اليتيمه

الحلقه الرابعه عشر

اليتيمه:-الحلقه«14»حقيقيه
روايات أربع بنات
         بقلم:ألاء شليبك

لايك قبل لتقري......الهم صلِّ وسلم على سيدنا محمد💜

نهى.....واقفه ونشوف لدكتور كيف يدير مع المريض......شاده مذكره في يديه ونسجل في الملاحظات......وبعد لكملنا قاللنا بنرجعو للكليه......لميت حاجتي وحطيتها في الشنطه.....وشديت شنطتي....وقولتله....دكتور انا بننزل لصاحبتي نبيها شوي في موضوع انتم امشو وتوا نلحقكم......قالي.....حتعطلي حتريح عليك المحاضره انا مش حنقعد وراء كل وحده تعالي احضري.....قولتله.....لالا يا دكتور مش حنعطل......وطلعت وفيسع نزلت لوطه بنشوف سماح.....بس ما لقيتهاش.....دورت عليها بالك نلقاها في الحجرات الثانيه بس ما لقيتهاش.....قعدت ماشيه في الممر لين سمعت صوت الممرضه تقول مالك خيره.....سرعت خطواتي شويه....لقيتوه كيف دخلوه لدار بس ما شفتاش......قعدت واقفه كنت نبي نخش بس ممنوع عليا نخش.....وقف قلبي ودعيت لربي....لانه بجد مالك ليه فضل كبير علينا......اذكرت المحاضره بس قولت مش حنمشي لين نعرف شن صاير لمالك.....قعدت ساعات وساعات واقفه نستنى.....لين شفت امه ومعاها زوز رجاله جايين.......اول ما شافتني جتني تجري.....قالتلي.....يا بنيتي وينه وليدي بالله عليك.....قولتلها......الداخل دخلوه لحجرة العمليات......ناضت تعيط ياوليدي يا وليدي.....حاولت نشدها ونهديها.....بس ما فيش فايده......قولتلها.....يا خالتي هو شن صايرله......قعدت تبكي وتحكي وما فهمت شي من كلامها غير سطح وطاح وبس.....شديتها من يديها وقعمزنا....قولتلها.....وحدي الله بإذن الله خير.....وجعتني في وسط قلبي.....عندها حق ولدها وحيدها وبوه متوفي.....نضت مشيت نزلت جبتلها اميه وفتحلتها....وقولتلها ......تفضلي......قالتلي....صحيتي......قولتلها.....بإذن الله خير يا خالتي......وهنا طلع الدكتور ومعاه أسامه.....لقيت خوال مالك الزوز قدموله.....شذديت يدين ام مالك ومشينا لدكاتره.....طمنونا.....قال الدكتور.....حني درنا يلي علينا الباقي على ربي.....شفتله ام مالك قالتله.....شن قصدك ولدي شن صارله......قاللها الدكتور......وقفنا المزيف يلي في رأسه وعند كسر في العمود الفقري بتاعه ويديه......قالتله....به شني توا.....قاللها.....ادعيلها يا حاجه انا يلي عليه درته وهو حيقعد تحت الملاحظه ومشي وسيبنا الدكتور والواضح مضايق.....شفت لاسامه يلي وجهه ما يتفسرش اعطاني بظهر ومشي.....شافتلي ام مالك وقالتلي.....ما فهمت شي خيره ولدي شن صايرله......قولتلها....قعمزي ياخالتي ارتاحي نمشي شويه ونجي......ومشيت نجري وراء أسامه....
لقيته خش الحجره خشيت معاه......فهمني شن صار.....قالي اطلعي وخليني بروحي.....قولتله.....مش طالعه فهمني شن صار توا.....قالي وهو مضايق وخايف......شن بيصير احرف من هكي كله على بعضه متكسر.......مش عارفين نجبسو شني ولا شني.....وانا مش خايف إلا من العمود الفقري هذا......قولتله....قصدك!!
يعني!!!
قالي.....اي وتوا اطلعي برا خليني بروحي.....
طلعت وسكرت الباب....وانا مصدومه وقلبي واجعني على مالك....لقيت سماح جايه من بعيد ......شافتلي .....انتي شن اديري هنا.....قولتلها....انا معش عندي حيل نوقف بالله عليه خليني نقعمز.....مشيت انا وياها قعمزنا.....قالتلي....احكي خيرك شن في.....حكيتلها كل يلي صار...
قالتلي....ما تقوليليش......هذا يلي ديما مع اسامه....
