Unicode Version
ဆုန်ကျွင်းသည် မြင်းများကို မောင်းနှင်ရင်း ရှုန်းနုများကို အဖက်ဖက်မှ ခုခံနေရသဖြင့် ပင်ပန်းလာသည်။ သူ၏ အနောက်မှ အဖြစ်အပျက်များကို သတိထားမိကာ အနောက်သို့ လှည့်ကြည့်လိုက်သောအခါ ချောက်ကမ်းပါးအစွန်၌ ရှန်ယု၏ အရိပ်အယောင်ကို မမြင်ရတော့ချေ။
"အဲ့ အဲ့တာ ငါမဟုတ်ဘူး" မင်းသမီးက အလျင်စလို ရှင်းပြသည်။ "သူ့ဘာသာသူ ပြုတ်ကျသွားတာ။ အခုလေးတင် ရှုန်းနုတစ်ယောက်က ပစ်ဝင်လာပြီး သူ့ကို ဆွဲချသွားတာ။ သူ့ဘာသာသူ သေချာမကိုင်ထားလို့ ပြုတ်ကျသွားတာ။ ငါနဲ့မဆိုင်ဘူး"
ဆုန်ကျွင်းသည် မင်းသမီး၏ ပါးစပ်မှ ထွက်လာသော စကားများကို မယုံချေ။ သူသည် ဒေါသထွက်နေသော်လည်း မင်းသမီးကို ဘာမျှ မမေးချေ။ သူ လှည်းပေါ်မှ ခုန်ကျလိုက်ပြီး ရှန်ယုကို လိုက်ရှာလေသည်။
"နင် ဘယ်ကိုသွားနေတာလဲ?" မင်းသမီးက သူ့ကို ချက်ချင်း တားလေသည်။
"ကျနော့်ကို လွှတ်"
"မဖြစ်ဘူး။ နင်သွားလို့ မဖြစ်ဘူး။ နင်သွားရင် ဘယ်သူက ငါ့ကို ကာကွယ်ပေးမှာလဲ? ဘယ်သူက ပိုအရေးကြီးလဲ ငါလို မင်းသမီးလား သူ့လို လူလား? မြန်မြန်လုပ် မြင်းကို မောင်းတော့လေ။ ငါ သူ ချောက်ထဲ ပြုတ်ကျသွားတာကို မြင်လိုက်တယ်။ နင် သူ့ကို ရှာတွေ့မှာ မဟုတ်ဘူး"
ဆုန်ကျွင်း အံကြိတ်လိုက်သည်။ ချောက်က နှင်းမုန်တိုင်းကြောင့် နှင်းများဖြင့် ဖုန်းအုပ်နေပြီ။ မင်းသမီးကို ထားခဲ့ရင်တောင်မှ ရှာတွေ့ရန် မလွယ်ချေ။
"မြန်မြန်။ ရှုန်းနုတွေ မှီတော့မယ်။ အဲ့လိုလူအတွက်နဲ့ ငါ့ကို သေစေချင်နေတာလား?"
ရှုန်းနုတို့၌ ဦးဆောင်သူ ကင်းမဲ့နေကာ တကွဲတပြားစီ ဖြစ်နေသည်။ တစ်ဖက်မှာတော့ ကျင်းတိုင်းပြည်၏ နန်းတွင်းအစောင့်များက အမိန့်အရ လှုပ်ရှားနေကြသည်။ ချန်ပိုင်ဝမ် တစ်ယောက်တည်းကပင် ရန်သူတစ်ရာကို ရင်ဆိုင်နိုင်လေသည်။ မည်သို့ပင် ကြမ်းတမ်းစေကာမူ ရှုန်းနုများသည် သူတို့၏ အင်အားတစ်ဝက်ကို ဆုံးရှုံးသွားသည်။ အားလုံး အသေခံရမည်အထိ မရူးသွပ်ချေ။ တစ်ယောက်ယောက်က အချက်ပေးသံကို ပြုပြီးနောက် ရှုန်းနုတို့ တပ်ဆုပ်သွားလေသည်။
YOU ARE READING
Silent Lover (novel)
Historical FictionBurmese translation (Both U+Z) This story doesn't belong to me. All credits go to original author Qiang Tang. ရက်စက်တဲ့ မင်းသားက ကျင်းတိုင်းပြည်ရဲ့ နံပါတ်တစ်အလှဆုံးမိန်းကလေးကို တော်ကောက်လိုက်တယ်။ သူမအစား မိန်းကလေးလိုမျိုး လှပပြီး စကားမနိုင်တဲ့ ယောင...
