Cherished Possession [Completed]

Part {9}

Pledis Academyက တစ်ခြားမြို့တွင်းကျောင်းတွေနဲ့ အဆင့်အတန်းတင်မက အရည်အချင်းသာပိုပြည့်စုံနေတာကြောင့် နောက်ဆုံးထိရှင်သန်နေတဲ့ ကျောင်းနဲ့သာ ယှဥ်ပြိုင်ရမည်ဖြစ်သည်။

Seoulရဲ့ နာမည်အကြီးဆုံးအနေနဲ့ ရရှိပိုင်ဆိုင်ထားတဲ့ အခွင့်ထူးတစ်ခုပေါ့....

ကစားပွဲအစဥ်အရ ဒုတိယပွဲစဥ်ဖြစ်တဲ့Seungcheol, Junတို့ပါတဲ့ Mingyuတို့ အသင်းက စတင်ယှဥ်ပြိုင်ရမည်ဖြစ်သည်။

မနှစ်ကလည်း Pledis Academyကပဲ ဆုဖလားရရှိထားတဲ့အတွက် တစ်ဖက်ပြိုင်ဘက်ကျောင်းတို့က အလွန်စိုးထိတ်နေကြသည်။ ပွဲအစကတည်းက ရမှတ်အသာစီးထားနိုင်တဲ့ Mingyuတို့အတွက် တစ်ခြားကျောင်းတွေကပါ အော်ဟစ်အာပေးကြသည်။

ACEကစားသမားတွေဖြစ်တဲ့ Mingyuတို့သုံးယောက်မှာ ဟန်ချက်ညီညီ အပေးအယူမျှတစွာဖြင့် ကစားနေကြသည်မှာ တစ်ဖက်ကစားသမားတွေကို တုန်လှုပ်စေသည်။ မြင့်မားတဲ့အရပ်အမောင်းနဲ့ ချောမောလွန်းလှတဲ့အတွက်ကစားသမားအသစ် Mingyuအပေါ် တစ်ခြားကျောင်းက ကျောင်းသူများက အာရုံစိုက်နေကြသည်။

Wonwooလည်း မျက်တောင်မခတ်ကြည့်နေမိရာကနေ တွေးမိသွားတဲ့ အကြောင်းအရာလေးတစ်ခု..

Mingyuလောက် ပြည့်စုံလွန်းတဲ့လူသား ရှိပါ့အုံးမလား..

"Wonwoo hyung စိတ်လှုပ်ရှားနေတာလား"

"ဟမ်!ဘာ..ဘာလို့ စိတ်လှုပ်ရှားရမှာလဲ!"
ရုတ်တရက်ကြီး အတင်းငြင်းလာတဲ့အတွက်ကြောင့် Minghaoမှာ ရယ်ရခက်ငိုရခက်။ Mingyuတို့ပွဲစဥ်ပြီးရင် ကစားရတော့မှာမလို့ ဒီတိုင်းလေး မေးလိုက်ခြင်းသာဖြစ်သည်။

Wonwooလည်း သူခိုးလူမိသွားသလိုဖြစ်သွားသည့်အတွက် လူကရုတ်တရက်ကြီး အိုက်စပ်လာသည်။ ဘေးနားမှာချထားတဲ့ ရေဘူးကိုသာကောက်ယူသောက်လိုက်ပြီး ဘတ်စကတ်ဘောပွဲကိုသာ အာရုံပြန်စုစည်းလိုက်သည်။

ဒီနှစ်အတွက် ဘတ်စကတ်ကော ချန်ပီယံရရှိတဲ့ကျောင်းကတော့ Pledis Academyပါ

ကြေညာသံထွက်ပေါ်လာသည်နှင့်အတူ Mingyuတို့ အချင်ချင်းပွေ့ဖက်ကာ ကွင်းထဲမှာပင် အောင်ပွဲခံကြသည်။
Seungcheolက ကျောင်းဂုဏ်ဆောင်ဆုဖလားကို ကိုယ်စားတက်ရောက်ယူပြီးသည့်နောက်မှာတော့ နောက်ပွဲစဥ်အတွက် ပွဲကြည့်ပရိသတ်တို့ရှိရာ ကျောင်းစုရပ်နေရာသို့ ကစားသမားများပြန်လာခဲ့ကြသည်။