قولتلها......اي هو هذا.....انا الراجل هو مش حننسى فضله عليا......وانا حنوقف معاه.....قالتلي....شن توقفي معاه يعني شن بديريله.....قولتلها.....كل شي يطلع بيديه بنديره....قالتلي.....به نوضي نروحو عطلنا.....قولتلها....ما نبيش نروح بنقعد.....قالتلي.....وين بتقعدي خلاص لازم نروحو.....قولتلها.....روحي انتي انا مش حنؤوح لين نشوفه نايض وحاله باهي.....قالتلي.....شن قصتك انتي معاه يا بنت تقول خوك ولا راجلك نوضي تحركي قدامي....قولتلها.......سمااااح امشي بالله عليك را خلوقي في حكه.....قالتلي.....لا حكه لا شيشه نوضي انتلفي قدامي هذا ماناقص......يشوفك اسامه مقعمزه هنا شن بتقوليله.....قولتلها.....مادخلاش بيا.....قالتلي.....هداكا قبل وشدت يديه وخدتني معاه.....خطمت من جنب حجرة مالك وعيوني عليها.....ياربي ينوض بخير وسلامه......وروحت للميتم...
اول ماخشيت عصرني قلبي....بدلت حوايجي.....مشيت توضيت وصليت ورفعت يديه ندعي.....خشو عليا عبير وسماح ويشوفو فيا......قالتلي سماح.....تدعيله.....قعدت رافعه يديه ما رديتش عليها.....ولما كملت قولتلها اي....قالتلي عبير.....وووك عليا وجعني واللهما يستاهل مالك راجل طيب وقلبه ابيض ويحب الخير لناس.....وبصوت واطي قالت لسماح....وقنين.....شفتلها قولتلها....سمعتك على فكره.....قالتلي.....تبي الحق والله الا زين خيتي سلمه وخلاص.....قولتلها.....به تقدري تسكتي....قالتلي....خيرك شن قلت....يا روحي على خطيبته مسكينه....توا شن صاير فيها.....والله تقطع القلب.....شفتلهم وقولتلهم اطلعو بنرقد......قالتلي....وين بترقدي جايين بنهدرزو حني.....قولتلها.....ما عنديش خلوق نحكي مع حد تطلعو توا.....سماح واقفه تشوفلي وساكته......شدت يد عبير وطلعت....اول ما طلعو سكرت الباب....وحطيت رأسي على المخده....
فاتو يومين كاملات.....
يومين شن فوتهم عليا......كانت في جمعيه خيريه جت شافتنا.....معناها لا نمشو للخدمه ولا للقرايه....يومين كاملات ما شفتش فيهم أسامه ولا نعرف شن صار مع مالك.....
ولما جي اليوم يلي بنمشي في.....كانت سماح كيف طالعه.....قولتلها....استني....بنمشي معاك.....قالتلي....قرايتك....قولتلها.....فوتيها توا.....فيسع هي ما نبيش نعطل......طلعت انا وسماح وخطوتي سريعه.....سماح تقولي اصبري.....بشويه معش تجري.....وانا مش قادره.....خشيت المستشفى وانا نشوف بعيوني.....قعدت ندور في الحجرات لين قابلني اسامه....قولتله....وين مالك .....قالي في حجرته......وانتي شن دخلك فيه.....قولتله.....شن شن دخلني فيه.....نسيت من وقف معاي في قرايتي....نسيت المشاكل يلي كانت تصير هنا من يوقف معاي ويساندني.....وفي الاخير ولد خيرانه زي خوي......قالي.....به وانتي خيرك هكي تعيطي.....قولتلها....شوف سؤالك.....قالي....به به اسكتي على الصبح نكد......مشيت وسيبته واقف لانه بجديات مش ناقصني حرق دم.....قعدت ندور اي حجره موجود لين شفت حجره كانت واقفه امه وفيه هلبا رجاله......وكانت في بنت حنبها.....قريبه من عمري.....الباين هذه خطيبته.....اي اي واضح انها خطيبته.....جي بنقدم خطوات بس تراجعت.....شن ندير انا شن يقولي عقلي توا ما شيه غادي بصفتي شني....من انا.....نتحشم على وجهي ونمشي خير ما خطيبته تفهمني غلط.....مشيت رجعت خطواتي......
