اليتيمه

الحلقه التاسعه

اليتيمه:-الحلقه«9»حقيقيه
روايات أربع بنات
         بقلم:ألاء شليبك

لايك قبل لتقري........
نهى.....شفت أختي انصدمت في شكلها......شن هذا......كان لبسها مبهدل......وكله طين وميه......تشوفلي وكانت خايفه.....جيتها نجري....قولتلها....خيرك....قالتلي.....نبي ميه عطشانه.....جبتلها ميه......وقعمزت انا وسماح.....تقدري تحكيلي خيرك.......شربت الميه في مره وحده.....قالتلي.....معش نبي نخدم.....قولتلها......علاش خيرك شن  صاير وخيره هكي منظرك.....قالتلي.....في واحد قعد يلحق فيا بسياره وسكر عليا الطريق وقالي اركبي......هربت نجري لين ضيعته وكملت طريقي جري.....لين عثرت في حفره كانت كل ميه وطين......قولتلها.....من هو هذا.....قالتلي....والله ما نعرفه.....وشدت يديه وترعش مع بعضها......قالتلي بالله عليك معش نبي نخدم.....قالتلها سماح.....مافيش حد ما يخدمش هنا مستحيل يخلوك من غير خدمه......شفت لسماح قولتلها.....من غدوا اختي بتمشي معاي.....قالتلي امالا لازم نكلمو مدير المستشفى اذا يخليها.....قولتلها.....يلي هو اختي معش تقعد يروحها رجلي على رجلها.....شفت لعبير يلي كانت خايفه قولتلها بري غير حوايجك ودوشي.....مشت اختي وواضح كان الخوف عليها.....شفت لسماح....قولتلها....الدنيا بدت تخوف.....قالتلي.....الدنيا ما تبيش ناس خوافه زيك وزي اختك.....قولتلها.....نبي نعرف السبب يلي مخليك قويه هكي.....قالتلي....يلي مريت بيه خلاني هكي.....قولتلها.....بي شن مريتي انتي بس كان نعرف........شافتلي وابتسمت على جنب قالتلي....توا يجي يوم وتعرفي......ومشت وسيبتني.....قعدت عيوني عليها لين اختفت.....رفعت راسي لسماء وانا معش عارفه شن ندير......كل شي فوق راسي من وين بنلقاها ولا من وين......خشيت الداخل ولقيت عبير تجفف في شعرها......فرشت فراشي......وخديت فراش ثاني وحطيته جنبي.....قولتلها.....تعالي الليله بترقدي جنبي.....قالتلي.....ياريت.....قولتلها....امالا تعالي هي.....ورقدنا واختي راقده جنبي....كانت حاااسه بأمان وانها مش بروحها بس انا......من معاي.....لفيت رقدت على ظهري ونشوف فوق.....قولت....انا معاي ربي.....ومش حينساني....

ثاني يوم.......
نايضه انا وعبير نلبسو....جتنا سماح قالتلنا....شن واتيات.....قولتلها....اي....قالتلي....امالا هي نطلعو.....انطلقنا وانا يديه في يد عبير.....كإنه نقول اي حد يحاول يقرب على اختي لازم يواجهني انا قبل....وصلنا للمستشفى وحني نصبو عرق......الدنيا كانت نوووو والشمس فوق راسنا.....مشينا لحجره المدير....لاحظات وخشينا......قعمزنا وبدت سماح تحكي معاه.....وكإنها تعرفه من قبل.....تحرك يديها يمين يسار.......طريقة كلامها كإنها ماتحكيش مع مدير......وافق المدير على خدمة اختي......وجينا بنطلعو بس سماح قالت اطلعو وتوا نلحقكم......طلعت وانا مستغربه فيها شن تبي من المدير وما تبيش تقول قدامنا.....طلعت انا وعبير وقفنا قدام الباب نستنو...لين طلعت...وماحبتش تحكي.....خدينا يلي هذا حاجتها وبدينا في الخدمه....

هبه.......كان شكري جنبي....مخلانيش لحظه......علي روح للحوش لانه بنته تبي ترقد.......نضال طلع يبي يجيب شوية ادويه......شقت لشكري....وقولتله....وخيي روح....انت معاي من امس ومرقدتش.....قالي لالا مش حنخليك بروحك.....نلع ورجلي على رجلك....قولتله.....روح مش حيصيرلي شي انا نضال شوي وجاي.....قالي.....خيرك انتي قالقه مني......قولتله.....لالا معقوله بنقلق منك.....قالي....امالا خلاص بتقعد معاك.....لحظات وطق الباب.....خشت خالتي ربيعه وخالي معاها......شكري لفت وجهه جهة الروشن......ببتسامه صفراء سايرتهم.....سلمو عليا وجو سلمو على شكري.....سلم عليهم شكري من غير ما يشوف خالتي ربيعه......قعمزو جنبي وبدو يهدرزو......وهنا طق الباب وخشت......شفتها بصدمه ما توقعتهاش نهائي تكون هي......