اليتيمه

الحلقه السادسه

اليتيمه:-الحلقه«6»حقيقيه
روايات أربع بنات
بقلم:ألاء شليبك

لايك قبل لتقري......
قآل تعآلى((فآمـآ آليتيمـ فلآ تقهر))
نهى......مقعمزين وشادين تركينه....انا وخوتي.....نشوفو فيهم ومصدومين......هل فعلا في ناس هكي......كنت نشوف الحقد والغل في عين كل وحده.....كنت نشوف في الغيره والحسد في عين كل وحده.....تشوفلي عبير وتقولي وحني شن بيصير فينا بنقعدو معاهم......شفتلها ومعش عرفت شن بنرد عليها.....به شن بندير معش عندنا مكان.....معش في حد يبي يتحملنا.....قربت مني بنت وقالتلي.....خيرك هكي مقعمزه.....قولتلها.....انا جديده هنا ما نعرف حد.....شافت لخوتي من فوق للوطه.....وقالتلي.....هذم خوتك.....قولتلها.....اي.......قالتلي.....اممممم به....انا اسمي سماح......قولتلها.....عاشت الاسامي....وانا نهى......قالتلي.....كم عمرك.....قولتلها......17......شافتلي وبتسمت على جنب قالتلي مليح هذا المطلوب.....رفعت حاجبي مستغربه شن هذا المطلوب......قالتلي....تشرفنا.....هزيت برأسي.....ورجعت لمكاني.....شافتلي عبير.....قالتلي....غير وين جينا بس....كان قعدنا في الشارع خير.....وجت وحده قالت هي تعالو اقفو كلكم طابور....وقفنا ونحن ما نعرفو شي وشن في......بدت توقف على كل وحده فينا وتعطيها ظرف.....وصلت فيا ومدتلي الظرف.....شفتلها وقولتلها.....شن فيه......وشافتلي بعين منزوعه من الرحمه.....قالتلي.....قداااش مررره نقول ما نحبش من يساااال سكري فمك ومعش تسألي......سكرت عيوني من كثر ما كانت قريبه مني وصوتها عالي.....بعدت عليا ومدت ظرف لعبير.....فتحت عيوني وشفتها وهي شاده خوي مقداد من كتفه وتشح فيه بقوه......خوي مقداد كان عديم الشخصيه ومن يلي مر بيه وهو صغير.....ولعند وفاة بوي اثر فيه هلبا......تشوفيه طويل وجهامه بس هو من الداخل طفل......جي عيط عليها خوي ايوب وكيف هكي ادير في مقداد.....وهنا ضرباته كف قدام الكل......جيت نجري وضميت خوي ليا......وانا نعيط عليها.....شن تحسااااابي روووحك انتي كيف تمدي يديك.....شن المهزله هذه.....شافتلي وهي قارنه حواجبها.....نادت وحده من يلي يخدمو غادي وقالتلها ارفعيها....جت البنت بتخدني وانا نبكي ونحاول نصدها بس جو اثنين معاها....لحقت اختي عبير وناضت تعيط عليهم بس حتى هي خدوها معاي......ناض ايوب وجت وحده تانيه خداته وخدت معاه مقداد......لوحونا في دار انا وعبير.....وسكرو علينا الباب.......شافتلي عبير وعيونها دموع.....خشيت وانا نبكي ونخبط في الحيط......من وين خوتي ومن وين الذل يلي شفناه قدام الصغار.....قعمزت عبير على ركابها وحطت يديها على عيونها.....وهي تقولي.....علاش حني هكي يصير فينا شوفي اخرتنا وين معقوله ايتام وهكي يعاملو فينا....حني وين يا نهى وين.....وهني الدنيا ضاقت بيا فعلا.....كنت واقفه في هديكا الدار يلي كانت ما فيهاش الا طرف بساط......كانت سخونه.....تهد حيلي وطحت على ركابي نبكي بحرقه.....رفعت رأسي ويديه فوق.....ودعيت لربي.....يأخد الحق في كل شخص آذانا ولو بكلمه وكسر بخاطر ايتام.....
هي دعوة آلمـظـلومـ مـسـتج ـآبــه.....فمـآ بــآلك دعوة آليتيمـ.....
بكيت وبكيت وبكيت.....نشوف لاختي عبير تبكي احرف مني.....قعدت نمرد لين وصلت في اختي عبير.....خديتها مع يديها وضميتها ليا.....اقل شي انا ما عنديش من يحضني ويحسسني بالامان....بس انا نقدر نحسس الامان لخوتي.......قمت راسها بيديه اليتيمه......حطيت يديه على خدودها السخونه.....شفتلها وانا نقوللها.....يا عبير امي وبوي مشو.....بس يلي خالقهم قاعد.......يا عبير معش عندنا من يحبنا هنا.....لكن فوق عندنا من يحبنا....شافتلي.....قالتلي يا نهى.....انا ما فكرتش في نفسي انا فكرت في خوتي يلي قعدو برا....اذكرت خوتي.....ومشيت نخبط على الباب بقوه خبطت وخبطت لين جت وحده فتحتلنا.....