اليتيمه

الحلقه الثالثه عشر

اليتيمه:-الحلقه«13»حقيقيه
روايات أربع بنات
         بقلم:ألاء شليبك

لايك قبل لتقري.......
قبل كل شي.....دقيقه من وقتك تنفعك💙
سبحان الله....
الحمد لله....
لا إله إلا الله....
الله أكبر....
استغفر الله واتوب اليه.....
لا إله إلا أنت سبحانك إني كنت من الظالمين.....
.........................................

نهى.......اليوم نايضه و ناشطه......مش عارفه علاش أنا اليوم فرحانه......طلعت برا ولقيت البنات يلي هذا تلبس.....شفت الساعه.....اوووو عطلت......مشيت غسلت وجهي وتوضيت وصليت......طلعت حوايجي وقعدت حايسه شن نلبس.......يلي يسمع بيا عندي دولاب نعبي حوايج.....مش اربعه لبسات ليا قريب تلاته سنين نلبس فيهم......هي خ نغير شكلهم.....وخديت من كل لبسه حاجه.....وهكي طلعت لبسه جديده......وقفت على المرايه نشوف لروحي.....كان الارهاق تحت عيوني هلبا......شن بندير......لبست وشاحي ووقفت نواسي فيه......قعدت لحظات واقفه على المرايه......خديت شنطتي وطلعت......الطريق هاديه وفاضيه.....مافيش سيارات هلبا......في ناس كيف باديه تفتح في محلاتها.....وناس كيف طالعه من حياشها.....وناس يولعو في السياره.....هذا يستنى فيها تسخن....وهذا طلع على طول مستعجل......ماشيه ونتأمل في كل حاجه.....
نتأمل في هذه مقعمزه جنب واحد والباين صغير أكيد هذا خوها....
ووحده مقعمزه وجنبها راجل كبير في العمر اكيد هذا بوها....
واحد طالع من المحل يسلم على ثاني ببسمه على وجهه اكيد يعرفه.....
شفت إثنين عصافير طالعين من الحوش وشادين عصفور صغيرون......مغطيينه خايفين عليه يمرض يااروحي.....
الدنيا مازال فيها خير الناس تسلم وتصبح على بعضها......يردو في البسمه لبعض......لو ما يحكوش بفمهم عيونهم تحكي💙
ووصلت للجامعه.....ولقيت البنات مجتمعات.....صبحت عليهم وسألتهم شن سبب الجمعه هذه......قالولي اليوم ما فيش محاضره الدكتور غايب.....به وأنتم شن بديرو.....قالولي.....بندرو نمشو للمحلات وندهورو.....قولتلهم....قصدكم مش حتروحو....قالولي....علاش بنروحو حني طلعنا طلعنا والدكتور مهناش ماهو ندهورو ونغيرو جونا خير......في خاطري نحكي.....هذه أنتم بأهلكم هكي....إمالا كان كنتم بدون أهل شن كنتم اديرو.....قالولي ....بتمشي معانا....قولتلهم....لالا بنمشي للخدمه كان هذا.....وانطلقو في طريقهم.....
وجعني حال الاهل يلي يبعتو بناتهم بش يقرو......في الاخير البنات يطلعو ويدهورو....به شن منظر اي وحده فيهم تلقى يوها او خوها في الطريق....شنن بتبرر شن بتقول.....الحمد لله على نعمة الرزانه والعقل يلي عاطيهالي......
مشيت للمستشفى......واول ما خشيت قابلني الدكتور أسماه في وجهي.....صبح يا فتاح.....ابتسم وقالي صباح الخير.....بدون نيه رديت عليه صباح النور.....قعد يسأل فيا على حالي وانا نرد فوق من نفسي.....ولما كمل أسألته ركبت لسماح فوق.....لقيتها شاده القومه وحاطه رأسها على الحيط....قولتلها.....خيرك يا سماح شن في.....قالتلي....نستنى فيهم يطلعو من الحجره بش نضمها....وانتي علاش ش جايه مش عندك محاضره.....قولتلها.....الدكتور ماجاش قولت بلاش نضيع اليوم ونجي للخدمه....قالتلي ادير خير تعاونيني.....قولتلها....به امالا خ نخش نحط شنطي ونجي......خشيت الحجره وحطيت الشنطه وجايه بنطلع بس سوريتي شدت في الباب.....حاولت نحولها بس خاصله ما قدرتش......شفت الدكتور اسامه جاي من بعيد وبقدرة قادر حولتها....لكن بعد شني بعد لمزقت السوريه.....جي اسامه يسأل خيرني شن في....شاف السوريه مزقه....قالي اهم شي سلامتك.....قريب بكيت ما عنديش حوايج.....مشيت وسيبته واقف.....كان همي كله في سوريتي يلي تمزقت توا كيف بندير وهكي بنقعد هنا.....ضربت في بالي البالطو الابيض...توا نمشي نلبسه يدرق......مشيت خشيت لقيت بالطو معلق ما نعرفشحتى بالطو مني خديت لبسته وطلعت......مشيت لسماح يلي استغربت.....قولتلها....ما تشوفيليش هكي سوريتي تمزقت وما عندي كيف  بندرقها غير هكي.....قالتلي....امالا بتخدمي بيلي لابستيه هذا......قولتلها.....ما عندي ما ندير ما فيش حل ثاني....نمشي نجيب عوالة التنظيف ونجي.......
