اليتيمه

الحلقه الثامنه عشر

اليتيمه:-الحلقه«18»حقيقيه
روايات أربع بنات
        بقلم:ألاء شليبك

لايك قبل لتقري.......
اللهم اني ظلمت نفسي فاغفرلي فإنه لا يغفر الذنوب إلا أنت...

سماح.....طول ما انا نضم وانا نفكر في نفسي....كل دار نخشلها نقعمز فيها اكثر مما نضم.....حسيت بالليل ظلم عليا وضوء الشمس معش يبي يطلع.....نقرب على الروشن ونشوف منه..........
نشوف لسماء وما بناها.....
نشوف لشمس وضحها....
نشوف للارض وما طحاها....
نشوف للنفس وما سواها....
قلبي وجعني ......بس شفت لباب وابتسمت قولت انا مازال أفضل من غيري.....رفعت رأسي لسماء....
يارب بس🙏💜
قمت السطل والقومه واتجهت للباب.....واول ما فتحته شفت طفله داخلين بيها.....ملائكه شعرها مفتوح.....يديها ممدوده على اليمين....
خفت....توجعت ...نزفت....
أول مره يصيرلي هكي.....
شفت شاب واقف والباين داهش جاي يجري.....
بينما راجل يمشي يمين يسار.......
ياروحي عليه الباين بوها.....التفت وجت عيني في عينه....
شكله مش غريب عليه.....اذكرته.....
كان خايف....ضايع....في هالدنيا المره.....
حسيت بقلبي زادت دقاته....طبست رأسي ومشيت من جنبهم.....معش فكرت في نفسي....عقلي وقلبي عند البنت...قولت....نرجع نبي نشوفها شن صاير فيها.....بس تراجعت لانه بصفتي شني ماشيه.....
رفعت رأسي للمرات نختار في أي واحد نبدأ.....رغم انه مطلوب عليا راحه بس ما نقدرش ....بوي وخوي.....
كملت طريقي وانا نكرر في كلمة ياربي.....
ممكن إنه ما نعرفش نعبر....ولا حافظه أدعيه....
بس ربي يعلم .....
بنزيف قلبي....بدقاته الزايده.....بضيق صدري....
كل دار نخشلها نتأمل فيها لاحظات.....
وكإني مثلا نودع في الدنيا.....
وحده من الحجرات يلي دخلتها كانت فيها مراه كبيره في العمر.....وكانت جنبها بنتها شاده كتاب وتقرأ.....خشيت وارتسمت بسمه على وجهي....بينما قلبي يبكي....
بديت نضم والمراه تهدرز عليا.....ومن هنا لهنا الضمان ما حسيتش بيه.....فجأه حسيت بتعب....ناضت البنت من كرسيها وأعطتهولي.....شافتلها أمها قالتلها.....إمشي جيبي أي حاجه حلوا بالك عندها هبوط.....نزلت البنت تجري.....قولتلها....صحيتي يا خالتي انا كويسه.....قالتلي....لالا انا ما نعرفكش يا بنتي بس وجهك واضح عليه شاحب وباين عليك التعب.....ناضت من سريرها واتجهت ليا......
وهنا حسيت بحنان الام.....طبطبت عليا.....
ضمتني لصدرها.....
كمية الدفئ يلي لقيته فيه....كمية الحنان يلي افتقدته.....كمية الراحه يلي حسيت بيها.....فحكتلي وشاحي وقالتلي خليك هكي بش ما تضايقيش.....
كنت طفله بين يديها تسمع في يلي يقولولها فيه.....هزيت برأسي بمعنى تمام.....مسحتلي على شعري.....لحظات وجت البنت وجايبه عصير وكيكه.....فتحتهولي وبدت هي توكل فيا....عقلي وجسمي أستجاب للمراه هذه.....وكإنها جند من جناد الله .....
وبعد لكملت قالتلي شن تحسي توا.....
