Unicode...
"ငယ်..သက်သာရဲ့လား?"
ဘုန်းခန့် သူမေးတာကိုမဖြေပဲ ငိုချလာသောကောင်လေးကြောင့်သူ့မှာထူပူသွားရသည်။
"ဘာဖြစ်လို့လဲ? ယားတာမသက်သာသေးလို့လား?"
မေးလာသော ဦးဘုန်းခန့်၏စကားများကိုသွေးသစ်ခေါင်းခါပြလိုက်ပြီးမှပြန်ဖြေလိုက်လေသည်။
"ကျွန်တော် တကယ့်ကိုဆိုးဝါးတဲ့အိမ်မက်အရှည်ကြီးတစ်ခုကိုမက်ခဲ့မိတာ...ဟင့်"
ရှိုက်သံတွေနှင့်အတူငိုကာပြောလာသောကြောင့် သွေးသစ်၏ခေါင်းလေးအားခပ်ဖွဖွပုတ်ပေးမိရင်းမေးမိသည်။
"ဘာတွေမက်လို့လဲ?"
"အိမ်မက်ထဲမှာ...အိမ်မက်ထဲမှာ..ကျွန်တော်တို့ရဲ့ကလေးကပျက်ကျသွားတာတဲ့။အဲ့ကိစ္စကြောင့် ဦးဘုန်းခန့်နဲ့ကျွန်တော်နဲ့ကအကြီးအကျယ်ရန်ဖြစ်နေကြတာ။နောက်တော့ ဦးကကျွန်တော့်ကိုထားသွားခဲ့တာ။ကျွန်တော်ဘယ်လိုအော်ခေါ်ခေါ်...ဘယ်လောက်ပဲတောင်းပန်ပန်..ကျွန်တော့်ကို့လှည့်တောင်မကြည့်ပဲနဲ့အမှောင်ထုထဲမှာတစ်ယောက်ထဲထားသွားခဲ့တာ။ကျွန်တော်ကြောက်နေခဲ့တာ...ကြောက်နေခဲ့တာ..အဲ့အမှောင်ထုကရုန်းမထွက်နိုင်မှာကို။ပြီးတော့..အိမ်မက်တစ်ခုမဟုတ်ပဲ လက်တွေ့အစစ်အမှန်ဖြစ်နေမှာကျွန်တော်ကြောက်နေခဲ့တာ။ပြန်နိုးမထနိုင်တော့မှာကိုကျွန်တော်ကြောက်နေတာခဲ့တာ...အဟင့်.."
တရပ်စပ်ငိုကာပြောလာသောသွေးသစ်ကြောင့် သူပြောမိသည်။
"ငယ်...စိတ်ကိုလျော့။ဒါအိမ်မက်တစ်ခုပဲလေ..တကယ်မဖြစ်ဘူးနော်။ဒီအတိုင်းကြောက်လန့်ချိန်မှာမက်မိတဲ့ အိမ်မက်ဆိုးတစ်ခုပါပဲ။ပြီးတော့ ကိုယ်ကလည်းဘယ်တော့မှငယ့်ကိုထားမသွားဘူး ဟုတ်ပြီလား..။မငိုနဲ့တော့...ကိုယ်ငိုတာမကြိုက်မှန်းငယ်သိသားနဲ့။ဘာမှမဖြစ်ဘူးနော်...။"
မျက်ရည်များကိုသုတ်ပေးရင်းဆိုလာသော ဦးဘုန်းခန့်၏စကားတို့အားသွေးသစ်ခေါင်းသာညိတ်ပြမိသည်။
"ဒါဆိုခဏနားနေလိုက်အုံးနော်။ကိုယ်အပြင်မှာ ရန့်ကိုမှာစရာရှိတာတွေသွားမှာလိုက်အုံးမယ်"
YOU ARE READING
You are My Life《Completed》
Romanceရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...