وانا طالعه لقيتهم مدخلين حاله لغرفة العمليات.....دكتور وممرضات معاه.....واول ما جت عيني في عين الدكتور قالي تعالي......مشيت معاه كنت نحسابه بيعطيني حاجه بنجيبله حاجه......لقيت روحي في غرفة العمليات.....مدلي اللبسه الخضراء والكمامه.....هي البسي فيسع.....في خاطري....حي عليا حي شن جابني انا.....ما نعرف شي.....لبستهم وما قدرتش ندوي شن بنقوله وهو مش وقته الكلام.هذا......وقفت جنب الممرضات ومركزه في العميله.....نشوف في الدم ويبرا وخياطه......ووووك عليا......مره مره الدكتور يقولي مديلي حاجه.....لين خش زوز دكاتره......وبكل قوه طول جو للحاله وبدو يخدمو.....نشوف فيهم ومنبهره في خدمتهم ويديهم الخفيفه.....رفعت رأسي......مالك وأسامه!!
مره مره يرفعو رأسهم ويقولولي جيبي حاجه.....وهكي قعدنا لين تمت العمليه وكانت ناجحه الحمد لله.....طلعنا وحني تاعبين وكإنه كنا نجاهدو....طلع مالك وأسامه يهرزو وانا طلعت وراهم واول ما ما طلعت نزلت الكمامه.....انصدم مالك فيا شن ندير هنا وشن  دخلني معاهم.....قولتله....ما تسألنيش كنت واقفه لا بيا لا عليا جي الدكتور وقالي تعالي انتي....قالي....اكيد قالك هكي على خاطر البالطو يلي لابستيه......اذكرت السوريه....قولتله.....اي خشيت امبكري للحجره لقيته معلق جي خاطري نلبسه لبسته بش نطلع نوريه لصاحبتي شافني الدكتور😅.....اسامه عارف السبب بس سكت.....قولتله .....هي نستأذنكم......
نزلت طول لسماح نحكيلها وقبل لنحكي سبقتني هي وحكتلي.....
راهو الدكتور أسامه امبكري سألني عليك.....قولتلها....سألك عليا.....قالتلي....اي......وشن يبي.....قالتلي.....يبي يخطبك....قولتلها...من قالك....قالتلي....هو قالي قوليلها بما انه مش مخطوبه وهكي انا ناوي الحلال وكل شي على سنة ربي ورسوله.....قولتلها....شن تحكي انتي لالا...قالتلي....شن هو يلي لا....تسكري فمك تبوسي يديك وجه وقفا جايك دكتور.....مش كل يوم يجيك عريس مقوم......قولتلها....ما هضمتاش.....قالتلي.....توا خلينا لما نروحو نتفاهمو.....
طول ما انا نخدم وانا نفكر في الموضوع.....زعمك بالك هكي من الاول ما هضمتاش بعدين عادي.....لكن مش عارفه علاش مش مرتاحتله.....به كيف بندير.....فعلا انا شفت الويل توا لازم ندير حوش ونستقر ونعيش حياتي.....به كيف بنعيش حياتي واختي وخوتي الاولاد.....كيف بندير.....لين جي موعد المرواح....روحت انا وسماح....وطول الطريق وهي تحاول تقنعني......وروحت للميتم وحكيت لعبير....وعجبها الموضوع وقالتلي علاش لا قولي باهي.....بدو يأخدو ويلعبو في عقلي وقولي باهي وشن فيها وهو كويس ودكتور.....علاش الناس مدايرين منه حاجه كبيره الدكتور.....ليش الناس يدورو لبناتهم الدكتور ويلي عنده فلوس.....اول شي يسألو عليه شن يخدم وشن تخصصه.....وكان عرفو فلوس او خدمه قويه يشدوه بيديهم ورجليهم......علاش تفكير الناس اصبح هكي......
اجتمعت بخوتي الاولاد وحكيتلهم......وسألو عليه ولقوه كويس وما شاء الله عليه......كلمت عمي صالح صاحب بابا الله يرحمه وسأل عليه وشكرهولي......ما لقيتش سبب مقنع بش نرفض رغم انه قلبي مش مرتاح بس قولت عادي غير في البدايه بس......
