اليتيمه

الحلقه الرابعه

اليتيمه:-الحلقه«4»
روايات أربع بنات
           بقلم:ألاء شليبك

لايك قبل لتقري...
هبه......كنت واقفه ومش مصدقه.....دموع الفرحه على خدي....رفعت رأسي فيه....وانا نقوله....انت تحكي بجد....هز برأسه بمعنى اي.......اتجهت جهة القبله وانا ساجده......نبكي بحرقه.......جاني شدني مع يديه ونوضني......قالي....شفتي لما قولتلك....وبدي يقرالها في آيه«آن آللهہ‏‏ لآ يضـيع عمـل عآمـل مـنكمـ»شفتي لما انتي كنتي قريبه من ربي شفتي لما نصلو كنا نرفعو في يدينا وندعو......شفتي شن ربي أعطانا.....عشره سنين متزوجين.....ونحن ندعو ربي يرزقنا بصغار.....وجيتي وقولتيلي تزوج....قولتلك لا مستحيل.....انا واخده لانه نحبك مش على خاطر الصغار.....تذكري لما ترقدي على المخده ودموعك على خدك.....تذكري لما تشدي في صغار خوتي والعبره خانقاتك.....اهو اليوم ربي رزقنا بعيل.....شفتله وقولتله.....سبحان الله قداش رحيم بينا....لما كنت قاطعه الامل وخلاص ما نقدرش نحمل......ربي رزقني بفرحه وشافت لبطنها....انا مش طالبه من ربي غير انه يجي ولد ويشبه بوه في كل شي....ابتسم وقالي....انا نبيها بنت....نبي ندللها ونعيشها عيشه ما تحلمش بيها....نبيها تجي شبهك....طبست راسي وانا نضحك......قولتله وانا شن بيصير فيا....قالي هنا مكانك انتي👈💜👉 ماحد يأخده.....شفتله ورفعت حاجبي.....رد بالك.....قالي....وووك عليك حتى على بنتك.....قولتله....وكان بنتي....قالي...باهي به ربك يستر...شدني مع يدي والليله هديكا رقدنا ونحن مرتاحين.....الضنه غالي.....ربي ما يحرم اي ام من هاللحظه هذه.....

شكري....خشيت الحوش وكالعاده مظلم.....نفس الشعور انغم على قلبي....رميت حوايجي وتلوحت طول....نفكر شن بندير...الديون لفوق راسي....من وين بنجيب حقهم....اتصل تليفوني....رديت ايوا....قالي....لقيناه مداير حادث ونقلوه للعنايه....مازال ماتمش كلامه مشيت نجري...طلعت ركبت السياره وانطلقت.....اي مستشفى....ما نعرفش وين....عاودت اتصلت بيه....قولتله....اي مستشفى.....قالي(.......)قولتله....تمام اهو جاي....شديت التليفون هل نقوللها....خديت وبنتصل....ما قدرتش كيف بنقول....زدت السرعه اكثر وما نشوف شي قدامي....كان شخص غالي عليا....وصلت للمستشفى وكانت الدنيا زحمه....شوره العيله كلها تعرف....خوته الاولاد واولادهم...وخوالي حتى هما لقيتهم غادي موجودين.....بس صغاره ومرته مهناش....سالت خالي...وقولتله....شن حاله.....هز برأسه بمعنى مش تمام....حسيت  الدنيا زادت ضاقت بيا.....فجأه جي معاذ.....مابيتش نشوفله درت روحي احول....قدام خطوات سلم على الكل وجاني....مد يديه ما قدرتش نرده.....سلمت عليه من غير ما نشوفله.....وبتعمد وقف جنبي.....قعد لحظات ساكت....وبعدين تكلم....قالي شن الامور....من غير ما نشوفله....قولتله....تشوف فيها....وزي العاده يبي يستفزني بيها.....قالي كنت بنجيب المرءاه معاي....وما خليتاش حتى يتم دوته مشيت وسيبته....نار ولعت فيا كنت بنقز عليه ونضربه كنت نبيه نقتله بين يديه بس مش وقتها....قعدت واقف وحاط يديه في جيبي وقلبي ف كف عفريت....لين شفت المنظر يلي رجعلي لذكريات انا هارب منها.....