Unicode...
ဘုန်းခန့် အခန်းထဲသို့ဝင်လာသောအခါ ကုတင်ပေါ်တွင်ထိုင်နေသောသွေးသစ်အားတွေ့လိုက်သည်။အခုထက်ထိမနက်ကဝတ်ထားသောsuitကိုမလဲရသေးပုံပေါက်ရင် ထိုကောင်လေးပွဲကနေထွက်သွားပြီးကတည်းကဒီကိုတန်းလာသည်ထင်သည်။ထို့နှင့်ဘုန်းခန့်လည်း လက်ထဲကအိတ်ကိုစားပွဲခုံပေါ်တွင်တင်လိုက်ပြီးအပေါ်ထပ်coatအားချွတ်လိုက်ကာ နက်(စ်)ကတိုင်အားဖြည်လျော့လိုက်သည်။ပြီးနောက် သွေးသစ်ကိုမကြည့်ပဲသူပြောလိုက်သည်။
"အခုတော့ ကိုယ့်ခြေထောက်နဲ့ကိုယ်အိမ်ပေါ်ပြန်တက်လာပြီပေါ့?"
ထိုသို့ပြောပြီး အရှေ့ဝရန်တာနားသို့ထွက်ကာစီးကရက်တစ်လိပ်အားမီးညှိလိုက်ပြီးနောက် တစ်ရှိုက်မျှရှိုက်ဖွာလိုက်ကာ အငွေ့များအားလေထဲသို့မှုတ်ထုတ်မိသည်။
သွေးသစ် မနက်ကတည်းကဒီအိမ်သို့ပြန်လာပြီးအခန်းထဲတွင်ထိုင်စောင့်နေခြင်းပင်။ထိုလူကြီးကတော့ဝင်လာလာပြီးခြင်း သူ့အားစကားတစ်ခွန်းသာပြောလေသည်။ထို့အတွက်ထိုင်နေရာမှထကာ ထိုလူကြီးရှိရာဘက်သို့ကြည့်မိတော့ဆေးလိပ်သောက်နေသည်ကိုတွေ့လိုက်ရသည်။
အရင်တုန်းကထိုလူကြီးဆေးလိပ်သောက်တာသူတစ်ခါမှမတွေ့ဘူးပေ။သောက်တောင်မသောက်ဘူးဟုထင်ထားခဲ့တာ။အခုမှသောက်တတ်မှန်းသူသိရသည်။
အပြင်ဘက်ရှုခင်းများကိုကြည့်ကာဆေးလိပ်သောက်နေသော ဦးဘုန်းခန့်၏ကျောပြင်ကိုကြည့်ပြီးသွေးသစ်ပြောလိုက်သည်။
"ခင်ဗျားနဲ့မလွန်းအိန္ဒြာနဲ့က တကယ်ပြန်တွဲနေတာလား??"
ထိုစကားကြောင့် ဘုန်းခန့်ပြန်မေးမိသည်။
"ဘာလို့လဲ?"
"ဘာဘာလို့ရမှာလဲ?...ကျွန်တော့်ကိုမကွာရှင်းရသေးပဲနဲ့ အခုလိုတစ်ခြားတစ်ယောက်နဲ့တွဲနေတာ သူများအမြင်မှာကောင်းမလား?"
ဘုန်းခန့် ဆေးလိပ်အားတစ်ရှိုက်ထပ်ဖွာလိုက်ပြီးနောက် တည်တည်ငြိမ်ငြိမ်ပဲပြန်မေးလိုက်သည်။
"မင်းကတကယ်ပဲ...ကွာရှင်းချင်နေတာလား?"
ထိုစကားကြောင့် သွေးသစ်မျက်တောင်များကိုပုတ်ခတ်ပုတ်ခတ်လုပ်မိသည်။
YOU ARE READING
You are My Life《Completed》
Romanceရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...