واليوم واقفه ولابسه قفطان على البيج......خواته وأمه جنبي وكإنه فوق من نفسهم جايين كإنهم بالسيف.....نبستم وفرحانه زي أي بنت فرحانه بخطوبتها......نشوف لدبله في يديه يلي لبستهالي أمه ومش مصدقه ......الفرحه مش ساعيتني.....سماح لابسه قفطان على اللون الاسود والبنات كلهم فرحانات وقالبين الدنيا.....عندهم حق مش ديما نفرحو.....عبير واقفه ودمعتها في عينها وتبتسملي ولابسه قفطان ابيض بسيط.....نتفرج بعيوني على الكل.....كانت اللحظه هذه ناقصه أمي وبوي.....مخليين مكانهم هلبا.....خالتي غاليه هي وبنتها سهى يلي توا حامل في الشهر الثاني يصفقو وفرحانين بيا....نتفرج على الكل ونرجع نشوف لخواته يلي كانو يفنصو مكان ما يفرحو......علاش شن في؟؟
شن صاير؟؟
شن هو يلي مش عاجبهم؟؟
روحو خواته ومن غير حتى ما يسلمو عليا.....الكل يشوفلي بستغراب......ابتسمت ما حبيتش نوضح الصدمه يلي انصدمتها....جت سلمت هليا خالتي غاليه وسهى.....قولتلها.....صحيتي تجيبي وننوضي بسلامه....قالتلي .....سلمك الفال ليك ياربي ربي يتمملك على خير....طلعتو خالتي غاليه فلوس من شنطتها....وقالتلي....شدي....قولتلها...لا والله ما صارت صحيتي....قالتلي....يا بنتي لما نعطيم فلوس خوديهم مني معش تردي......قولتلها.....ما نبيش نكدرك يا خالتي خليهم عندك.....قالتلي.....يا بنتي هذه امانه وامانه صعبه خوديهم سلم بنتي.....يا خالتي غاليه الفلوس هذم من وين......ابتسمتلي وشدت يديه.....قالتلي يا بنتي .....مش وقتها توا يجي تعرفي....خالتي غاليه هذه تاني مره من مني الفلوس.....قالتلي.....قولتلك توا تعرفي.....وابتسمتلي هي وسهى وباركولي وروحو.....مسيبني غارقه في الاسئله....
وجي الليل ......
مقعمزه نتفرج على الدبله ونسأل في نفسي....
يا ترى الايام الجايه شن داستلي....وحياتي مع أسامه كيف بتكون.....خشت عبير وقعمزت جنبي....قالتلي .....ربي يهنيك وعقبالي انا......ضحكت على تفكيرها.....قولتلها.....ان شاء اللىه يجي اليوم يلي نشوفك فيه احلا عروسه.....رفعت يديها وقالت.....يااارب ربي يسمع منك....قولتلها.....مقابل انه عندك سبعه سنين قرايه......قالتلي.....انتي هكي زي الدراه اللحظات السعيده ضروري ما تحطميها......قولتلها....هذا الموجود.جبت حاجه من عندي.....قالتلي.....عادي نتزوج ونقرا.....شفتي كيف نفكر.....قولتلها.....مستحيل تلحقي صعب تلحقي بين حوش ومسؤوليه وقرايه وطب فوق هذا كله.....يا أختي كل شي أعطيه حقه وكل وقت بوقته......قرايتك اولى من الزواج والمسؤوليه.....بعدي عليك الافكار هذه .....مش كل وحده متزوجه متهنيه.....في هلبا نادمين سيبو قرايتهم وتزوجو....او تزوجت وعلى اساس بيتمو قرايتهم بس اول ما انقرت الفاتحه قاللها ما فيش......توا حطي في بالك هدف واحد وهو مستقبلك وقرايتك.....والباقي خليه على ربي كيف ما يجي يجي.....اهم شي تكون نيتك صافيه وخاليه من الحقد والغل والحسد.....تمني الخير لغيرك.....
وعلى نياتكم ترزقون......
وردت عليا سماح من خلفي.....كلامك صح يا نهى.....التفتت وابتسمتلها.....جت قعمزتنا جنبنا....قالتلنا.....
انتم زوز بنات.....تقبلوني اخت ثالثه ليكم💙
قولتلها.....انتي اختي يا سماح بعهد الله ورسوله....وربي يعلم يلي نرضاه في نفسي نرضاه ليك......قالتلي.....مشيت لبوي اليوم......شافتلها عبير بستغراب....قالتلها.....نسيتك ما حكيتلكش....احكيلها انتي يا نهى......شفت لسماح قولتلها شن حاله بوك......قالتلي .....تاعب اليوم هلبا.....قولتلها....به رفتوه لدكتور او اي شي.....قالتلي....جبتله دكتور اعطاه ادويه وحبوب.....وقعدت جنبه لين ارتاح......وخليت الشغاله عنده واعطيتها حقها وطلعت.....قولتلها....قعدتي يا سماح مع بوك علاش مروحه....شفتلي.....يا نهى انا توجعت احرف من هكي....وما لقيتاش جنبي.....بس هو لما توجع لقاني.....بس مش ديما......انا حندير كيف ما قال ربي
﴿وبــآلوآلدين آحسـآنآ﴾
انا نبي ربي يرضى عليا .....ورضى الرب من رضا الوالدين....انا كل يلي عليه ندير فيه .....وبعدين انا ما نقدرش نبات برا الميتم خيرك......اي حق نسيت به غدوا بتمشيله ......قالتلي.....اكيد بنشوف حاله......قولتلها.....لالا ان شاء الله غدوا يكون احسن....