Unicode...
ဘုန်းခန့်ဆင်းလာတော့ ဧည့်ခန်းထဲတွင်ထိုင်နေသောသွေးသစ်အားတွေ့လိုက်ရသည်။
"မင်းဒီနေ့ ရှုတင်မသွားဘူးလား?"
သူထိုသို့မေးတော့ သူ့အားလှည့်ကြည့်ကာဖြေလာသည်။
"ဟမ်..သွားမှာ..နေ့ခင်းမှ ဒီမနက်ပိုင်းမရှိဘူး"
"သြော်..ဒါဆိုငါသွားပြီ။ရာသီဥတုကပူတယ်အပြင်သွားရင် အပေါ်ထပ်ဝတ်"
"အင်းပါ"
ဦးဘုန်းခန့်ကြီးထွက်တော့မှ သွေးသစ်သက်ပြင်းချမိသည်။ဒီနေ့ရှုတင်ကတော့ရှိသည်။သို့ပေသည့်သူကမသွားတာဖြစ်သည်။ထိုလူအားထပ်မတွေ့ချင်၍။
အခုထိပြသနာရှာပုံမထောက်ရင်တော့ မင်းသားအသစ်ပြောင်းထားမှန်း ဦးဘုန်းခန့်ကြီးမသိသေးဘူးထင်သည်။
"အား....စိတ်ရှုပ်လိုက်တာကွာ!!"
သွေးသစ်ထိုသို့ပြောကာ ဆံပင်များအားထိုးဖွလိုက်ပြီးနောက် ဆိုဖာပေါ်တွင်ခြေကားယားလက်ကားယားနေမိသည်။
ထိုသို့နေမိနေရင်း အရှေ့ရှိစားပွဲပေါ်တွင်တင်ထားသည့်ဖုန်းမှအသံမြည်လာခဲ့သည်။
ဖုန်းနံပါတ်အားကြည့်လိုက်သည့်အခါ နံပါတ်စိမ်းတစ်ခု။ထို့အတွက်သူလည်းမကိုင်ဘဲဒီအတိုင်းထားလိုက်သည်။သုံးခါလောက်ခေါ်ပြီးသည့်နောက်တွင် message တစ်စောင်ဝင်လာလေသည်။ထို့နှင့်သွေးသစ် messageအားဖွင့်ကြည့်လိုက်သည့်အခါ ထိုသုတနိုင်ဆိုသည့်လူမှစာပို့ထားခြင်းဖြစ်သည်။
📩'သွေးသစ်..အစ်ကိုပါ..ဖုန်းကိုင်ပါ'
ထိုစာပို့ပြီးခဏအကြာ ဖုန်းcallထပ်ဝင်လာပြန်သည်။
ထိုဖုန်းcallအားလည်းသူမကိုင်ပေ။ထိုသို့မကိုင်ခြင်းအတွက် messageနောက်တစ်စောင်ထပ်ဝင်လာပြန်သည်။
📩'သွေးသစ်..ကိုင်ပါ။အစ်ကို့မှာမင်းကိုပြောစရာတွေအများကြီးရှိတယ်။တကယ်လို့မင်းမကိုင်ရင်..ကိုယ်မင်းရှိရာကို လာခဲ့မှာနော်'
ထိုစကားကြောင့် သွေးသစ်လည်းနောက်တစ်ခါခေါ်သည့် အခေါက်တွင်ကိုင်လိုက်သည်။သူ့ဘက်ကစမပြောဘဲတိတ်တိတ်သာငြိမ်နေမိသည်။
YOU ARE READING
You are My Life《Completed》
Romanceရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...