مشيت لسماح كانت اضم في الحجره.....جيت وقعمزت....قالتلي....ان شاء الله خير.....قولتلها.....اسكتي لقيت خطيبتها قدام الحجره.....قالتلي....تستاهلي قولتلك شن جابك هنا ولا شن جابك لمالك.....قولتلها.....شن قصتكم انتم.....بفضل الله ثم بفضل الولد هذا انا توا نقرا ومبطله خدمه.....هو يلي توسطلي في القرايه.....وهو يلي توسطلي هنا.....وهو يلي وقف معاي......سواء ماديا او معنويا.....رفعت حاجبها..... ماديا!!....اي ماديا.....ممكن هذه الحاجه يلي انتم ما تعرفوهاش.....كان كل شهر يعطيني في فلوس......كان ديما واقف جنبي....توا وبكل سهوله تبيني ما نطمنش عليه او نسأل على حاله......وجي أسامه.....سماح شفتي.....
هي انتي.....قولتلها.....شن نشوف فيا.....قالي به تعالي ننزلو نأكلو لوطه......قولتله....شبعانه.....قالي....باهي تعالي سايريني.....مش خطيبتي انتي.....قولتله.....اي والخطبه ليها حدود.....قالي.....ايح علينا بنرحعو لنفس الدسكه......شن انتي راضعه النكد رضاعه.....قولتله......علاش شن دخل النكد انا نطبق في يلي أمرني ربي عليه.....خلاص حق ربي بدي نكد.....وصلت بيك لدرجه هذه.....قالي توا بتقنعيني....انك انتي كل شي حرام ما اديريش فيه......قولتله.....اتا متبعده على الحرام بشكل كبير وإذا درت شي حرام ما نرتاحش لين نستغفر ربي بش ربي يغفرلي.....قالي تعرفي.....انا مش عارف شن عجبني فيك وخلاني نخطبك ما كنتش نحسابك هكي......قولتله....عندك حق....كيف تبي تلاقي
خير مع شر
ملائكه بشياطين
إنس مع جن
فتح عيونه.....تي شن تقولي انتي .....
قولتله......{قل هل يسـتوي آلآعمـى وآلبــصـير.....آم هل تسـتوي آلظـلمـآت وآلنور.....}
قربت خطوات قولتله.....نحمد ربي انه وراني حقه.....
نحمدربي و نشكره إنك طلعت على حقيقتك.....
وأنا نفتخر بنفسي ونفتخر بتفكيري المعقد.....نفتخر بنكد يلي تحكي عليه.....نفتخر.....لانه يهمني الخالق مش المخلوق....
حولت الذبله من يديه وحطيتها قدام الطاوله.....قولتله.....برا دور وحده ما تحبش النكد وتكون كيف ما تبي انت.....
قالي......كملتي كلامك.....تي أصلا انا الحمار يلي حطيت عيني عليك.....انا مئة الف بنت تتمناني وتحلم بيا......لكن انا كنت أعمى لما حطيت عيني على بنت ام واب ما عندهاش نقطوعه من شجره اخرتها دار أيتام.....قالولي اماليا.....مالقيت كان شغاله تتزوج....بس هذا وين عرفت انه كلامهم حق انتم الةسغلات المفروض تكونو تحت رجلينا نعفسو فيكم......وتعيط عليه سماح.....سكره فممممك.....تي هي مش المستشفى تبي تنظاف......تي انتم تبو تنظافو.....زعميتك دكتور......وانت عقاب متخلف....مش خاطمه عللللليك التربيه.......تي قبببل لتحكي على اليتيمه....برا شوف نفسك يااااولد عيله........اطللللع براااااا........وبقدرة قادر طلع أسامه اول ما سمع كلمة سماح.....نزلت دموعي.....قولتلها.....شفتي كيف شفتي.....هذا قبل شوي كان خطيبي شفتي كلامه يلي زي السم نزل عليا.......شفتي نظرية المجتمع يلي حني عايشين فيه كيف ينظرولنا........حني عقاب أيتام خدم......
قربت عليا سماح وعطتني كف......
ضممممي فمممك تعرففي......عقاب واحد ما يسواش ربع ظفرك ينزل دموعك.....ما تعلمتيش تأخدي حقك بيديك.....مش كل شي نحلوه بدموع.....ومش كل يلي نسموعه نحطو يدينا ونبكو......لااااا انتي حتواجهي أحرف من هكي في المجتمع هذا.....لازم تكوني قويه وتواجهي كل شي بنفسك.....خليك واثقه في نفسك وفي خدمتك وماحد يحرك فيك شعره....
يا نهى.....وما ضرك بجهل الارض......إذا كنتي معروفه في السماء......
حني يهمنا يلي فوق السماء......مش يلي يمشي على الارض.