قولتلها....حاسه نفسي كويسه.....قالتلي.....ليه عليك يا بنتي تخدمي خدمه زي هذه......قولتلها.....هذا ربي ما كاتبلي.....قالتلي....بري يا بنتي ربي يفتحها عليك ويعطيك ما تتمني ويبعد عليك كل شر ويطول في عمرك....
حسيت بغصه في قلبي لما سمعتها قالتلي ربي يطول في عمرك......قالتلي.....حني كبرنا وفاتنا القطار لكن أنتم الجيل يلي تعبنا على خاطره وكافحنا وجاهدنا.....
فعلا......دور الام جهاد.....
بدت تكح.....جابتلها بنتها منديل واعطتهولها.....وبدت تكح أكثر وأكثر.....
نضت نجري نشوف خيرها يعدتني وهنا شفت المنديل كانت عليه أثار دم.....رجعت شفتلها.....مديتلها ميه وبنتها واقفه وحسيت عيونها دمعت.....
شفتلي المراه وابتسمتلي.....قالتلي.....انتي كيف بنتي هذه....
نبي نوصيك ونبيكم تسمعوني.....
شدت بنتها يديه وشافتلي وهزتلي برأسها بمعنى اقعدي....
قالتلنا......يا بناتي....
رد بالكم تستسلمو.....رد بالكم تخافو أو تهابو شي.....انتي حواء وانخلقتي بش تواجهي صعوبات غيرك ما يقدر يواجهها.....خليك قويه.....ما يهزك شي.....خليك رحيمه.....خليك رقيقه....خليك فالحه....لانه هذا ما تمتاز بيه حواء.....خليك حليمه في المصايب....خليك صابره.....خلي إيمانك بربك.....وما تعدلي على حد ولا ادوري حد......ربي خلقك لعبادته هو وما خلقكش لعبادة حد غيرها.....هو الرحمان الرحيم.....لما تغلطي الخلق مش حيسامحوك......بينما الخالق يسامح.....
ردي بالك تتحشمي من خدمتك....او من لبسك ....او من خدمه بوك او أمك.....ارفعي راسك فوق وأفتخري.....وأخر ما حنقوله.....ديما سامحي.....حتى رب الخلق يسامحك....
ما حسيت بشي غير دموع سخونه على خدي....سبحان الله كإنه ربي باعتهالي بش تصبرني....كإنها عارفه خيرني وشن صاير معاي......ونا وين تأكدت انه المراه هذه جند من جنود الله.....فجأه اتكت ورقدت على السرير وغطت نفسها....شفت لبنتها يلي واضح عليها الوجع....همستلها قولتلها ممكن تطلعي معاي شوي.....سكرت ستارة الروشن وطلعنا برا.....
شفتلها....قولتلها....امك شن عندها....
دمعو عيونها.....قالتلي...
ليها فتره مريضه وكل مره حالتها تتأزم.....جبناها هنا نبو نعرفو خيرها...درنالها تحاليل والتحاليل طلعت كويسه غير عندها هبوط من قلة الماكله والضغط النفسي.....بس زي ما تشوفي فيها حالتها اليوم أحرف من أمس.....وجعتني هلبا.....معقوله عندها هبوط ومنديلها فيه دم......
فجأه شفت سماح جايه من بعيد.....قولتلها.....ربي يشفيها أمك ويعافيها ويبعد عليه كل شر....قالتلي صحيتي بارك الله فيك....وخشت لامها.....ورجعت شفت لنهى يلي حضتني اول ما وصلت.....استغربت.....بعدت عليها وقولتهلها خيرك شن في.....قالتلي....ما في شي غير اليوم نضت الصبح تفقدتك.....درت روحي صدقتها ومشيت انطلقت انا وياها.....شدت يديه وعصرت عليها....شفتها وانا خايفه انها تكون عرفت حاجه.......وصلنا للحجره ودخلنا.....وقعدنا نهدرزو بس عيونها ما قامتهمش من عليا.....نهى!!....خيرك هكي تشوفيلي....قالتلي....ما في شي ....بس داسه عليا حاجه....شفتلها وتعفلقت قولتلها.....مش داسه شي....علاش تسألي؟؟....قالتلي....ما في شي بس هداكا اليوم كلامك معاي حسيتك داسه عليا حاجه......قولتلها....ريحي روحك ما في شي....ونضت قولتلها.....انتي شوره ما عندك ما اديري انا عندي ضمان.....قالتلي....قعمزي وخليني انا نضم عليك.....قعدت نشوفلها وهنا تأكدت انها عرفت....حاولت نكلمها بقسوه...قولتلها....توا نضم بروحي ما اديري شي....وطلعت وسيبتها.....أول ما وقفت فم الباب حسيت نفسي قسيت عليها.....بس هكي أفضل.....كملت طريقي....وفجأه وانا ماشيه خطرت في بالي البنت.....
