اليتيمه

الحلقه الثالثه

اليتيمه:-الحلقه«3»حقيقه
روايات أربع بنات
بقلم:ألاء شليبك

لايك قبل لتقري.....
نهى.....فتحت عيوني بالسيف....كإنه كنت في حلم....نضت قعمزت لقيت خوتي راقدين جنبي.....قعدت نتامل فيهم لحظات...ونضت طلعت برا كان الحوش هادي...وفاضي ما فيه حد....خشيت الحمام غسلت وجهي وتوضيت وصليت....رفعت راسي بندعي...معش عرفت شن بندعي....لانه معش فاهمه شي....سمعت صوت بابا برا ومعاه مرته💔....ماقدرتش نستوعب فكرة امي ماتت وهذه وحده في مكانها....جي بابا وفتح الباب...القاني مقعمزه على سجادة الصلاه....قالي صباح الخير...قولتله....وخاطري مكسور...صباح النور...قالي كيف حالك....قولتله...الحمد لله...قالي بش تشدي حيلك القرايه قريب...قولتله في خاطري.....يلعن بوها القرايا من دون امي....تلفتتله وهزيت براسي بمعنى تمام....ما عنديش نيه نرد عليه....ما عنديش نيه نشوفه....كيف قادر يتكلم وعادي جوه ولا يتزوج وامي مهناش.....زادني هم فوق همي....كان عمري صغير بس كان عقلي اكبر مما تتصورو.....فتح خوي مقداد عيونه...شفتله وابستمت وما عنديش نيه نضحك....قولتله صباح ااخير....قالي....صباح النور...وناض يجري...قالي جت امي....قولتله...لالا...قالي...قعدت امس سهران نستنا فيها ماجتش.....قولت في خاطري.....يا خوي ضروري ما ذكرني ضروري ما تزيدني هم ضروري ما تفتح جروحاتي....شافلي وقالي.....امس المراءه برا لعبت معانا....شفتله وقولتله....من هي....قالي يلي برا....قولتله.....شن دارتلكم....قالي....لعبتنا وعشتنا ودوشتلنا....قولتله باهي اسكت...ولا تفكر المراءه هذه تجي مكان امي....نوضت خوتي وطلعت انا وياهم....كان ربيعه واقفه على بوي وبعدين بوي طلع بش يجيب الخبزه.....شافتلي ربيعه وقالتلي....صباح الخير...مارديتش عليها ومشيت خشيت المطبخ....شافتلي باستغراب ومشت شدت خوي مقداد وبدت تلعب فيه....شفت لمقداد وبديت انادي عليه....جاني ووقف قدامي...قولتله وبصوت عالي اقعد.جنبي معش تتحرك....خشت ربيعه علينا...قالتلي...خيرك يا نهى.....شفتلها على جنب ومارديتش عليها.....قالتلي انا زي امك.....شفتله وخنقتني العبره...قولتلها ولا تفكري تجي مكانها.....وطلعت وسيبتها....والباين ربيعه وجعتها الكلمه...طلعت وراي.....خشيت الدار وقعدت نبكي بروحي....جتني اختي عبير تسال فيا خيرني...كانت اصغر مني بسنه....قولتلها اطلعي برا....قالتلي خيرك تبكي ماما توا تجي علاش تبكي باهي....قولتلها اطلعي برا اطلعي من وجهي....جي بوي وسمعني نعيط.....جي وهو معصب....قالي خيرك....قولتله....ما فيا شي .....قالي احكي خيرك شن في ......قولتله...ما في شي.....عيط عليا والمره هذه خفت....قالي......هننني روووحك لامتى بنقعددد انعانيك اناااا ما يممممشيش معاااي الدلع هذااا عجبك عجبك ما عجبببكش معش توريني وجهك....جت ربيعه تجري تسال خيركم.....شافت بوي وكيف يعيط عليه.....قالتله....خيرك عليها وجتني حضنتني....وانا ارتميت في حضنها لانه بجد كنت في هديكا اللحظه نبي من يحضني....قالتله اطلع برا خليها البنت عندي....طلع بوي وسيبني معاها....قعدت تمسحلي على شعري وتهدي فيا....رفعت راسي وتمسحلي في دموعي....قالتلي ما تخافيش انا معاااك انا جنبك.....ما تخافيش....حسيت بامان فعلا معاها...قولتلها....نبي امي....قالتلي....انا امك....قعدت ساكته ونشوفلها....حسيت عيونها دمعت وقالتلي تعالي وخدتني في حضنها تاني.....قالتلي هي نطلعو انا وياك نديرو الفطور مع بعضنا....شن رايك....شفتلها وضحكت قولتلها....هي....شدت يدي وطلعت انا وياها....شافولي خوتي وكان واضح عليهم الخوف....شافت ربيعه لعبير وقالتلها حتى انتي بتعاونينا....جي مقداد يجري قاللها وانا....قالتله البنات مع امهم والرجاله مع بوهم صح وله.....هز براسه بمعنى اي....خشينا معاها للكوجينه وكانت كيف امي....تبصر وتضحك معانا...وتينا الفطور وقعمزنا فطرنا.....قمنا السفره وبدت ربيعه اضم واناو عبير معاها.....