Unicode...
"အင်း..ဟုတ်တယ်။ငယ်ဝတ်ထားတဲ့အင်္ကျီမှာဖျန်းထားတာ။အဲ့တာကြောင့် ယားယံလာပြီးငယ်အသက်ရှုကြပ်သွားရတာ။အပြင်ပိုင်းပဲထိမိတာမို့ အခြေအနေကသိပ်မဆိုးသွားတာ"
ထိုအခါမှသွေးသစ်လည်း နားလည်သဘောပေါက်သွားရသည်။
ဒါကြောင့်မို့သူအဲ့အင်္ကျီစဝတ်ကတည်းကနေရတာအဆင်မပြေဖြစ်နေတာကို။သားမွေးပြီးကတည်းက သွေးသားပြောင်းလဲကာသူပါမြေပဲနှင့်ဓာတ်မတည့်ဖြစ်လာခဲ့သည်။ထို့အတွက်မြေပဲနှင့်ပြုလုပ်ထားသောအရာမှန်သမျှဆိုရင်သားရောသူပါ ဝေးဝေးကရှောင်ရသည်။
ဒါဆို အဲ့တာကိုသူ့အင်္ကျီပေါ်မှာဖျန်းသွားတဲ့လူကဘယ်သူလဲ?
သူ့ကိုဘယ်သူကမကောင်းကြံနေရတာလဲ?
သွေးသစ်ထိုကိစ္စကိုလေးလေးနက်နက်တွေးနေပေမယ့်လည်း ဦးဘုန်းခန့်၏စကားကြောင့်အတွေးစတို့လွင့်စင်သွားရသည်။
"ခေါင်းကိုက်စရာတွေဘာမှလျှောက်တွေးမနေနဲ့။အနားယူလိုက်အုံး"
"အင်းပါ"
"ဒါဆိုကိုယ်တစ်ခြားလိုအပ်တာတွေမေးဖို့အတွက်ဆရာဝန်နဲ့ခဏသွားတွေ့လိုက်အုံးမယ်။သား..ဖေဖေနဲ့နေခဲ့ပြီး ဖေဖေ့ကိုအဖော်ပြုပေးထားလိုက်အုံး"
ဘုန်းခန့် သွေးသစ်ကိုပြောပြီးနောက်သားကိုပါကြည့်ကာပြောလိုက်ခြင်းဖြစ်သည်။
"ဟုတ်"
ထို့နှင့်ဘုန်းခန့်လည်းသားအဖနှစ်ယောက်အား အခန်းထဲတွင်ထားခဲ့ကာ အခန်းအပြင်သို့ထွက်လာခဲ့သည်။ဖုန်းမြည်လာသောကြောင့် ကိုင်လိုက်သည်။
ဆက်လာသူကထက်မြတ်ပင်။
"ဘယ်သူလဲဆိုတာသိရပါပြီ ဆရာ။ကျွန်တော်အချက်အလက်တွေဆရာ့ဆီပို့ပေးထားပါတယ်"
"ကောင်းပြီ"
သွေးသစ်သတိမရခင်ကတည်းက ကိစ္စအစုံအားသက်တန့်ကိုသေချာမေးကာလုပ်ခဲ့တဲ့တရားခံကို ထက်မြတ်ကိုရှာခိုင်းထားခြင်းပင်။
ထို့နှင့်ဖုန်းချလိုက်ပြီးနောက် ထက်မြတ်ပို့ပေးသောအချက်အလက်များအားကြည့်လိုက်သည်။ထို့နောက် ဒေါသစိတ်ကြောင့်မျက်ခုံးများကိုတွန့်ချိုးမိသည်။
YOU ARE READING
You are My Life《Completed》
Romanceရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...