اليتيمه

الحلقه العاشره

اليتيمه:-الحلقه«10»حقيقيه
روايات اربع بنات
         بقلم:ألاء شليبك

لايك قبل لتقري....اللهم صلِّ وسلم على سيدنا محمد

نهى......مقعمزه وسارحه.....لين قاطعتني سماح خاشه.....في شن سارحه.....قولتلها....شي.....وين كنتي......قالتلي....وين بنكون كنت نكمل في شغلي.....قولتلها....شغلك؟؟.....شافتلي وقامت حاجبها.....اي شغلي علاش استغربتي....قولتلها.....لالا شي.....شافتلي.....قالتلي....شن في....قولتلها....ما في شي ......قالتلي.....مش عليا اني يا نهى......قولتلها.....باهي اسكتي......ونضت وسيبتها.....انا في الاخير ما دسيت شي عليها وكل شي نحكيلها فيه.....لكن هي لا ما تبيش تقولي شي......طلعت ونزلت لدور الارضي بش نريح راسي.....لقيت الدكتور واقف على مالك......ايح وين ما نمشي نلقاه في وجهي......جت عيني في عين الدكتور ابتسملي.....قلبت وجهي ما نبيش نعطيه وجه هلبا.....انا اريحلي نروح......رجعت ركبت خشيت لدار وبدون ما نشوف لسماح خديت بضاعتي وقولتلها.....بنروح وانتي شني.....قالتلي....حتى انا بنروح.....طلعنا الاثنين.....ونفس الشي جت عيني في عين الدكتور....درت روحي حوله.....مشيت من جنبه وعيونه عليا.....لين طلعنا......طول الطريق وحنى ساكتين......لين قالتلي سماح....خيرك شن في نبي نفهم......قولتلها......مش هامك انتي خيرني او لا......قالتلي.....شن هو يلي مش هامني.....شن قصتك من الصبح تدوي بالالغاز.....ادوي شن في   ارجل....انتي يا نهى ما تعرفينيش ما تعرفيش وجهي الثاني ما تعرفيش عليا شي......شفتلها وانفجرت فيها.....هذا الهم....انا زي ااكلبه نحكيلك في كل شي من لما جيت على هالدنيا لتوا كل شي تعرفيه عليا......بينما انتي شني.....ما نعررررف عللليك شي من انتي ومن بوك من اي عيله شني يلود في دماغك شن تفركي شن مضايقك شن تحبي شن تكرهي شيييي شييي.........وسكتت وانا وجهي احمر ما تحشمت من حد ما تحشمتش من الناس يلي حوالينا وتشوفلنا........سماح قعدت ساكته لاحظات ومطبسه راسها.....رفعت راسها فيا وتتكلم بقوه.....شفتو كيف تظلمو فيا.....شفتو كيف تقسو عليا.....شفتو كيف تحكمو عليا.....هذه انتي اقرب الناس ليا هكي قولتي امالا الناس الثانيه شن تقول......انا مانبيش حد.يكرهني.....انا والله الا بنت كويسه.....لكن الظروف خلتني هكي بنت قاسيه وزي الراجل.......يلي يقرب مني خطوتين يبعد.....لانكم ما تعرفو بشي ما تعرفو بشي.......نزلت دمعه سخونه على خدها ومشت وسيبتني.....وجعتني ياريت ما تكلمت شن قولت انا والله ما نتحشم هي.....شفت لناس يلي تشوفلنا.....طبست راسي ومشيت.....قعد راسي لوطه لين وصلت للميتم......خشيت لقيت عبير مقعمزه وفرحانه......لوحت شنطتي وتلوحت على الفراش....شافتلي عبير قالتلي خيرك.....قولتلها....ما فيا شي.....وانتي شن مفرحك قالتلي.....قولي من شفت هنا.....قولتلها....مني.....قالتلي.....احزري.....قولتلها.....ادوي كان بتدوي ولا اسكتي......قالتلي.....خالتي غاليه....

عبير.....فجأه لقيت روحي ما شيه بروحي.....التفتت لقيت المرءاه واقف والباين مصدومه.....قولتلها....خيرك وقفتي ان شاء الله خير......قربت عليا وحطت يديها على خدي.....قالتلي كبرتي والله ما عرفتك.....استغربت قولتلها....انتي مني؟؟تعرفيني؟؟.....قامت خمارها....انصدمت قداش ما كبرت التجاعيد معبيه وجهها.....ضحكت ضحكه مخلطه بدموع وحضنتها طول.....خالتي غاليه.....قالتلي.....عبير يا بنتي استاحشكم قداش ما كبرتي وتغيرتي.....دورت عليكم لين وصلت هنا مش مصدقه امتى نشوفكم استاحشتكم يا بناتي......تبكي وتحكي وانا مش مصدقه.....كان حضنها حضن امي.....خشينا وقعمزنا وبديت نحكيلها في كل شي.....من لما توفى بابا للان......قالتلي انتم هكي عايشين......قولتلها....واحرف يا خالتي هذا شوي.....قعدت تبكي وتبكي وتبكي....قالتلي.....قصدك انا مقعمزه وناكل ونشرب ونطلعو وندهورو وجنب صغاري وانتم هكي عايشين......هزيت راسي بمعنى اي.....قالتلي.....حسبي الله ونعم الوكيل في كل واحد ما يخافش ربي......وين نهى كيف حالها.....استاحشتها.....قولتلها....نهى عندها تدريب اليوم سجلت طب علاج طبيعي......قالتلي.....الحمد لله بنتي الدكتوره دارت يلي تبيه....وانتي....قولتلها.....سجلت طب بشري....قالتلي.....الحمد لله نشوفكم احسن دكتورات.....قعدنا نهدرزو والوقت فيسع ما يجري....ناضت وقفت....قولتلها....وين ماشيه.....قالتلي.....بنروح....قولتلها.....زيدي اقعدي مازال.....قالتلي.....هذا هو....وطلعت من الشنطه فلوس......قولتلها.....صحيتي يا خالتي بس والله الا عندنا ما نقصنا شي....بينما حني ما عندنا شي من الاصل💔.....قالتلي لا يا بنتي......هذم مش مني.....ياريته عندي فلوس وربي فاتحها علينا اهو عطيتكم بس انتي تعرفي بالحال.....هذم من شخص عطيهملي امانه نوصلها ليديكم......قولتلها....من هو؟؟.....قالتلي......قريب يا بنتي قريب حتعرفي.....وتنسي كل الالم يلي عشتيه وشفتيه لما تشوفيه.....قولتلها....يا خالتي مني قوليلي؟؟....قالتلي الله غالب يا بنتي حالفه ما نقول.....بس قريب يا بنتي حتعرفي بي كل شي.....وطلعت....
وصلت معاها لعند الباب.....نزلت خمارها......قولتلها......ياخالتي غاليه امتى لبستي الخمار......قالتلي....اسكتي ساكته.من لما حولنا لطرابلس عمك صالح شاف الدنيا زحمه رجاله ناض عليه عرق الغيره....وقالي.....معش تطلعي الا بخمار......قولتلها......اشي اشي عمي صالح يغار.......عنده حق😂.......روحت وانا خشيت والفلوس في يديه.....من هو الشخص هذا ومن هو بش ينسينا يلي عشناه......خشيت دسيت لفلوس