قولتلها....وين خوتي....قالتلي...الزوز الاولاد يلي كانو معاك....قولتلها...اي وينهم.....قالتلي هذم كبار مش صغار نقلناهم لدار ثانيه دار ايتام خاصه بالكبار....حسيت بنخصه في قلبي.....شفتلها وعيوني دموع دموع.....قولتلها.....بتحرموني حتى من خوتي.......انا مآمنه بإنه ربي يعطي وربي يأخد وامي وبوي مشو.....بس انتم تاخدو مني خوتي من قعدلنا......جتها عبير تجري.....قالتلها.....بالله عليك بالله عليك خوووتي تربحي ما تحرموناش حتى هما منهم تربحي برحمة الغوالي عندك......قالتلها....والله هذا الموجود....وطلعت وسكرت الباب علينا....شفتلي عبير.....وهي مش مصدقه يلي سمعاته.....تلفتت وانا معش نتحمل.....قعدت نخبط ونعيط ونخبط في الحيط شدتني عبير وهي تبكي......وانا نعيييط.....بكلمة.....يااااااربي.....عييت انا والله عييت......قعمزتني عبير وقعمزت جنبي والمره هذه هي حضنتني......شدت يديه بالقوه.....وتمسحلي في دموعي.....لفيت وجهي للجهه الثانيه.....وانا دموعي سخونه على خدي.....قعدنا اليوم كله هكي في نفس المكان.....لعند ثاني يوم.....قعدنا متلوحين ما جي حد طل علينا ولا شافنا.....ما جي حد طبطب علينا وغطانا.....ما جي حد مسح على شعرنا.....فقت واختي عبير حاطه رأسها على كتفي.....عظامي كلها مدقدقه.....حاولت نبعدها عليا من غير ما انوضها....بس اول ما تحركت هي فاقت.....مسحت عيونها.....وقالتلي صباح الخير....قولتلها....صباح النور.....قالتلي.....شن من امبكري نايضه.....قولتلها....لالا توا كيف نضت.....ودوره فتحو علينا الباب.....خشت مرءاه قالتلنا اطلعو برا.....نضت انا ونوضت عبير معاي....طلعنا برا ومشنا مع المرءاه للحجره الرئيسيه.....خشينا وكانت فيها مرءاه مقعمزه على كرسي.....شافتلنا....وقالتلنا....قعمزو قعمزنا ونحن نستنو شن بتقول.....قالتلنا صباح الخير....ردينا عليها صباح النور....قالتلنا....نبي نقوللكم شوية قواعد على الدار انتم مش فاهمينها وامس عارفه بيلي صار.....شفتلها وقولتلها.....حني صغار انظلمنا هلبا في كل شي وانضحك علينا وبدون ان ولا اب وكلو حقنا وسكرو البيبان في وجهنا.....حني جينا ونبو نعيشو براحه تنسونا في يلي عشناه مش تزيدونا فوق همنا......وقبل مانكمل كلامي قطعتني.....قالتلي اهني حتسمعي احرف من قصتك....فإنتي هنا بتمشي زي ما حني نبو مش زي ما انتي تبي.....انصدمت في ردها واكتفيت بالصمت.....
قالتلي هنا حنعطيكم القواعد::
اول شي هنا لازم تحترمي يلي يخدمو
تاني شي رد بالك يكون حد خير منك لازم انتي تكوني خير من الكل
ثالث شي لازم ادوري روحك وتحسبي روحك وتنسي اي حد قريب منك هنا ولو كانت اختك
رابع شي حني نعطو كل شهر الف جنيه لكل بنت.....بس في المقابل مادخلنا في شي بفلوسها تشوريفطورها وغداها وعشاها ولبسها.....يعني حني مش حنصرفو عليكم في شي حتى اميتكم تجيبوها بروحك
خامس حاجه حندورولكم خدمه تخدمو فيها بش اطلعو مصروف ليكم
وهذا هو اهم الاشياء يلي المرفوض تعرفيها
والباقي توا يعلموهالك البنات يلي معاك وتوا.....تقدرو تطلعو
طلعنا وحني مش مصدقين يلي سمعاته وذاننا.....معقوله هكي في دار ايتام....طلعنا برا لقينا البنات واقفات ويشوفولنا من تحت لتحت.....ويتهامسو علينا.....شديت يد اختي عبير ومشينا قعمزنا.....في تركينه بروحنا....قربت علينا سماح.....قالتلنا.....شن قالتلكم المديره......قولتلها....قبل كل شي عادي تحكيلنا انتم كيف عايشين هنا.....قالتلي.....اول ما شفتك خشيتي حسيتك بنت ساذجه.....ونيه وتتزلبحي....وهذا المكان مش ليك.....انتي بما انك خشيتي هنا خشبتب لجحيم....قالتلها....عبير بجد......قالتلها.....امالا شن تحسابي هذم مش امك وبوك بش يزازو بيك.....هنا انتي عبد مأمور.....شفتلي.....انتي شن قصتك وشن جابك هنا.....شفت لاختي عبير رجعت شفتلها......تنهدت وبديت نحكيلها......