"ဒီနေ့လည်း နောက်ကျမှာလားဟင်..."
အလုပ်သွားခါနီး စာရင်းစာရွက်တွေကိုယူနေသော ဂျောင်ဂုအား ထယ်ယောင်း မဝံ့မရဲလေးဖြင့် မေးလိုက်မိသည်။
အိမ်ထောင်ကျပြီး နောက်ပိုင်း ဂျောင်ဂုက ဒုဥက္ကဌအဖြစ်ကနေ CEO အဖြစ်ရာထူးတက်သွားခဲ့ပြီမို့ အခုဆ်ိုပိုမိုအလုပ်ရှုပ်နေရသည်။
အခုလည်း မနက်မိုးလင်းတည်းက အရေးကြီးအစည်းအဝေးရှိတာမို့ Company သို့သွားရန် ပြင်ဆင်နေတာဖြစ်၏။
လွန်ခဲ့သော တစ်ပါတ်လောက်တည်းက ဂျောင်ဂု ကျွန်တော့်ကို စိတ်ဆိုးနေခဲ့ပြီး စကားမပြောပဲ ရှောင်နေခဲ့တာလေ။
ချစ်လွန်းလ်ို့ သဝန်တိုကာပြဿနာရှာမ်ိသည့် ကိစ္စမှာကလေးဆန်လွန်းတယ်ဟူသော အကြောင်းပြချက်ဖြင့် ဂျောင်ဂုက စိတ်ဆိုးလို့နေခဲ့တာမို့ မျက်နှာရိပ်မျက်နှာကဲ ဖမ်းနေရသည်။
"ဟုတ်တယ်....ဘာဖြစ်လို့လဲ..?"
မိမိကိုတောင် မော်မကြည့်ပဲ အဖြေပေးသည့် ဂျောင်ဂုအသံဟာ ခပ်ဆတ်ဆတ်မို့ ဆက်ပြောမည့်စကားက်ို မနည်းအားယူလိုက်ကာ...
"ပြဿနာရှာမိတဲ့အတွက် တောင်းပန်ပါတယ်...ဒီနေ့တစ်ရက်လောက်ပဲ စောစောပြန်လာပေးလို့မရဘူးလားဟင်..."
"ကျစ်!! ငါက အပျော်သွားနေတာမို့လား..ဒီရက်ပိုင်း အလုပ်တွေမတရားရှုပ်နေတာ...အခုလည်း တစ်နေကုန် ရှယ်ယာဝင်တွေနဲ့ စကားပြောရမှာ...ငါက အလုပ်ပင်ပန်းရတာတစ်မျိုး...အိမ်မှာ မင်းကရစ်တာတစ်မျိုးနဲ့ဘယ်လောက်တောင် စိတ်ရှုပ်ဖို့ကောင်းလဲ....မင်းကတော့ အချိန်တွေအားမှာပေါ့ အလုပ်မလုပ်ပဲ အိမ်မှာနေနေရတာကိုး..တော်ပြီ ဆက်ပြောရင်ငါပဲ စိတ်တိုရတယ်...သွားတော့မယ်.."
ဒေါသတကြီး အော်ငေါက်ကာဖြင့် ဆူသွားသော ဂျောင်ဂုကြောင့် ငိုချင်စိတ်တွေကို မနည်းဖြေဖျောက်လိုက်ရသည်။သက်ပြင်းသဲ့သဲ့သာချရင်း မျက်တောင်ရှည်တွေကိုတစ်ဖျတ်ဖျတ်ခတ်ကာဖြင့် မျက်ရည်တွေကို သိမ်းဆည်းလိုက်၏။
ဒီလို မင်္ဂလာရှိတဲ့နေ့လေးမှာ မျက်ရည်ကျလို့မဖြစ်ဘူးလေ။
စိတ်ဆိုးနေတာကို သိပေမယ့် ဒီနေ့က ကျွန်တော်တို့ရဲ့ မင်္ဂလာနှစ်ပါတ်လည်နေ့ဆိုတာကို မေ့နေခဲ့တာလား ဂျောင်ဂုရယ်။
.
.
.
.
.
"ထယ်ယောင်းလေး နေမကောင်းဘူးလား..."
BINABASA MO ANG
Secretary KIM (completed)
Fanfictionဝမ်တစ်သောင်းတန်ကနေ စတင်ခဲ့သည့် အချစ်ဇာတ်လမ်းလေးတစ်ပုဒ်
