اليتيمه

الحلقه السادسه عشر

اليتيمه:-الحلقه«16»حقيقيه
روايات أربع بنات
         بقلم:ألاء شليبك

لايك قبل لتقري......
ابتهال......شفتها ولعت فيا نار.....هذه خيرها ماتبيش تسيبنا في حالنا.....خشت وبكل ثقه.....وقعمزت وكإنه الحوش حوشها.....قالت كيف حالكم....قاللها محمد.....الحمد لله كويسن وشافلي.....ابتسمت ابتسامه صفراء.....قولتلها.....من ربي كويسين.....شفتلي وتضحك على جنب....ومن خلقه.....تستفز فيا.....قولتلها.....ربي يعلم حني من خلقه شني.....حولت عيونها من عليا وركزت في محمد.....قالتله.....نبي فلوس....قاللها.....لي شن تبيهم.....قالتله....انت اعطيني عندي ما ندير بيهم.....قاللها قداش تبي.....قالتله.....نبي على حسب وبدت تحسب......جو 2000 جنيه.....قاللها 2000.....شن بديري بيهم كلهم...قالتله....عندي موضوع نبي مبلغ اكثر من هكي لكن مقدره ضرفك.....شفتلها.....مقدره ضرفه.....شفتلي قالتلي....انا نحكي معاي خوي انتي اطلعي برا.....شفت لمحمد فنص فيا.....وفعلا مشي لدار وطلعلها الفين جنيه....واعطهملها.....قالتله.....سلمه وخيي الغالي....اسمع كان ما سدونيش نبيك تزيدني.....وطلعت وكلها ثقه رافعه رأسها فوق.....شفت لمحمد....
انت خيرك.....خيرك هكي مسبوه.....معقوله تاخد منك الفين جنيه وتعطيهم من غير ما تعرف علاش واخدتهم.....
قالي......هذم خواتي ما عندهم غيري وخوتي الاولاد يلي هذا عنده يلي ساده.....قولتله.....ماهو حتى انت عندك يلي سادك......قالي....خوتي الاولاد عندهم صغار ويبو مصروف بينما حني شني......
شني حني شني......
شن تقول يا محمد....هذا يعني انه تلوح فلوسك يمين يسار....انا مستحيل نقولك لا ما تعطيش لخوتك وامك.....لكن بالمعقول......مش هات الفين جنيه وانت ما تعرفش علاش تبيهم.....هي مش مهزله....ومشيت وسيبته.....
خشيت الدار متنفرزه.....بجد حاجه تعفلق انا متزوجاته هو ولا اماليه.....لحظات وجاني محمد يتأسف.....
يا وخيتي ما نقدرش على زعله.....
عويناته بروحه تحكي وتتأسف.....
قالي يا إبتهال انا اسف.....
قولتله....انت ديما هكي بعد ليصير اي شي تجي تتأسف.....وانا ما نقدرش ما نسامحكش.....
شد يديه......يا إبتهال تحمليني.....اهتمي بيا....خليك جنبي مش ضدي.....حتى لو درت غلط تعاليلي بهدوء ووريني الصح....انا بشر نغلط.....ولما نغلط نصحح غلطي.....
قولتله.....يا محمد .....نبي نعيش انا وياك بعيد عن اي شي.....ما نبيش حد يدخل في حياتي انا وياك.....نبيك تكون ليا ونكون ليك بس.....ما تشوفنيش طفله وتقول هادي ما تعرف شي.....
شافلي وضحك قالي لا بالعكس.....تعالي نحكيلك....
قولتله....اي احكيلي.....
قالي عندي كتابات لسيرة الرسول صلى الله عليه وسلم.....فيه كل شي من يوم ولادته الى يوم وفاته......
كنت قبل لندير اي شي نشوف الرسول صلى الله عليه وسلم هل هو هكي دار وعادي او لا.....
مره وانا نقرا على زوجات الرسول......لقيت انه الرسول تزوج السيده عائشه وهي في عمر ست سنين.....
قولتله.....تحكي بجد.....اول مره نعرف.....
قالي.....اي تزوجها وعمرها ست سنين.......يعني تزوجها وقري الفاتحه بس....وقعدت في بيت بوها......وفي عمر التسع سنين كان السيده عائشه تلعب في الارجوحه مع البنات.....جت امها وقالتلها تعالي......
مشت مع امها لغرفه لقت نساء القوم موجودات.......لبسوها وجهزوها......وذهبو بها الى بيت الرسول صلى الله عليه وسلم.....
