اليتيمه

الحلقه الثامنه

اليتيمه:-الحلقه«8»حقيقيه
روايات أربع بنات
          بقلم:ألاء شليبك

لايك قبل لتقري......
نهى.....جت سماح مصدومه.....قالتلي....خيرك.....قولتلها....اااه ااااا لالا شي.....قالتلي.....خيرك هكي خشيتي تقول شفتي ملك الموت بيأخد روحك......قولتلها......ما في شي غير بنبدأ نضم.......قالتلي......اضمي وخيتي عندك حراره حني را في الطابق الفوقي......وجيت بنكلمها.....سمعت صوته قريب....حي شوره بيخش الحجره.....التفتت لجهة الحيط......وانا ندير في روحي نكنس....شافتلي وسماح وهي مش فاهمه شي
خش مالك ومعاه دكتور ثاني......بس تحشم لما شافنا واقفين.....قال اسف سامحوني....ما كنتش نحسابكم هنا.....قالتله سماح.....لالا عادي ولا يهمك....طلع وانا قلبي قريب يوقف......جت سماح وجبدتني من يديه.....تقدري تفهميني خيرك.....قولتلها.....طلع باهي الحمد لله وتنهدت براحه.....رفعت حاجبها وقالتلي.....اسمعي ماضيه اسود انا را بتحكي خيرك ولا نقتلك.....قولتلها....باهي توا نحكيلك من هذا.....وبديت نحكيلها.......ولما تميت قالتلي.....قصدك انتي متحشمه من خدمتك......قولتلها.....على اساس خدمه تشرف هذه.....غير مجبورين......قالتلي....معش تخدمي.....قولتلها....كيف.....قالتلي.....هذا تشوفي فيه دكتور مرات فلوسه ياخدها حرااااام مرااات مقصر مع المرضى انتي المفروض ترفعي راسك خدمتك تشؤف اي حد اقل شي اطلعي فلوس حلال....ما توقعتكش هكي نهائي....ومشت وسيبتني.....قعمزت على الكرسي يلي جنبي....صح سماح عندها حق كيف نتحشم من خدمتي هذا مكان ما نحمد ربي على نعمة الحلال......استفر الله العظيم......وقفت وطلعت فم الباب.....ورفعت رأسي وانا واثقه ومش متحشمه من شي.....كلام سماح مازال يرن في وذاني....ركبت ادور الثاني وخديت سطول ونشافه وصابون ووراكينه.....وطلعت وبديت نضم ونمسح......وكيف بنخش للحجره سمعت صوته.....تغلبني الخوف....بس شديت حيلي وقولت لازم نخش وما نتحشم من شي.....خشيت قولت السلام عليكم.....تلفت ورجع شاف القدام ورجع تاني شافلي.....قالي....وعليكم السلام.....نهى؟؟.....قولتله دكتور مالك كيف حالك.....قالي باهي الحمد لله.....شن ادير هنا انتي؟؟....رفعت راسي وقلبي يدق من الحشمه بس الباين عليا واثقه من نفسي ومفتخره بخدمتي.....قولتله.....نخدم......شافلي وباستغراب....قالي....اااه ربي يعاونك.....قولتله.....الله يسلمك....نستأذنك توا.....وبديت نضم في الدار ولا كإنه موجود....وهو منتبه مع المريض يلي معاه.....بعد لكمل....قالي....تبي حاجه يا نهى..قولتله....لالا سلامتك....قالي.....انا زي خوك لو تبي شي تفضلي قوليلي....لا صحيت بارك الله فيك ما نبي شي.....قالي....تمام ربي يعاونك.....وطلع وسيبني.....تنهدت براحه وخوف في نفس الوقت......وسمعت صوت من وراي ناداني.....كان المريض....يلي على السرير....قالي انتي اسمك نهى....شفتله وما رديتش عليه....قالي....اسمك حلو على فكره.....شفتله نظرة احتقار وطلعت.....يكفي انه هو مريض....ومازال يرخي في عسله......مسحت العرق يلي على جبهتي وتوكلت على ربي......واخيراً تميت الدور الاول.....واول ما نزلت لدور الثاني كل حجره نلقاها نظيفه....ولما وصلت لاخر الممر....لقيت سماح....ناديتها بس ما ردتش عليا.....لحقت عليها وشديتها مع يديها.....قولتلها.....اسفه يا سماح عندك حق انا غالطه في كلامي...
شافتلي وقالتلي.....بش تتعلمي مره...قولتلها التوبه.....قالتلي كليتي....قولتلها...من وين يا حسره قعده على لحم بطني....قالتلي امالا تعالي ننزلو ناكلو....قولتلها....ما جبتش فلوسي....قالتلي....ونبي ضمي فمك توا انا ناخدلك.....نزلنا انا وسماح....خشينا للكافتيريا وخدينا ماكله وطلعنا......قعمزنا برا المستشفى نأكلو....وهنا تجرأت وسألت سماح.....قولتلها....انا نبي نعرف يا سماح قصتك من اول ما جيتي على هالدنيا لعند اليوم.....شافتلي وبتسمت على جنب.....وانا نبي نقولك انك ما تعرفيش افضل.....قولتلها......علاش به؟؟.....قالتلي.....نبيك تاخدي فكره عليا كويسه.....انا ما نبي حد يكرهني.....خليك يا نهى يلي تعرفيه عليا ساااد!!...قولتلها......لكن......بس قطعتني وقالتلي.....اسمعي كلامي وكولي....وشويه....وشفت ثلاثه رجاله جايين يتجارو.....وواحد منهم قايم مراه في يديه....والثاني شاد بنت صغيره.....من هذا؟؟....كإنه شكري.....لقيتهم خشو الثلاثه للمستشفى.....استغربت شن في....وكإنه هبه قايمها راجلها.....ان شاء الله خير.....كملنا ماكله ونضنا نفضنا حوايجنا وخشينا.....ركبت للممر بتاعي بش نكمل الضمان لقيت شكري واقف على رجل وحده والثانيه على الحيط وحاط يديه في جيوبه....وفي واحد ثاني واقف معاه.....قعدت مركزه نبي نعرف من الثاني يلي معاه بس جت عيني في عين شكري....لفيت وجههي لاجهه الثانيه ومشيت خشيت الحجره وانا نبي نعرف خيرهم؟؟......