عندك حق يا سماح في كل كلمه قولتيها.....وقفت ومسحت دموعي.....وقربت عليها وشديت  يديها......
صحيتي على كل كلمه قولتيها.....
صحيتي على الكف يلي اعطيتيهولي....
صحيتي لانك فيقتيني على هلبا حاجات كنت غايبه عليها....
صحيتي سماح صحيتي.......
انا توا حنطلع وحنرفع رأسي.....
حنوري للكل كيف شكلها اليتيمه الغاله يلي يحكو عليها....
مشيت ووقفت فم الباب.....انا معروفك هذا مش حننساه طول ما أنا حيه......
وبمجرد ما طلعت من الحجره التفتت سماح ومسحت دمعتها....
سماح على قد ما كانت قويه والكل يخاف منها ويحاولو يتجنبوها....على قد ما كانت طيبه وقلبها ابيض وتأثر فيها أبسط كلمه تنقال....بس وحده من الناس يلي ما حيش حد يشوف دمعتها.....يشوف ضعفها......يشوف جناحها المكسور.....يلي كانت ديما اداوي فيه بش يبان لناس جناح من حديد.....بينما حناجها كان من زجاج.....ابسط ضربه فيه تكسره......
نهى.....طلعت وانا رافعه رأسي.....واثقه من نفسي.....كف سماح على قد ما كان قوي على قد ما فيقني للواقع يلي انا عايشاته.....رفعتني رجليه لحجره مالك.....وكانت امه كيف طالعه من الدار......مشيت نجري بنسألها لقيتها مسحت دمعتها.......هاااا يا خالتي طمنيني....قالتلي.....نبي نقعمز.يا بنتي.....شديت يديها وقعمزتها على الكرسي وجيت جنبها.....طمنيني يا خالتي الله يطمن قلبك....قالتلي.....وليدي.....وليدي....معش يقدر يمشي....انصدمت....كيف؟؟
كيف يعني؟؟؟
قالتلي....قال الدكتور كسر عموده الفقري سببله شلل جزئي....بس
قولتلها....بس شني...
بس ممكن يكون مؤقت .....ومع العلاج يتحسن ويرجع يمشي.....وممكن لاااا......انصدمت بجد مالك ما يستاهل هكي....يارب......قعدت جنب امه لين جي وقت المرواح......وقفت وقولتلها.....عادي يا خالتي نخش.....قالتلي.....خشي تفضلي.....قولتلها....لا كيف بنخش بروحي نبيك تحشي معاي.....ناضت وياناري عليها بخطوات ثقيله....شدت يديه ومشيت انا وياها.....طقيت وخشيت ولقيت مالك شافلي.....ياربي يوجع مسكين.....قعدت نساعد في أمه لين قعمزت في الكرسي.....وشفتله.....كانت عينه تاعبه وكلها ارهاق.....ضام بيديه نفسه.....
قولتله.....حمد لله على سلامتك.....شافلي وهز رأسه بدون ما يرد عليا.....قولتله.....كيف حالك توا.....هز رأسه بمعنى تمام.....شفت لامه يلي كانت تخفي في دموعها.....
ارتبكت.....قولتله....تبي حاجه ناقصاتك حاجه.....
نطق وقالي ....لالا سلامتك.....قعدت نشوفله وهو راقد يقطع القلب.....ااااهاااء به انا نستأذنكم توا وطلعت بدون ما نشوفلهم
سكرت الباب....ومشيت وقلبي مع كل خطوه يتمزق.....لقيت سماح.....قالتلي....شن شفتيه.....قولتلها.....بالله اسكتي يقطع القلب......وووك يا قلبي يسخف كان تشوفيه....
هداكا الدكتور الشخصيه......اليوم طفل صغير....
سكتت سماح وما حكتش معاي.....نزلت انا وياها.....وجت عيني في أسامه يلي كان واقف مع دكتوره .....بس للاسف شكلها ماكانش يوحي على بنت مسلمه.....حجابها وطريقه كلامها ووقفتها ما كانتش ادل على انه قدوتها رسول الله صلى اللىه عليه وسلم......اصلا انت هذا مستواك يا أسامه.....
قلبت وجهي للجهه الثانيه....وشفت لسماح تشوفلي بنضرات غريبه.....خيرك شن في......
ابتسمت على جنب قالتلي.....كنت نقرا في شن داسه داخلك.....قولتلها....وشن طلع معاك شن داسه.....قالتلي.....توا نقولك بس مش توا.....هي حني عطلنا خنروحو......
على قد ما مضايقه بس كان وجود.سماح معاي مريحني.....