رجليا رفعتني ليها......وبسرعه وانا من غير ما نحس لقيت نفسي قدام باب الحجره....نطق عليها.....جي الشاب وفتحلي....ووووه عليا شن اديري هنا يا سماح تي غيرشن جابك بس......شافلي وعرفني طول.....ولما رفعت نفسي فيه وركزت عرفته بس نسيت أسمه.....ابتسملي وقالي تفضلي.....
شن بنقوله توا حي عليا وخلاص.....
قولتله ...كنت نبي نضم الحجره لكن بما إنكم موجودين توا نرجع بعدين.....سمعت صوت من الداخل يقولي لالا خشي....
في خاطري تي شن خشي وهما موجودين شن قالوله معش نتحشم.....جي ووقف جنب الشاب.....وشافلي....قالي هذه انتي!!....تحشمت ...شاف لبنته قالي توا بنتي راقده....شوفي شغلك حني توا نطلعو وشاف لي يلي جنبه وقاله هي....وطلعو الاثنين....دخلت الحجره وسكرت الباب....وعيوني على الملاك يلي قدامي.....قربت عليها وحطست السطل....وقعمزت جنبها....بديت نمسح على شعرها ونبتسم.....شديت يديها الصغيرونه الناعمه.....شفتلها وانا نقول.....وين أمك عريبه مش معاك؟؟
ولا زيني قعده بدون أمك باعاتك.....
تمنيت يوم من الايام نكون مكان وعندي أم تمسح على شعري واطبطب عليا.....فجأة نشوف في عويناتها الصغيره بدو يتفتحو......تفتح وتسكر فيهم....يا روحي انا......فتحتهم وقعدت تشوفلي....قولتلها.....ما تخافيش انا معاك....
تعرفي كلمة انا معاك كان خاطري نسمعها بس ما سمعتهاش من حد.....بس انا حنسمعهالك....وابتسمت....
ونشوف البسمه ارتسمت على جفونها....❤
قمر مصور❤
ونسيت نفسي معاها لين لقيت روحي نهدرز انا وياها ونضحك....لسانها ما شاء الله فاتتني في الهدرزه.....نهدرز ونهدرز ونهدرز معاها.....لين طق الباب.....وننسى روحي مقعمزه ونقوله تفضل تقول في مربوعه حوشنا😂
خش علي ومعاه شكري....تحشمت وفقت على روحي....شاف لبنته وقاللها بابا نضتي وجي يحضنها......وسبحان الله ياربي....وهنا تعرفي انه البنت سندها بوها وهي ولا حاجه بدونه....قولتله....نستأذنكم وجيت بنطلع.....قالي.....صحيتي بارك الله فيك .....هزيت برأسي وطلعت وطلع وراي شكري....قالي معليشي دقيقه.....شفتله بستغراب....قالي انتي مع عبير ونهى في الميتم ولا....قولتله.....اي.....سكت لحظات وبعدين تكلم.....قالي....نبي نعرف اي وحده فيهم نخطبت.....قولتله....علاش السؤال....قالي.....جاوبيني تربحي....قولتله....نهى وفسخت.....حسيته فرح.....ما حبيتش نقعد واقفه هلبا عليه ولا حبيت نسأله شن سبب السؤال مشيت وسيبته.....