#Unicode
"မင်္ဂလာ နံနက်ခင်းပါ ခင်ဗျာ.."
"ဟော...ထယ်ယောင်း ရောက်လာပြီလား...နေမကောင်းဖြစ်တာရောအခုသက်သာသွားပြီလား?"
ရုံးခန်းထဲ ဝင်ဝင်ချင်း ထယ်ယောင်းက အဖွဲ့သားတွေကို နှုတ်ဆက်လိုက်တော့ အဖွဲ့မှုးက သတင်းမေးလာခဲ့သည်။
ဂျီမင်ကလည်း သူ့ပုခုံးကိုဖက်ပြီး နှုတ်ဆက်သည်။
"ဟုတ်ကဲ့...အခု နေကောင်းသွားပါပြီ.."
"အေးကွာ..သေချာဂရုစိုက် ရာသီအကူးအပြောင်းမှာ ဖျားလွယ်တယ်.."
"အားလုံး အဆင်ပြေကြတယ်မလား..?"
"ပြေပါတယ်ကွာ...ဒါပေမယ့် ထူးဆန်းတာ တစ်ခုပြောပြအုန်းမယ်သိလား?"
အဖွဲ့မှုးစကားကြောင့် ထယ်ယောင်းရော ဂျီမင်ပါ စိတ်ဝင်စားမှုဖြစ်သွားကာ...
"ဘာများလဲ အဖွဲ့မှုး."
နှစ်ခါတောင် မမေးလိုက်ရ...
ဘယ်တုန်းတည်းက ပြောပြချင်နေမှန်းမသ်ိသော အဖွဲ့မှုးက သူတို့နား ချက်ချင်းရောက်လာသည်။
ဂျောင်ဂု အခန်းဘက်ကိုလည်း တစ်ချက်အကဲခတ်လိုက်ရင်း ဂျောင်ဂုမရှိတာ သေချာတော့မှ....
"ငါတို့ ဒုဥက္ကဌ အကြောင်း..!"
"ဘာလို့လဲ? ဒုဥက္ကဌ က ဘာဖြစ်လ်ို့လဲ..?"
ထယ်ယောင်းနဲ့ဂျီမင်က စိတ်ဝင်တစားဖြစ်နေတာကြောင့် မျက်လုံးတွေအဝိုင်းသားဖြစ်နေကြသည်။
"ဒုဥက္ကဌမှာလေ ချစ်သူရှိနေပြိီတဲ့..."
"အဟွတ်!!အဟွတ်!!"
မင်ဂျွန်းစကားအဆုံးမှာ ချောင်းထဆိုးသော ထယ်ယောင်း...
"ဆောရီးပါဗျာ...ရုတ်တရက်ကြီး လည်ချောင်းယားလာလို့.."
"အဖွဲ့မှုးက ဘယ်လိုသိလဲ?"
ဂျီမင်က သူသ်ိချင်တာကို ဆက်မေးနေပြန်သည်။
"ငါလည်း ဝန်ထမ်းတွေ ပြောနေတာကို ကြားလာတာကွ...ဖြစ်နိုင်တယ် အရင်ရက်တွေကလည်း အလုပ်မလာဘူးလေ....ဒုဥက္ကဌက အလုပ်နဲ့ပက်သက်ရင် တိကျတဲ့သူမဟုတ်လား?ဒုဥက္ကဌ ချစ်သူက ဘယ်သူလဲ မသိဘူးနော်...သိချင်မိတယ်.."
"မဖြစ်နိုင်တာဗျာ..."
"ဘာလို့ မဖြစ်နိုင်ရမှာလဲ..ဂျီမင်ရဲ့.."
YOU ARE READING
Secretary KIM (completed)
Fanfictionဝမ်တစ်သောင်းတန်ကနေ စတင်ခဲ့သည့် အချစ်ဇာတ်လမ်းလေးတစ်ပုဒ်
