Unicode
"အဆိပ်မိတာပဲ"
ရှောင်းကျန့် လူသေအလောင်းအားသေချာစစ်ဆေးရင်း ရေရွတ်လိုက်တယ်။ အခန်းထဲမှာသဲလွန်စကျန်မကျန်သေချာစစ်ဆေးကြည့်လိုက်တယ်။
ဖတ်လက်စဖြစ်ပုံပေါ်သော စာအုပ်၁အုပ်က ကုတင်ပေါ်မှာ မှောက်လျက်သားရှိနေတယ်။
* ရုန်းရင်းဆန်ခက်ဖြစ်ထားပုံလည်းမပေါ်ဘူး။ ဒါဆို အစားအစာ သို့မဟုတ် သောက်တဲ့ရေမှာ အဆိပ်ခပ်ထားတာပဲဖြစ်ဖို့များတယ်*
ကုတင်ဘေးက စားပွဲပေါ်ကိုအကြည့်ရောက်သွားတော့ ရေကရားနဲ့ ဖန်ခွက်တခုကိုတွေ့လိုက်တယ်။
"ရဲဘော် , ဒီရေကို စစ်ဆေးဖို့ပို့လိုက်, ဖန်ခွက်ပေါ်က လက်ဗွေရာရော ယူထားး"
"ဟုတ်ကဲ့, ဆရာ"
ထိုစဥ်အခန်းထဲသို့ ရိပေါ်ဝင်လာရင်း
"ရှောင်း, ထူးခြားတာ တခုခု တွေ့ထားလား ??"
"သောက်တဲ့ရေထဲကို အဆိပ်ထည့်ထားတာလို့ ထင်တယ်, ရေကို စစ်ဆေးဖို့ပို့ခိုင်းထားတယ်, မနက်ဖြန်တော့အဖြေသိရမယ်ထင်တယ်၊ CCTV မှာရော ဘာထူးလဲ?"
"ရှိသမျှ CCTV တွေ အကုန်လုံး မနေ့က တနေ့လုံးစာ ပျက်နေတယ်, ဘာသဲလွန်စမှမရခဲ့ဘူး"
"စခန်းရောက်မှ ဆက်ပြောကြရအောင်, ဝမ်"
"OK"
ရှောင်းက နယ်မြေရဲစခန်းက ရဲဘော်လေးဘက်ကိုလှည့်ပြီး.....
"ရဲဘော်, အလောင်းကို အလောင်းခွဲစိတ်ဌာနကိုပို့လို့ရပြီ"
"ဟုတ်ကဲ့ပါ ဆရာ"
တကယ်ဆို လူသတ်မှုကို သက်ဆိုင်ရာ နယ်မြေရဲစခန်းကပဲ အရင် စုံစမ်းရမှာ, ဒါပေမယ့် အခုအသတ်ခံရသူက ရှန်ဟိုင်းရဲ့မြို့တော်ဝန် ဖြစ်မို့ သူ့တို့လို အထူးစုံစမ်းစစ်ဆေးရေးအဖွဲ့က တာဝန်ယူလိုက်ရတာ။
####
"အခု အသတ်ခံရသူက မြို့တော်ဝန် ကုကျားရန်ပဲ။ အားလုံးသိတဲ့အတိုင်းပဲ အဆိပ်ခပ်ပြီးအသတ်ခံရတာ ။ ဇနီးဖြစ်သူကလည်း မကြာသေးခင်ကမှ ကားမတော်တဆမှုကြောင့် မျက်စိကွယ်ထားပြီး၊ ခြေထောက်အရိုးအက်သွားတယ်။ ခြေထောက်ဒဏ်ရာကြောင့် ခုချိန်ထိဆေးရုံမှာပဲရှိနေသေးတယ်။ သားတယောက်၊ သမီးတယောက်ရှိတယ်။ သမီးဖြစ်သူဟာ မွေးစားထားတာလို့ သိရပါတယ်။ သားရော/သမီးရော ၂ယောက် စလုံးက ဆရာဝန်တွေပါ။ အခင်းဖြစ်တဲ့အိမ်မှာ သူတို့မိသာစုလေးယောက်အပြင် ကုကျားရန်ရဲ့ ညီမဖြစ်သူ ကုချင်းချင်ရယ်၊ အိမ်တော်ထိန်းလီရယ်၊ အခြားအလုပ်သမားသုံးယောက် ရယ် နေပါတယ်။ အခင်းဖြစ်ပွားတဲ့နေ့မှာတော့ သားဖြစ်သူ ကုရီရှင်းက ဆေးရုံမှာ night dutyဆင်းနေပြီး၊ သမီးဖြစ်သူကုရှောင်မုံ ကတော့ အဘွားနေမကောင်းတာကြောင့် အဘွားအိမ်မှာရောက်နေတယ်လို့သိရပါတယ်"
YOU ARE READING
Hope (Complete)
General Fictionအခုမှ စာစရေးတာမို့ အရေးအသားလိုအပ်ချက်တွေရှိနိုင်ပါတယ်။
