Unicode...
ကောင်လေးစကားကြောင့် ဘုန်းခန့်ပြောမိသည်။
"ငယ်က ကားရိုက်တွေလည်းရှိသေးတယ်လေ။ဘယ်လိုလုပ်လိုက်လို့ရမှာလဲ?"
"ကျွန်တော်ရိုက်ဖို့အခန်းတွေကမနက်ဖြန်ဆိုပြီးပြီ။အဲ့တော့ ကျွန်တော်လိုက်ခဲ့မယ်နော်။ခရီးမထွက်ဖြစ်တာလဲကြာလို့ပါ"
သွေးသစ် ဦးဘုန်းခန့်အားမျက်နှာငယ်လေးနှင့်ကြည့်ကာတောင်းဆိုမိသည်။
"နော်လို့"
"အင်းပါ။ဒါဆိုလည်း လိုက်ခဲ့လေ"
ထိုစကားကြောင့် သွေးသစ်ပြုံးမိပြီးခေါင်းကိုအဆက်မပြတ်ညိတ်မိသည်။
"အင်း"
.
.
.
.
ထို့နှင့် သွေးသစ်သူရိုက်ရမည့်အခန်းတွေကို၂ရက်အတွင်းအပြီးရိုက်ခဲ့သည်။ဒီနေ့ကတော့ဦးဘုန်းခန့်နှင့်သူနှင့်ခရီးထွက်ရမည့်နေ့ပင်။
လေဆိပ်တွင်ဘုန်းခန့် ရန့်အားသေချာမှာနေသည်။
"ကိစ္စတွေအားလုံးကိုမင်းကိုခဏလွှဲခဲ့မယ်။မင်းကြည့်ပြီးသာလုပ်ဆောင်ထားလိုက်။အရေးကြီးတဲ့ကိစ္စလောက်ကြမှ ငါ့ကိုတင်ပြ။ငါသိပ်တော့မကြာပါဘူး။ဟိုမှာတစ်ပတ်လောက်ပဲကြာမှာပါ။
"စိတ်ချသွားပါဆရာ။ကျွန်တော်သေချာဆောင်ရွက်ထားပါ့မယ်"
ရန့် ပြန်ဖြေသံကြောင့်ဘုန်းခန့်ခေါင်းညိတ်ကာပြန်ဖြေလိုက်သည်။
"အင်း ကောင်းပြီ။ဒါဆိုငါတို့သွားတော့မယ်"
ဘုန်းခန့်ထိုသို့ပြောပြီး ဘေးနားရှိကောင်လေး၏လက်အားလှမ်းကိုင်လိုက်သည်။
အစ်ကိုရန်နှင့်စကားပြောပြီးနောက် သူ့လက်ကိုကိုင်လာသည့်အတွက်သွေးသစ်မော့ကြည့်မိသည်။အခုသူ့ပုံစံက ဦးထုပ်ကိုခပ်ငိုက်ငိုက်စောင်းထားရပြီး နေကာမျက်မှန်ကိုလည်းတပ်ထားရသေးသည်။ပရိတ်သတ်တွေသူ့ကိုမှတ်မိသွားမှာစိုးသောကြောင့်ပင်။ထို့အတွက်သူ့မှာ ခရီးထွက်လာတာတောင်အလန်းဇယားမဝတ်ရပဲရုပ်ဖျက်ပြီးသွားရသည်ပင်။
ဒါတောင် တစ်ချို့တစ်ယောက်စ၊နှစ်ယောက်စကသူ့ကိုမှတ်မိသွားပြီးသူ့နာမည်ခေါ်သံကိုလည်းသူကြားမိသည်။ဘေးနားမှာဦးဘုန်းခန့်ကြီးကရှိနေခြင်းအတွက်ကြောင့်သာ သူ့အနားသို့မလာရဲကြခြင်းဖြစ်သည်။
YOU ARE READING
You are My Life《Completed》
Romanceရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...
