Unicode....
အိပ်နေသောကောင်လေးအား ဘုန်းခန့်လှုပ်နိုးလိုက်သည်။
"ထစမ်း သွေးသစ်..ငါမင်းနဲ့ပြောစရာရှိတယ်"
သွေးသစ် ထိုလူကြီးနှင့်စကားထပ်မများချင်လို့လှဲအိပ်နေခြင်းပင်။သို့ပေသည့် ထိုလူကြီးကအတင်းဆွဲကာနှိုးလာသည့်အတွက်ထလိုက်ရသည်။
"ဘာတွေထပ်ပြောအုံးမလို့လဲ?...ထပ်ပြောရင်...ခင်ဗျားနဲ့ကျွန်တော်နဲ့ထပ်စကားများအုံးမယ်"
"စကားမများချင်ရင် မင်းငါ့စကားနားထောင်လေ..."
"မင်းကိုငါ ဆက်မရိုက်ပါနဲ့တော့လို့ပြောနေတာတောင်ဆက်ရိုက်တဲ့အပြင် အခုအဲ့ကောင်နဲ့ပါ ချိန်းတွေ့နေပြီပေါ့"
"ခင်ဗျားကို ပြောပြီးပြီလေ..။ဒီအတိုင်းပဲလာသောက်ကြတာပါဆိုနေ"
"သြော်...ဒါဆိုဘာလို့အဲ့ကောင်နဲ့လဲ ဘာလို့အဲ့ကောင်နဲ့မှလဲ!!?"
စကားက ထိုအခြင်းအရာဆီသို့သာပြန်လည်ဦးတည်နေသည်မို့ သွေးသစ်စိတ်မရှည်တော့ပေ။
"ဦးဘုန်းခန့် ခင်ဗျားကဘယ်လိုတောင်ဖြစ်နေတာလဲ...။ဘာလို့ကျွန်တော်ပြောတာတွေတစ်ခုမှမယုံကြည်ရတာလဲ?"
"မင်းက ယုံကြည်အောင်မှမနေပဲ"
"ဒါဆိုကောင်းပြီ..။ခင်ဗျားလည်းကျွန်တော့်ကိုမယုံကြည်တဲ့အတူတူ ကျွန်တော်တို့ကွာရှင်းကြတာပေါ့"
သွေးသစ် ထိုစကားပြောပြီးကုတင်ပေါ်ကဆင်းလာကာ အခန်းထဲမှထွက်သွားရန်ပြင်မိသည်။ထိုစဥ် သူ့ခန္ဓာကိုယ်အားအနောက်မှလှမ်းဆွဲလာသဖြင့် အနောက်သို့ယိုင်ကျသွားကာ ကုတင်ပေါ်သို့ပြုတ်ကျသွားရသည်။
"သွေးသစ်..မင်းသိထားဖို့က မင်းကိုငါပိုင်တယ်ဆိုတာပဲ"
ဘုန်းခန့်ထိုသို့ပြောကာ အောက်ကကောင်လေး၏နှုတ်ခမ်းသားများအား ဖိကပ်ကာနမ်းလိုက်သည်။
အင့်~~~အွန့်~~~
မထင်မှတ်ထားသောလုပ်ရက်ကြောင့် သွေးသစ်ကြောင်အသွားရသည်။ထို့အတွက်သူအတင်းရုန်းကန်နေမိသည်။
"အာ့...ခင်ဗျားဘာလုပ်တာလဲ...။ကျွန်တော့်ကို အခုလွှတ်...ခင်ဗျားမူးနေရင်လည်းအိပ်လိုက်တော့"
YOU ARE READING
You are My Life《Completed》
Romanceရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...