Unicode....
ဘုန်းခန့် ကောင်လေးယူခိုင်းသည့်ပစ္စည်းအားသွားယူပြီးဆင်းလာချိန်တွင် ဧည့်ခန်းထဲတွင်သွေးသစ်အားမတွေ့ရတော့ပေ။ထမင်းစားခန်းထဲမှမိဖြူ၏အော်သံကြောင့် သူထိုနေရာသို့သွားကာကြည့်မိသည်။မြင်လိုက်ရသည်က စားပွဲအစွန်းကိုအားပြုကာမတ်တပ်ရပ်နေရသောသွေးသစ်၊အောက်တွင်ပြန့်ကျဲနေသောဖန်ကွဲစများနှင့်ကောင်လေး၏ခြေဖဝါးတွင်ထွက်နေသောသွေးများပင်။
ထို့အတွက်ကောင်လေးအနားသို့သူသွားလိုက်သည်။
"ငယ် ဘယ်လိုဖြစ်တာလဲ??"
အနားသို့ရောက်လာသော ဦးဘုန်းခန့်ကြောင့်သူပြောမိသည်။
"အာ့..ကျွန်တော်ဖန်ကွဲစတက်နင်းမိသွားလို့။ခြေထောက်ကအရမ်းနာနေတယ်။ထောက်လို့မရဘူး"
"ခဏလေး ကိုယ်ချီမယ်"
ကောင်လေးအား ပွေ့ချီလိုက်ကာအခန်းရှိရာသို့တက်လာခဲ့သည်။
အနောက်တွင်ဂေါ်ပြားကိုင်ကာကျန်ခဲ့သည့်မိဖြူကတော့ သူမလုပ်မိလိုက်သည့်အမှားကြောင့် ဒူးတွေတဆတ်ဆတ်တုန်ကာကျန်ခဲ့လေသည်။
.
.
.
.ကိုမျိုးအား ဖုန်းအမြန်ဆက်ကာလာခိုင်းလိုက်ရသည်။
ကိုမျိုးကသွေးသစ်ခြေထောက်အား ပတ်တီးစီးပေးပြီးနောက်ပြောလာလေသည်။
"ဘယ်လိုတွေတောင်ဖြစ်ရတာလဲ ဘုန်းခန့်ရယ်။မင်း..သွေးသစ်ကိုသေချာဂရုမစိုက်ဘူးလား"
ကိုမျိုးစကားအား သွေးသစ်ပြန်ဖြေမိသည်။
"ဦးဘုန်းခန့်ကြောင့်မဟုတ်ပါဘူး။ကျွန်တော့်ဘာသာဗိုက်ဆာလို့ပန်းသီးသွားယူရင်း အောက်ကဖန်ကွဲစတွေကိုမမြင်ဘဲ တက်နင်းမိလိုက်တာပါ"
ကိုမျိုးကသက်ပြင်းတစ်ချက်ချပြီးနောက် ပြောလာလေသည်။
"အင်းပါ။နောက်အခါဆိုရင်တော့ ပိုဂရုစိုက်ပေါ့။ပြီးတော့ အခုကအနာအရှိန်နဲ့ညကျရင်ဖျားလောက်တယ်။အဲ့အတွက်ငါဆေးပေးခဲ့မယ်။အခုတစ်ကြိမ်၊ညကျရင်တစ်ကြိမ်။တကယ်လို့ညလယ်လောက်မှာဖျားလာရင်လည်း တစ်ကြိမ်ထပ်တိုက်လိုက်။ကိုယ်ဝန်နဲ့ဆိုတော့ အကိုက်အခဲပျောက်ဆေးအပြင်းစားတွေတိုက်လို့မရဘူး။အဲ့အတွက် ညကျရင်သူဖျားမှာတော့အသေအချာပဲ"
KAMU SEDANG MEMBACA
You are My Life《Completed》
Romansaရုပ်ရှင်ထုတ်လုပ်ရေးကုမ္ပဏီတစ်ခု၏ CEOလဲဖြစ် ဒါရိုက်တာလဲဖြစ်တဲ့ အသက်၃၂နှစ်အရွယ် ဦးဘုန်းခန့်တည်ကြည်ဆိုသောလူနှင့် အသက်၂၁နှစ်အရွယ်သရုပ်ဆောင် မင်းသွေးသစ်တို့ အကြောင်းတစ်ခုခုကြောင့် လက်ထပ်ဖြစ်သွားသောအခါ... နေရာတကာလိုက်ချုပ်ချယ်တတ်တဲ့ ဦးဘုန်းခန့်နဲ့ ချု...