Cherished Possession [Completed]

Part {5}

"တောက်!"
Mingyuတစ်ယောက် ဖုန်းကိုကြည့်ရင်း ဒေါသထွက်လာတာကြောင့် ပိတ်ပစ်လိုက်ပြီး သူ့ဆံပင်တွေကို ခပ်ကြမ်းကြမ်း ဆွဲဖွပစ်လိုက်သည်။

"ကျစ်! ငါဘာလို့အဲ့လိုလုပ်ခဲ့တာလဲ"
စိတ်ပျက်စွာ ကုတင်ပေါ်ကို လှဲချလိုက်တဲ့ Mingyu

သူပိတ်ပစ်လိုက်တဲ့ ဖုန်းထဲက ကျောင်းစာမျက်နှာက ဗီဒီယိုလေးတစ်ပုဒ် မှာတော့
စိတ်ပျက်စရာ commentတွေ တရိပ်ရိပ်တက်လာရင်းနဲ့ပေါ့......

"Wonwooက ဘာကောင်မှမဟုတ်ပါဘူးကွာ ဟားဟား"

"Wonwooတော့ တော်တော်ခံလိုက်ရတာပဲ သနားပါတယ် သူ့imageလေးပျက်သွားပြီ ကျွတ်ကျွတ်"

"ပျော့ညံ့တဲ့ကောင်ပါကွာ Mingyuကိုမှန်းနေတဲ့ အခြောက် နည်းတောင်နည်းသေးတယ်"

မနာလိုသူတွေကြားမှာ ဖြူစင်တဲ့နာမည်ပိုင်ရှင်လေးကတော့ ရက်စက်စွာ အနင်းချေခံရလေသည်။

******************************
Flack back.

Wonwooမှာ Mingyuလုပ်ရပ်ကို နားမလည်နိုင်စွာနဲ့ ​လက်လေးလှမ်းထားရင်း ဒီအတိုင်းရပ်နေမိသည်။
အကုန်လုံးရဲ့ တီးတိုးစကားသံတွေကိုလည်း သူကြားနေရသည်။

စေးကပ်လာသောလည်ချောင်းနှင့်တကွ အရည်လေးတွေလဲ့လာသော မျက်ဝန်းကို အတင်းကြိုးစားဖျောက်နေသည်။

"Wonwoo ရား ပြန်ကြမယ်မလား"
သူ့နား လျင်မြန်စွာ ရောက်လာသော jeonghan hyungကို ကျေးဇူးတင်ရမလား။
သူ့ကိုကွယ်ပေးလာသော hyungခန္ဓာကိုယ်ကို အသုံးချပြီး ပူနွေးတဲ့ မျက်ရည်လေးတွေ ကျဆင်းခွင့်ပေးလိုက်သည်။

တစ်ခြားသူတွေရဲ့ ဝေခွဲမရတဲ့အကြည့်တွေကြား သူမနေချင်တာကြောင့် ခပ်မြန်မြန်ထွက်လာလိုက်သည်။

Mingyuတစ်ယောက် သူ့နေရာမှာ အခန့်သားထိုင်လိုက်တော့ ဘေးနားကသူငယ်ချင်းတွေက အံ့သြစွာကြည့်လာသည်။
Mingyuကတော့ ဘာလဲဆိုတဲ့ သဘောနဲ့ မေးငေါ့ပြပြီး ရှေ့မှာချထားတဲ့ ဝိုင်ကိုသောက်လိုက်ရင်း Wonwooကို လှမ်းကြည့်လိုက်တော့

နှာခေါင်းလေးရဲတွတ်နေပြီး ခန်းမဆောင်ထဲမှအမြန်ထွက်သွားသည်ကို မြင်လိုက်ရသည်။