اليتيمه

الحلقه الخامسه عشر

اليتيمه:-الحلقه«15»حقيقيه
روايات أربع بنات
          بقلم:ألاء شليبك

لايك قبل لتقري.......لا إله إلا أنت سبحانك إني كنت من الظالمين💙

سميره......واقفه ونتفرج على خوي قدامي.....وجعني قلبي عليه......بينما أنا حالي يلي يوجع.....يا وخيي اهدأ شويه...
يا وخيي عارفني ما نرضى فيك دقت الشوكه....
يا وخيي وحد ربي.......
بس صم بكم عمي.....
حرب قايمه بين خوي أسعد وبوي.....وكالعاده.....بوي استرخص القرش علينا.....قاله ما عنديش فلوس بش نعطيك....
وين يا بوي فلوسك تخدم وتنشي لصحراء ةتسيب أمي هي يلي تشتغل وتصرف علينا فلوسك انت وين.....
به وولدك يلي يقرأ في هندسه معماريه.....ويجيب فيها امتياز ومن الاوائل......تستخصر فيه.....علاش يا أهلنا أنتم هكي معانا....
علاش يا سندنا تقسو علينا.....
به علاش جبتونا كان هكي بتعيشونا.....
قاله خوي أسعد.....به انا كيف بندير في قرايتي.....من بيصرف عليه ويجيبلي كان مش إنت.....عارفني خدمه ما نخدمش..همي كله قرايتي....قاله بوي.....برا دورلك خدمه.....قاله....به علاش ندور خدمه وانت عندك فلوس ما تاكلهمش النار.....علاش لازم تحطمني.....قاله بوي.....شن بدير بيها القرايه......راجل بطولك وعرضك يمد يديه لبوه ويقوله أعطيني فلوس.....ماااك مش راجل.....فجأة خوي أسعد معش شفته طلع بسرعة البرق وسكر باب الحوش بقوه.....واقفه ونبكي على وخيي .....به علاش هكي مكتوب علينا وجع القلب......وقامت القيامه بين أمي وبوي......قالتله امي.....هذا ولدك علاش تستخصر فيه حق كتب ....كان مش انت صرفت عليه من بيصرف.....والفلوس يلي عندك لمن داسهم......قاللها وبالحرف الواحد......تي إنتي اسكتي ما نبيش نسمع صوتك.....بالك تحسابيني جايبك من مصر بش نعيشك زي الملكه......لالا فيقي انا جايبك بش تقعدي خدامه لامي وخواتي وخوتي ونساوينهم.....عقاب مصريه شحاته تتكلم.....وياناري أمي وجعتني في وسط كبدي......طلع وقربع الباب.....قعمزت أمي على الارض وتبكي.....جيت خطوات تجاهها.....أمي.....رفعت رأسها فيا والنار مكان الدموع.....كله منك إنتي كله منك إنتي......اي منك.....إنتي ديما يقولي بوك بنتك أحسن منك.....ديما يقولي.....ماكلتك لوحيها وسخ مصر ويقولي خلي بنتي سميره اطيب ماكلتها احلا منك.....ديما يقولي انتي زي الشحاته بلبسك هذا ماهو مصريه وانتم المصريين ديما متشردين.....بينما بنتي سميره لبسها احلا منك....ديما يقولي بري بنتك تربيك لانه انتي مش متربيه.....ديما يشكر فيك....ديما يمدح فيك وانا لاا.....وناضتلي وهاليوم كان يوم موتي.....من الضرب والضرب والضرب .....أغمى عليا.....لبسي وحوايجي كلها دم.....وجهي ويديه لونهم أحمر.....أمي واقفه تشوف لبنتها يلي كانت ميته قدامها.....تباعدت تشوف في الجريمه يلي ارتكبتها......
هذه الغيره شن ادير.....
مافيش فرق بين ليبي ومصري.....سوري وتونسي.....سعودي وكويتي.....نحن قوم أعزنا الله بالاسلام.....نحن قوم تحت كلمة لا إله إلا الله.....قال الرسول صلى الله عليه وسلم(آلمـسـلمـ
آخو آلمـسـلمـ)
لم يقل الليبي اخ الليبي والمصري عدوه.....كلنا إخوه في الاسلام.....
سميره....يلي سببه بوي لامي هي عدم ثقه بنفس......كانت تشوف فيا اكبر عدوه ليها لانه بوي يمدح فيها في كل شي.....فوق من عشرين سنه وهي عايشه معاه....ما عمرها سمعت منه كلمه حلوا.....وانا نشهد على الشب هذا.....بوي مان يفضل في أهله على صغاره.....كان حني ينقص علينا في المصروف ويعطيهم لصغار خوه واخته.....بينما حني صغاره أولى بيهم.....
نذكر في يوم من الايام.....
كنا مقعمزين انا وخواتي وكنا في عمر 10و9 سنين...يعني صغيرين....وكانت في عيد الفطر.....مقعمزين ومعانا امي وبوي.....وعماتي ونساوين عمي وصغارهم وحناي.....نشربو في الشاهي ونأكلو في الحلويات.....نضحكو ونبصرو.....جت بنت عمي وقالتلنا هي نطلعو نلعبو برا.....نضنا كلنا وطلعنا نلعبو زينا زي أي اطفال........همهم يلعبو وخلاص.....
