Unicode....
မနေ့ကသူနှင့်ဦးဘုန်းခန့်စကားများကြပြီးနောက်ပိုင်း ဦးဘုန်းခန့်ကဘယ်ကိုထွက်သွားမှန်းမသိပေ။ထို့အတွက် သူလည်းအပေါ်ထပ်သို့တက်ကာဝင်အိပ်လိုက်ခြင်းပင်။
အခုမနက်ခင်းနိုးထလာသောအခါ ဘေးနားရှိနေရာသို့သူကြည့်မိလိုက်တော့လွတ်နေသောနေရာတစ်ခုသာသူတွေ့လေသည်။ထို့အတွက်အိပ်ယာထကာသွားတိုက်၊မျက်နှာသစ်ပြီးနောက် အောက်ထပ်သို့ဆင်းလာခဲ့ပြီး ထမင်းစားခန်းထဲသို့ဝင်သွားလိုက်သည်။
သူ့အားမြင်သောအခါ ဒေါ်တင်မှပြောလာသည်။
"သား..ဘာစားမလဲ?"
"နွားနို့ပူပူလေးရှိလားကြီးတင်။ကျွန်တော်နွားနို့သောက်ချင်တယ်"
"ရှိတယ်သား ကြီးတင်ကျိုထားတယ်"
"ဟုတ် ဒါဆိုကျွန်တော့်ကိုအဲ့တာပဲပေးပါ"
ထို့သို့ပြောလိုက်ပြီး ဒေါ်တင်အားသူမေးမိသည်။
"ကြီးတင် ညကဟိုလူကြီးပြန်မအိပ်ဘူးလား?"
"သားခန့်က ညကညဥ့်နက်မှပြန်လာတာ"
ထိုစကားကြောင့် သူထပ်မေးမိပြန်သည်။
"ဒါဆို သူကအခုဘယ်မှာလဲ?"
"အိပ်နေတုန်းပဲထင်တယ်"
"အခန်းထဲမှာ ကျွန်တော်မတွေ့မိပါဘူး?"
"အာ..ဟုတ်တယ်။ညကသားခန့်က ဒီဘက်အခန်းကိုအလောတကြီးရှင်းခိုင်းလို့ ကြီးတင်တောင်ရှင်းပေးလိုက်ရသေးတယ်။အဲ့အခန်းမှာညကသူအိပ်တာထင်တယ်။"
"သြော်"
ထိုသို့သာသူပြောမိပြီး ထမင်းစားခန်းထဲသို့ဝင်လာသည့်လူကြောင့် ကြီးတင်နှင့်ပြောလက်စစကားအားဖြတ်လိုက်ရသည်။
ထမင်းစားခန်းထဲသို့ ဦးဘုန်းခန့်ကြီးဝင်လာခြင်းဖြစ်သည်။ထို့အတွက်သူ မော့မကြည့်ပဲဒီအတိုင်းသာခေါင်းငုံ့ထိုင်နေမိသည်။
ကြီးတင်မှ ထိုလူကြီးအားမေးလာသည်။
"သားခန့်...ဘာစားမလဲ?"
"ကော်ဖီတစ်ခွက်ပဲပေး။ညကျရင်ကျွန်တော့်ဖို့မချက်နဲ့ ကျွန်တော်အလုပ်ကိစ္စရှိလို့နောက်ကျမှာ"
YOU ARE READING
You are My Life《Completed》
Romanceရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...