Unicode...
ရိုက်ကွင်းခဏနားချိန်တွင် မျက်နှာမကောင်းဖြစ်နေသောသွေးသစ်ကြောင့် သုတသွားကာမေးမိလိုက်သည်။
"သွေး...ဘာကိစ္စဖြစ်လို့လဲ?မျက်နှာလည်းမကောင်းပါလား....။ပြီးတော့ ဒီနေ့လည်းရိုက်နေတုန်းအလွဲလွဲအမှားမှားနဲ့"
ထိုသို့မေးလာသောကြောင့် သွေးသစ်ပြန်ဖြေလိုက်သည်။
"ဦးဘုန်းခန့်ကြီးနဲ့ ပြဿနာဖြစ်လာလို့"
"သြော်...ဘာပြဿနာဖြစ်လာတာလဲ?"
"ဒီရုပ်ရှင်ကားမှာအသစ်ပြောင်းလိုက်တဲ့မင်းသားကို အစ်ကိုမှန်းသူသိသွားတာ...။ပြီးတော့ဒီကားကို ဆက်မရိုက်နဲ့တော့လို့လည်းပြောတယ်"
"အာ...အစ်ကို့ကြောင့်နဲ့ပြဿနာဖြစ်ကြတာလား?"
"အစ်ကို့ကြောင့်ဆိုပေမယ့်လည်း...အဲ့လူကြီးကိုကဘာဖြစ်နေမှန်းမသိပါဘူး။ကျွန်တော်နဲ့အစ်ကိုရဲ့ကိစ္စအားလုံးကိုရှင်းပြတာတောင် မယုံကြည်နိုင်ဖြစ်နေတာ"
"သြော်.."
သုတ ထိုတစ်လုံးထဲသာပြောမိသည်။သူလည်း မြွေမြွေချင်းခြေမြင်မိပါသည်။ဦးဘုန်းခန့်တည်ကြည်ဆိုသောလူက သွေးသစ်ကိုချစ်မိနေပြီဆိုတာ။
"ဒါဆို..သွေးက ဆက်မရိုက်တော့ဘူးပေါ့?"
"ရိုက်မှာပါ။ဒီရုပ်ရှင်ကားကိုပြီးအောင်ရိုက်မှာ..။သူကျွန်တော့်ကို ဘာတွေမယုံမကြည်ဖြစ်နေမှန်းမသိပေမယ့်...ကျွန်တော့်အလုပ်ကိုတော့ကျွန်တော်ပြီးအောင်လုပ်မှာပါ..."
"အင်းပါ...ဟုတ်ပါပြီ။ဒါဆိုလည်း အလုပ်ထဲမှာအာရုံစိုက်အုံး။အဲ့အကြောင်းတွေတွေးမနေနဲ့တော့"
"အင်း"
ထို့နှင့် သူတို့ရိုက်ကွင်းအားဆက်ရိုက်ခဲ့ကြသည်။ညနေစောင်းရောက်သောအခါ ဒါရိုက်တာဖြစ်သူမှပြောလာသည်။
"ကဲ...ဒီနေ့ရိုက်ကွင်းကတော့ပြီးသွားပြီ။မနက်ဖြန်ရိုက်ကွင်းအတွက် ရွာဘက်ကိုသွားရမယ်...အဲ့တော့မနက်ဖြန်ကြရင်စောစောစီးစီးလူစုံကြတာပေါ့"
ဒါရိုက်တာ၏စကားကြောင့် သွေးသစ်ပြောမိသည်။
"ရွာဘက်ကိုသွားရမှာလား?"
ESTÁS LEYENDO
You are My Life《Completed》
Romanceရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...