وبعد لكملنا اللعب وخشينا.....كان لبسنا ولبس صغار عمي كلهم ملبز بتراب وبالميه......خشو صغار عمي قبلنا.....شافلهم بوي وقاللهم......هكي يا صغاري شوفو حوايجكم كيف خليتوهم.....وعلى خشتي انا وأسعد ونور .....شفلنا ونظرته مازال بين عيوني......
طريقه حركه فمه بين عيوني....
كلامه قاعد يرن في وذني......
صبعه يلي قامه وأشر علينا مش حننساه......
شوفو شوفو شوفوهم بالله هو ووسخم......تي خش يا كلب انت وياهم ياريت حتى حوايجكم رخيصه......
غصه في قلبي....ماشيه ومطبسه رأسي.....
وجهي أحمر.....وريقي يابس.....
قعمزت جنب أمي يليحتى هي وجهها ما يتفسرش.....مطبسه رأسي لوطه مش قادره نقيمه فيهم من ااحشمه والموقف يلي تحطينا فيه.....
هذم.حني صغارك يا بوي.....
روحنا مع الليل.....خشيت انا وأسعد وفتحت الصنبور يلي كنت مسكراته غادي
حتى ينزل مش قطرا دموع......لا وادي من الدموع الحاره.....رغم كنت في العمر صغيره بس نفهم ونحس.....
اختي نور تهدرز وتضحك عادي......نذكر فيها قعدت انا وأسعد ما نحكوش مع بوي ثلاثه أيام ......وفي اليوم الرابع جي ونادانا.....خشينا مع لدار.....وقعد يتأسف منا.....وعطانا فلوس ....وزينا زي أي....
طفل بريئ......
يتزلبح بكلمه......
ومن بعد العيد هداكا معش مشينا معاي بوي......
لما يمشي يقوللنا هي نقولوه لالا ما نبوش يمشي.....يمشي بروحه وبعد ليروح....تاخدنا امي ونمشو حني وياها.....
به علاش أمي حتى هي قررت معش تبي تمشي معاه....
في يوم من الايام مشينا انا وامي وخواتي......لحوش عمتي وصدفه تلاقو عماتي غادي.....مشينا نهدرزو ونغيرو جو....طبعا الامر ما يخلاش من تلقيح عماتي على أمي بس أمي كانت تكبر في عقلها وما تردش عليهم......
فجتها عمتي قالتلها قاللنا حميد(بوي)بيرجع لصحراء.....قالتلها امي.....امتى ما قاليش.....قالتلها.....ما قالكش غريبه كيف مرته ما يقولكش وحني قاللنا.....وامي بحسن نيه قالتلها....
لالا ما جابليش سيره.....ردت عليها عمتي ......اي حقه نسيت حميد ما يقولكش شي......على.جست بابا.....شافلنا وقاللنا امتى جيتو.....قالتله أمي ماليناش هلبا.....قالتله عمتي.....خ نوض ندير قهوه.....قاللها بوي.....لالا خليك مقعمزه....وشاف لامي قاللها.....نوضي دير قهوه.....شافتله عمتي....قالتله....تي لالا عيب انتم ضيوف....قاللها.....تي قعمزي وانا هيا واشر على امي ليش جايبها بش انتي تخدميها.....جبتها من مصر بش تخدمكم.......شفت لامي يلي كانت حابسه دمعتها......كانت كاتمه مشاعرها......كانت داسه احساسها.....ناضت وبكل حيل مهدود.....اخيه على الموقف.....وفعلا دارت القهوه وحطتها وشفتلنا قالتلنا هي نوضو.....شافتلها عمتي وتضحك.....خيرك يا إلهام أقعدي.....قالتلها .....لالا بنروح عندي ما ندير في الحوش.....شافتلها .....براحتك.....
روحنا وأمي مسكينه وجعتني طول اليوم تبكي....ولما روح بوي فتحتله الموضوع وصار  ططش بيناتهم.....وزي العاده بوي ضربها بش تسكت ومعش تدوي......
أمي ما كانتش هكي.....
كانت طيبه وعلى نياتها.....
لما جت لي ليبيا كانت في عمر 17 سنه.....
يعني يلي عاشاته في ليبيا أكثر من يلي عاشاته في مصر....
بس بوي من أول سنه بهدلها.....
ضرب على سبان يوميا......
شتم وهزيبه قدام أي حد......
المصريه الشحاته كانت كلمته يلي يمتاز بيها.....
من لما كنا صغار في الحلم وحني عايشين في رعب مع أمي....
زرع في قلب أمي الحقد والغيره......خلاها غير واثقه بنفسها.....
يعني لما تشوف وحده تشوفلها وتركز فيها تقول..... اه هذه تشبحلي اكيد اشبح شن فيا مش باهي بش هكي تشوفلي...
لما يكون في مجمع ناس و في زوز نساوين يهدرزو تقول.....اكيد هذم يهذرزو عليا.....
بدت تركبها حاله نفسيه لما تشوف حد فرحان....او حد مرتاح....
كنا انا وخوتي أعداءها.....من كثر ما بوي يمدح فينا وفي لبسنا وأكلنا.....رغم هذا كله لو هي مش موجوده معانا حني من وين بنتعلموه....