိစေနဲ့ "

စကားအဆုံးသတ်ကို ဖိပြောလိုက်တဲ့ Gyuကိုကြည့်လိုက်တော့ နက်မှောင်တဲ့မျက်ခုံးတန်းသွယ်သွယ်တို့ အနည်းငယ် တွန့်ချိုးနေသည်က ပြောခဲ့တဲ့စကားလုံးတိုင်းကို အလေးအနက်ဖော်ကြူးနေသယောင်..

"အင်း ငါမင်းနားပဲနေမှာ သိလား အဲ့မျက်ခုံးကြီးကို ကျုံ့မထားနဲ့"
Wonwoo ပြုံးကာ ပြောရင်းကနေ သဘောကျရပါသောမျက်ခုံးတို့ကို လက်ချောင်းလေးနဲ့ထိကာဖြန့်ပေးမိသည်။

လေဆိပ်ဆင်းတော့ များပြားလှတဲ့လူတွေကြား ချစ်ရသူပျောက်သွားမှာစိုးသည့်အလား ခါးလေးကို မလွှတ်တမ်း ဖက်ထားတဲ့Gyuကြောင့် ရင်ဘက်ထဲက ‌ခုန်ပေါက်နေတဲ့အကောင်ကို ငြိမ်ငြိမ်နေရန် Wonwooစိတ်ထဲကမာန်မဲလိုက်သေးသည်။