Cherished Possession [Completed]

Part {18}

အဖြူရောင်မွေ့ယာကျယ်ကြီးထက် ငြိမ်းချမ်းစွာ အိပ်မောကျနေတဲ့ ကောင်လေးတစ်ယောက်..
ခဏအကြာ ကာထားတဲ့ ခန်းဆီးတွေရဲ့ အနည်းငယ်လစ်ဟာနေတဲ့ကြားထဲမှ နေရောင်ခြည်နွေးနွေးလေးဟာ

ထိုအနှီးလူသားလေးရဲ့ မျက်နှာလှလှထံ ဆင်းသက်လာတာကြောင့်
လူးလှိမ်းကာနေသော်လည်း Wonwooမျက်လုံးမဖွင့်နိုင်သေးပေ။

မဖွင့်နိုင်လောက်တဲ့အထိ မျက်ခွံတွေလေးလံနေသည်ဟု ပြောရရင် ပိုမှန်မည်ထင်သည်။

"​meow~~"

"ဟင်"

ပင်ပန်းနေတဲ့ မျက်လုံးကို အတင်းအားယူကာဖွင့်လိုက်တော့ မူးနောက်သွားတဲ့ခေါင်းနဲ့အတူ မြင်လိုက်ရသည်က ကုတင်ပေါ်တက်လာတဲ့ ပေါက်စဖြူဖြူလုံးလုံး ကြောင်ပိစိလေး..

Wonwooသွားလေးတွေပေါ်အောင်ပြုံးလိုက်ကာ ထိုပေါက်စလေးကို ဖွဖွလေးလှမ်းကိုင်ကာ ရင်ခွင်ထဲထည့်လိုက်ပြီး အမွှေးခပ်ပွပွလေးကို ပွတ်သပ်ပေးနေလိုက်သည်။

"ချစ်စရာလေး"

တမေ့တမျော ပြုံးရယ်နေပြီးမှ တွေးမိသွားသည်က ပတ်ဝန်းကျင်..
အဖြူရောင်အခန်းကျယ်ကြီးအလယ် အဖြူရောင်မွေ့ယာထက်ထိုင်နေမိသည့် ကိုယ့်ကိုကိုယ် ပြန်ကြည့်မိတော့ သူ့ကိုယ်ပိုင်မဟုတ်တဲ့ အကျီအဖြူခပ်ပါးပါးနဲ့ ဘောင်းဘီတိုလေးရယ်..

မနေ့ကအဖြစ်အပျက်ကို ကမန်းကတန်းပြန်စဥ်းစားတော့ ညဘက်နှစ်ဖက်မိသားစုတွေ့ဆုံစားပွဲပြီးတဲ့နောက်  Mingyuနဲ့တွေ့ခဲ့သည်။ ပြီးတော့ကော....

မဟုတ်မှလွဲရော...
Wonwoo မျက်ဝန်းလေးတွေပြူးကျယ်သွားကာ ချက်ချင်းထရပ်လိုက်တာကြောင့် ကြောင်ဖြူလေးမှာလန့်ကာ ပြေးဆင်းသွားလေသည်။

ဒေါက်. ဒေါက်.

တံခါးခေါက်သံထွက်လာပြီး ဖွင့်ဝင်လာတဲ့ လူနှစ်ယောက်ကြောင့် Wonwooကြောင်သွားကာ သေချာကြည့်မိတော့

အရပ်မြင့်မြင့် အသားဖြူဖြူ လူကောင်ထွားထွားယောကျ်ားလေးနှစ်ယောက် ပြောရမယ်ဆိုရင် တိုင်းတစ်ပါးသားလူမျိုးတွေ...

"မင်္ဂလာပါ သခင်လေး နိုးလာပြီလား
ကျွန်တော်တို့ မနက်စာလာပို့တာပါ"
ကိုရီးယားသံ လေယူလေသိမ်း ခပ်စိမ်းစိမ်းကြောင့်
Wonwoo စိတ်ထဲလန့်မိနေသည်။