حيث بنى بها وهي في عمر التسع سنين......
يتكلم وانا بجد.مصدومه.....السيده عائشه لما تزوجها الرسول كانت في عمر تسع سنين......
قالي.....اي العمر ما عمره يحكم......شوفي تزوجت في عمر تسع سنين ولما توفي الرسول عليه الصلاة والسلام كانت في عمر18 سنه.....وهي الان واخده الترتيب الرابع في نقل الاحاديث.......
كانت في العمر صغيره بس عقلها كبيره.....حكيمه وفطنه.....
كنت على ما قريت لرسول عليه الصلاة والسلام قولت انا زوجتي حنعاملها كيف ما الرسول عامل زوجاته......اتخدت الرسول قدوه ليا في كل شي......وسبحان الله ربي أعطاني زوجه .....
لما تبي تكون طفله طفله.....
ولما تبي تكون بالغه وراكزه تكون بالغه وراكزه......
نتفرج عليه وقلبي زادت دقاته......
عطايا الله تفاجأنا......
ممكن ربي يجيبلك فرح على شكل أنسان.....حب وراحه واهتمام....شفتله وقولتله.....يا محمد زيد احكيلي...
قالي.....شن تبي بزبط نحكيلك....
قولتله....احكيلي على الرسول وعلى زوجاته....وكيف كان يعامل فيهم.....
جي وقعمز قدامي وربع رجليه.....قالي هي يا حنه تعالي نحكيلك....
زوج بنت الرسول زينب كان من الكفار......
ولما اعلنت بنت الرسول صلى الله عليه وسلم اسلامها.....هو طلع من المدينه.....
فأرسلت اليه السيده زينب رضي الله عنها.....فكان رده عليها بكل ادب واحترام.......
قاللها.....انه اباها نبي ومسلم.....وانا ما نبيش نسلم.....وانا نتمنى نعيش معاك في مكان واحد.....انا وياك.....
رغم انه سيبها وخلاها وكان كافر.....كان يحبها....يحترمها....يخاف على مشاعرها.....
ما وصلش في بوها يلي هو الرسول صلى الله عليه وسلم....بأي كلمه غلط.....وقعد سنين وهو مفارق زوجته.....ما فكرش يتزوج عليها او يخلي اي من النساء تأخد مكانها.....الى ان جي اليوم يلي اسلم فيه.....وهناك الرسول صلى الله عليه وسلم رجع بنته زينب رضي الله عنها إلى زوجها.....هذه ما يسمى بالوفاء💜
نرمش بعيوني.....زيد احكيلي يا محمد.....
قالي.....ااممممم شن تاني شن تاني......
نحكيلك على غيرة الرسول صلى الله عليه وسلم هلى السيده عائشه......قولتله....احكيلي....
قالي ......يوم من الايام كانو أطفال الحبشه يلعبو.....وكان يوم عيد عندهم.....فكان الرسول صلى الله عليه وسلم واقف ويتفرج عليهم.....كانت من خلفه السيده عائشه رضي الله عنها وكانت مغطيه نفسها.....كانت واقفه خلف الرسول عليه الصلاه والسلام......فكان الرسول يغطي فيها خوفا من ان يراها الاطفال......وفي نفس الوقت كان يبيها تتفرج على الاطفال كيف يلعبو......فهي كل ما تقرب وتحاول تشوف.....يجي الرسول ويغطي عليها بظهره.....الى ان ملت ورجعت الى بيتها.....
حطيت يديه على خدي......وابتسمت ابتسامه عريضه....
قولتله....تغار عليا انت يا محمد.....
شافلي وضحك.....شن رأيك انتي.....
قولتله....نبي نسمع منك....
قالي.....انا نغار عليك كغيرة الرسول على السيده عائشه......
وكيف تحبني.....
قالي.....نحبك حب كعقدة الحبل.....
قولتله....عقدة حبل.....
قالي.....اي عقدة الحبل التي لا تنفصل.....
قعدت نشوفله وساكته.....
الله يا عطايا ربي.....
الله قداش الزمان ما يخَبي....
على قيس النيه ترزقون.....
وعلى رجل يقتدي بالرسول تحصلون.....
يا عقدة الحب خليك.....
ديما في جنبي نبيك.....
براجل هديته قلبي....
وهو الهواء ودنيتي وعقلي....