اليتيمه

الحلقه التاسعه عشر

اليتيمه:-الحلقه«19»حقيقيه
روايات أربع بنات
          بقلم:ألاء شليبك

لايك قبل لتقري.....
سبحان الله وبحمده....عدد خلقه...ورضا نفسه...وزينة عرشه....ومداد كلماته....

نعطيكم علم إنه هذه حلقه ما قبل الاخيره🙃
سماح......طلعو جثمانها قدامي......رغم ساعات قعدت معاها...لكن كانت بنسبه ليا سنين.....بنته وولدها مشو معاها....قعدت واقفه نودع فيها بعيوني.....جت نهى قعدت اطبطب عليا.....شفتها وقولتلها....إخي عليها الدنيا.....قالتلي....كلنا على هالطريق.....فقدنا ناس غاليه علينا واهو حياتنا ماشيه.....هي تعالي نرجعو نلمو حاجتنا وتروحي ترتاحي.....شدت يديه ومشيت انا وياها.....ما نشوف في حد قدامي عقلي مع يلي صار اليوم.....خديت شنطتي وطلعنا.....طول الطريق ونهى شاده يديه.....لين وصلنا للميتم....خشيت بحيل مهدود وتلوحت على الفراش بحوايجي المسخه.....ما خاطري في شي غير انه نرقد وخلاص....سكرت نهى عليا الباب وطلعت...
نهى......ظلمت الدار عليها وسكرت الباب....وخشيت للغرفه....لقيت فيها عبير مقعمزه .....قالتلي....خيرها سماح شن صاير معاها....قولتلها.....خليها سماح ربي يكون معاها....يلي شافاته اليوم شي ما يتصدقش....قالتلي....علاش حني يا نهى مكتوب علينا الشقا والتعب.....علاش حني نتحمل شي أكبر من عمرنا.....را كبرنا قبل وقتنا....قولتلها....
يلي قدر يحول عصا راعي غنم لحيه يقدر يطلعك من يلي انتي فيه....
ويلي قدر يحفظ نبي في بطن حوت يلي درجة حرارته تصهر الحديد وطلعه لابأس بيه يقدر يطلعك من يلي انتي فيه...
ويلي قدر يطلع نبي ارموه اخواته داخل البئر يقدر يطلعك من يلي انتي فيه...
ويلي قدر يشفي نبي من مرض اكل كل جسده غير قلبه ولسانه يقدر يطلعك من يلي انتي فيه....
ويلي قدر يحفظ نبي قام قومه برميه فنار فجعلها بردا وسلامأ يقدر يطلعك من يلي انتي فيه.....
ويلي أمر نبيه بأخد عصاه وضرب البحر حتى انفلقت منه اثنتا عشرة عينا يقدر يطلعك من يلي انتي فيه....
حيث قال تعالى في كتابه العزيز﴿وٌمًنِ يَتٌقُ آلَلَهّ يَجّعٌلَ لَهّ مًخِرجّآ﴾
خليك واثقه في ربي.....قالتلي....ونعم بالله....قولتلها....حقه شكري اليوم سأل علينا.....قالتلي....شكري!!....التفتلها وقولتلها....اي.....يبي يطمن أي منا يلي نخطبت....قالتلي....وقولتيله.....قولتلها.....سأل سماح وهي قالتله....وفتحت الدولاب نطلع في حوايجي.....قالتلي.....و حكتله.....قولتلها....اي اكيد....قالتلي....زعمك شن صار في ربيعه.....قولتلها....فوقها ربي معش تسأليني عليها.....قالتلي....تعرفي نتمنا نعيش في حوشنا نرجعو هكي عيله كامله....قولتلها....انسي حوشنا وفكري في مستقبلك الجاي.....وخديت حوايجي وطلعت.....

عبير.....طول ما أنا مقعمزه وانا نفكر في مستقبلي وحياتي....فجأه جتني المديره وقالتلي تعالي معاي....نضت ومشيت معاها....دخلت لحجرتها وأعطتني التليفون قالتلي خوك انصل وتوا شوي ثانيه بيعاود يتصل كلميه وطلعت و سيبتني....قعمزت نستنى في التليفون....لين رن....وخديت رديت بسرعه....
الووو ايوا مقداد.....قالي كيف حالك....قولتله....الحمد لله كيف حالك انت وحال أيوب طمنوني عليكم.....قالي كويس الحمد لله....قالي أسمعي غدوا بتمشي لقرايتك....قولتله....اي بنمشي علاش.....قالي....به بنجيك انا وأيوب غدوا.....قولتله....علاش شن في....قالي....استاحشتك من يوم يلي جيتونا انتي ونهى معش شفتكم....قولت خلي غدوا نخطم عليها....قولتله....باهي تمام تعالى....وسكرت الخط...وطلعت من الحجره واتجهت لغرفتي.....فتحت شيتاتي...وبديت نقرأ على دخلت نهى عليا.....قولتلها....قولي من كلمني....قالتلي....مني ...قولتلها.....مقداد....قالي غدوا بيخطم علينا....قالتلي....انا ما نقدرش نمشي غدوا عندي تدريب....قولتلها....ديما بتشوفي خوتك بلاش منه التدريب.....قالتلي....ما نقدرش ضروري ما نحضره لانه معش مازال ونتخرج....قولتلها....اقعدي دبري رأسك....جففت شعرها وفتحت شيتاتها وتقرأ.....