Unicode...
ပြတင်းပေါက်ဘက်လှည့်ကာသူ့ကိုကျောပေးနေသောကိုမျိုးအား ဘုန်းခန့်ပြောလိုက်သည်။
"ကျွန်တော်ကပြန်တောင်ပြန်သွားပြီထင်တာ"
ဘုန်းခန့်စကားကြောင့် ကိုမျိုးလည်းသူ့ဘက်လှည့်လာကာပြောလာသည်။
"အပြင်မှာဒေါ်တင်တို့ရှိနေတော့ ပြောဖို့အဆင်မပြေလို့"
ထိုစကားကြောင့် ဘုန်းခန့်မျက်ခုံးများကိုအနည်းငယ်တွန့်ချိုးမိသည်။ထို့အတွက်သူသိချင်တာကိုသာတည့်တိုးမေးလိုက်သည်။
"သွေးသစ်ကဘာဖြစ်လို့လဲ?"
"ဘာဖြစ်တာလဲဆိုတဲ့အကြောင်းကို ငါလည်းစဥ်းစားနေတုန်းပဲ။ပြီးတော့..ငါကလည်းအဲ့ဘက်လိုင်းမဟုတ်တော့ သိပ်မသေချာတာလည်းပါတာပေါ့"
ကိုမျိုးထိုသို့ပြောပြီးနောက် ဘုန်းခန့်အားကြည့်ကာဆက်ပြောလိုက်သည်။
"ငါ့ခန့်မှန်းချက်ကတော့ သွေးသစ်မှာကိုယ်ဝန်ရှိနေတာထင်တယ်။ဒါပေမယ့်...သိပ်တော့လည်းမသေချာဘူး"
ထိုစကားကြောင့် ဘုန်းခန့်မျက်ခုံးများအားပိုမိုစွာတွန့်ချိုးမိသည်။
"မဖြစ်နိုင်တာ ကိုယ်ဝန်ကဘယ်လိုလုပ်??"
"အဲ့တာကြောင့် ငါလည်းမသေချာဘူးလို့ပြောတာပေါ့။မင်းတို့နှစ်ယောက်ဟိုတစ်ခါဖြစ်ပြီးနောက်ပိုင်း ထပ်ဖြစ်ကြသေးလား?"
ကိုမျိုးစကားရဲ့အဓိပ္ပာယ်ကို သူနားလည်သဖြင့်ပြန်ဖြေလိုက်သည်။
"အင်း "
"အဲ့တာဖြစ်ခဲ့တာ ဘယ်လောက်ကြာပြီလဲ?"
ထိုအမေးကြောင့် ဘုန်းခန့်ပြန်စဥ်းစားကာဖြေလိုက်သည်။
"ကျွန်တော် ဟိုတစ်ခါUKသွားတုန်းကဆိုတော့ သုံးလလောက်ရှိပြီ"
ဘုန်းခန့်အပြောကြောင့် ကိုမျိုးခေါင်းညိတ်ကာသေချာစဥ်းစားပြီးထပ်မေးလိုက်သည်။
"အခုတလောသွေးသစ်က ခဏခဏခေါင်းမူးတယ်။အစားစားချင်စိတ်သိပ်မရှိဘူး။ပင်ပန်းတယ်လို့ပြောတာကြားမိလား?"
STAI LEGGENDO
You are My Life《Completed》
Storie d'amoreရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...