Unicode...
နေ့ခင်း ၁၂နာရီဆိုသည့်အချိန်သည်ကား အလွန်ပူပြင်းလှပေသည်။ရန်ကုန်မြို့ရှိ မြန်မာနိုင်ငံ၏ထိပ်တန်းရုပ်ရှင်ထုတ်လုပ်ရေး ကုမ္ပဏီငါးခုတွင် တစ်ခုအပါအဝင်ဖြစ်သည့် TK entertainmentရှေ့တွင် BMW တံဆိပ် နက်ပြာရောင်ကားတစ်စီးထိုးရပ်လာလေသည်။
ကားပေါ်မှဆင်းလာသူသည်ကား ခန္ဓာကိုယ်အချိုးအစားသွယ်လျလှပ၍ အပြာနုရောင် T-shirtလက်ရှည်ကို ဂျင်းဘောင်းဘီနှင့် တွဲဖက်ဝတ်ဆင်ထားပြီး တပ်ဆင်ထားသော နေကာမျက်မှန်နှင့်စတိုင်ခပ်မိုက်မိုက်ရှိလှပေသည်။ထိုလူသည် ကားပေါ်မှဆင်းသွား၍ မိုးထိအောင်မြင့်မားနေသော အဆောက်အဦးအား တစ်ချက်မော့ကြည့်ပြီးနောက် အထဲသို့ဝင်သွားလေသည်။
ထိုလူသည်မှာကား မြန်မာနိုင်ငံ၌အောင်မြင်ကျော်ကြားနေသည့် သရုပ်ဆောင်များထဲတွင် တစ်ဦးအပါအဝင်ဖြစ်သည့် မင်းသားမင်းသွေးသစ်ပင်ဖြစ်ချေတော့သည်။တစ်နည်းအားဖြင့် ထိုလူသည်ကား TK entertainment ၏CEOကတရားဝင် လက်ထပ်ထားသည့် အမျိုးသားတစ်ယောက်ဟုလည်းဆိုရပေမည်။
သွေးသစ် တံခါးဖွင့်၍ဝင်လိုက်သည်ဆိုရင်ဖြင့် လူတိုင်းကသူ့ကိုနှုတ်ဆက်လာကြလေသည်။
"မင်္ဂလာပါ အစ်ကိုလေး"
သွေးသစ်လည်း လက်တစ်ချက်သာပြန်ဝှေ့ပြလိုက်သည်။ထို့နောက် ထိုလူကြီးရှိရာရုံးခန်းသို့ လျှောက်သွားလေတော့သည်။
.
.
.ဘုန်းခန့် စာရင်းဇယားတွေလုပ်နေရင်း တံခါးခေါက်သံကြားလိုက်ရလေသည်။
"ဆရာ...အစ်ကိုလေးရောက်ပါပြီ"
"အင်း...အခန်းထဲလွှတ်လိုက်"
ဘုန်းခန့် ထိုသို့ပြောပြီးစာရင်းဇယားများအား ပြန်လည်ကြည့်ရှုနေလေသည်။ခဏကြာတော့ တံခါးပွင့်သွားခြင်းနှင့်အတူ လူတစ်ယောက်ဝင်လာလေသည်။ထိုလူသည် သူ့ဘက်ကိုတစ်ချက်တောင်လှည့်မကြည့်ဘဲ အရှေ့ရှိဆိုဖာတွင်သာဝင်ထိုင်လာလေသည်။
ဘုန်းခန့်လည်း သူ့အရှေ့ရှိထိုကောင်လေးအား တစ်ချက်ကြည့်ပြီးပြောလိုက်လေသည်။
ŞİMDİ OKUDUĞUN
You are My Life《Completed》
Romantizmရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...