اليتيمه

الحلقه عشرون والاخيره

اليتيمه:-الحلقه«20»والاخيره
روايات أربع بنات
        بقلم:ألاء شليبك

لايك قبل لتقري.....
الحمد لله....حمداً كثيراً طيباً فيه....ملأ السماوات والارض وما بينهما.....💜

روايتنا كانت عباره عند أرض قاحله.....جافه....ميته....
بس كان فيها ثلاثه بنات....
وقفو مع بعض ويد في يد.....
قدام كل الصعوبات....قدام كل التحديات....قدام كل الهموم....قدام كل المصائب.....
رفعو رأسهم وقالو يارب.....وشدت كل وحده فيهم جهه و بدأت بالاهتمام بيها.....من زرع....وسقي...من حرث...وثم حصد.......
بس شن زرعوها؟؟
كان زرعها الثقه بالله....
شن سقوها؟؟
الصبر.....
كيف حرثوها؟؟
بدعاء....
وشن يلي حصدو؟؟
الاستجابه...
بعد سنين وسنين....بعد دموع....بعد نزيف....بعد وجع وهم....تعب كل يوم....اليوم واقفين ومبتسمين.....
الارض القاحله اليوم أصبحت جنان من جنان الارض.....💜

الثقه بالله.....الثقه بالله.....الثقه بالله.....الثقه بالله.....

هبه....لما رفعت رأسي لقيت نضال قدام عيني.....شفت لعلي طول.....ونحكيله هذا كيف قاعد مخليه.....طبست رأسي للاسفل ومشيت...ما حبيتش نشوفه.....وكملت طريقي ومسكره وذاني ما نبيش نسمع شي....ولا حرف.....كل ما نشوف لدرج نركبه نجري.....لين لقيت نفسي واقفه في ممر....نلتفت يمين يسار....شن درت....وين انا.....علي؟؟وينك....مشيت ومشيت بحثا على أي حد يذلني على علي.....وكانت في حجره جهة اليمين....طقيت الباب مرتين ودخلت....السلام عليكم وخيي ممكن تقولي وين حجرة المدير تجي....رفع رأسه وكان راجل متوسط العمر.....لحيته سوده وفيها شعرات بيض.....قالي....تلقيه نهاية الممر...جيت بنطلع بس رجعت....لو سمحت ممكن تمشي معاي انا اول مره نجي والله ما نعرف....ناض من مكانه وبدون اي كلمه ....مشي قدامي وانا وراه.....قعدنا ماشيين وانا نتفرج بعيوني على الحجرات والممرات.....ووقفنا عند باب كبير....قالي اهوا خشي....قولتله....صحيت تعبتك معاي....مشي وبدون ما يحكي معاي أي كلمه.....طقيت الباب وخشيت....كانت في بنوته مقعمزه واول ما شافتني ابتسمتلي....قالتلي....تفضلي....قولتلها....يزيد فضلك انا اخت المدير هنا ممكن لو سمحتي بنخشله....قالتلي...تفضلي .....طقيت على الباب ودخلت....لقيت علي واقف وشاد التليفون أول ما شافني....قاله....خلاص خلاص اهو جت....وسكر الخط وجاني.....قالي....شن انتي هبلتي....شن يلي درتيه هذا.....قولتله....علاش قاعد مخليه يخدم عندك....قالي....الراجل ما نقطعش برزقه.....قولتله....بس انت تعرف الراجل هذا شن دار في أختك.....قالي....يلي صار بيناتكم انتهي حتى انتي ما قصرتيش معاه....قولتله....انا!!....قالي....اي انتي شن يخلي الراجل يمشي ويختفي ويتزوج عليك.....حسيت كلامه زي السم نزل عليا.....قالي.....يا هبه....ما تزعليش مني....بس انا ما نقدرش نفصله على خاطر شي شخصي صار بيناتنا....وهو هنا عندي زيه زي أي موظف....يعني يلي كان قبل معاه انتهي.....رفعت عيوني فيه ....دير يلي يساعدك وانا فوتني....قالي....شن فوتني....تي قداش عندي اخت انا.....سامحيني بالله عليك....وحقك عليا....وانتي حتخدمي هنا و كل ما تشوفيه ديري روحك عمياء ما شفتيشي....اسمعي كلامي يا وخيتي مش حتندمي....هزيت برأسي بمعنى تمام....قرب عليا وقالي....اهم شي مسامحتيني انا صح ✅.....ابتسمت وقولتله....اي❤......الاخ نعمه يا ناس....
قالي....تعالي توا نوريك وين مكتبك وكيف تخدمي.....قولتله....هي ....شفت لماريا...قولتلها....هي تعالي معانا....قالتلي....لالا جايبه ألعابي بنلعب هنا....شافلي علي وقالي خليها.....وطلعت انا وياه لمكتبي.....كان كبير وواسع....وليا بروحي....مشيت نجري قعمزت على الكرسي يلي يتحرك يمين يسار نلعب بيه.....قالي....تعالي نوريك شن.خدمتك....قولتله....لالا خلاص عرفتها....قالي....شن عرفتي....قولتلها....اهوا وقعدت نلعب ونمشي ونجري ونلف بالكرسي.....شدني من الكرسي ولصقني في المكتب.....قعمزي هنا حشمتيني😂.....قولتله....تي خليني مازال ما كملتش.....قالي....انا جايب معاي بنتي الثانيه...اعقلي.....وجي وقف جنب رأسي وطبس فتح الكمبيوتر وبدي يوري فيا.....شفت الماوس((المعروفه عندنا الفأره))وبديت نلعب بيها .....حي محلاها....شد يديه وضربها قعمزي وأنتبهي معاي....انتبهت معاه....وبعدين لقيت ورقاء على جنب خديتها نمروح بيها.....وانا كل ما نمروحه نضربه بيها على وجهه....شن بنديرله قريب مني هو 😂.....شد الورقه وقالي....هذا الانذار الثالث.....حطيت يديه على خدي...ونتفرج عليه شن يدير....وولما طلع من البرنامج وجي لسطح المكتب....لقيت لعبة الطبخ.....عيطت في وذنه.....حييييي شووووف.....بعد عليا وحط يديه على وذنه....قالي....خيرك طرشتيني.....قولتله.....ميه ميه في لعبة طبخ.....قالي....هذا يلي همك انتي.....انتي شن جايه اديري هنا....قولتله....اسمع من الاخير انا ما يمشيش معاي را الجو هو.....وحطيت رجل على رجل وبديت نلف بالكرسي....انا كان جايه بنخدم جايه على خاطر الكرسي هذا....شن رأيك نروحو بيه.....قالي....تي غير شن درت في عمري انا.....خليك هنا وانتبهي للكمبيوتر....والعبي لعبتك لين نفضالك....وطلع وسيبني....
اللطف هذا علاش تعفلق شن قولت انا.....خديت الورقه نمروح على روحي ونلعب بالكرسي في الحجره😂....