Unicode 👻
"ကုမ္ပဏီကို ဒီနေ့ထပ်လိုက်မလာနဲ့နော်"
"မလိုက်ပါဘူး...အားအားယားယား"
ဝရံတာက Sofaပေါ်မှာခြေထောက်တင်ပြီးထိုင်နေတဲ့ PPက ပါးစပ်ကိုလက်နဲ့အုပ်ပြီးသန်းရင်း ပြန်ဖြေသည်။
Billkinတစ်ယောက် ကုမ္ပဏီကိုသွားရန် အိမ်ကမထွက်ခင်မှာ PPကို လိုက်မလာဖို့ တဖွဖွပြောနေရသည်။ မနေ့ကလည်း ဒီကောင်လေး အိပ်ချင်ယောင်ဆောင်ပြီး နောက်ကလိုက်လာတယ်မဟုတ်လား။
PPကို Kin မယုံပါ...
"လိုက်မလာနဲ့နော်"
"ဘယ်နှခါပြောနေတာလဲ သူ့နောက်ကိုလိုက်ချင်တယ်များမှတ်နေလား"
"ပြီးရော...ငါစိတ်ချမယ် အိမ်မှာမရှုပ်ထားနဲ့"
"သွားမှာဖြင့်သွားပါ၊အလုပ်နောက်ကျရင် ကျွန်တော့်အပြစ်မဟုတ်ဘူးနော်...အိပ်လိုက်ဦးမယ် ...ဝါး"
သန်းဝေပြီး အိပ်ဖို့လုပ်နေတဲ့
PPကို Kinမယုံပေမယ့် နောက်ကျမှာစိုးလို့သာ အိမ်ကထွက်လာခဲ့ရတယ်။
တကယ်တော့ PPကတကယ်ပျင်းနေတာပါ...
Kinအနောက်ကလိုက်ဖို့လည်း စိတ်ကူးမရှိဘူး၊ ဘာလို့ဆို Kinဆီကကူညီမယ်ဆိုတဲ့ကတိရပြီးပြီလေ။
ဘာလို့လိုက်ဦးမှာလဲ...ပျင်းစရာကြီး။
ကတိကတော့ သူတည်လောက်မယ်လို့တော့
PPမျှော်လင့်ရတာပဲ...
PP ချက်ချင်းအိပ်မပျော်လို့ ဝရံတာကနေ
အပြင်ဘက်လမ်းပေါ်လှမ်းကြည့်တော့
ဘတ်စ်ကားဂိတ်ကိုလမ်းလျှောက်သွားနေတဲ့ P'Kinကို
လှမ်းတွေ့နေရတယ်။ P'Kinကလမ်းလျှောက်နေရင်း
နောက်ကိုနှစ်စက္ကန့်တစ်ခါလှည့်လှည့်ကြည့်နေတာမြင်တော့ PPရယ်ချင်လာတယ်။
"Haha ဘာလဲ...PPလိုက်လာမှာကြောက်လို့ လှည့်လှည့်ကြည့်နေတာလားမသိဘူး။
မလိုက်လာပါဘူးလို့ပြောထားပြီးသားဟာကို..."
လမ်းပေါ်ကလူတွေကတောင် Kinကို ထူးဆန်းလို့ ကွက်ကြည့်ကွက်ကြည့် ကြည့်ကုန်ကြပြီလေ။
ဝရံတာကနေ P'Kinကိုလှမ်းကြည့်ရင်း PPတစ်ယောက်တည်း အားရပါးရရယ်နေလိုက်တာ ခုနကအိပ်ချင်တဲ့စိတ်ပါပျောက်သွားသည်။
"တော်ပြီ...မအိပ်ချင်တော့ဘူး P'Kinနောက်ကိုလည်းမလိုက်ချင်ဘူး။ ဘာလုပ်ရင်ကောင်းမလဲ"
YOU ARE READING
𝘈𝘭𝘸𝘢𝘺𝘴 𝘣𝘦𝘴𝘪𝘥𝘦 𝘺𝘰𝘶 👻(ကိုကို့နံဘေးမှာ...💞)
Fanfiction"ဘယ်ဘဝရောက်ရောက် ကိုကို့ ကိုတော့ မှတ်မိနေပါရစေ" ဝိညာဉ်ဆန်ဆန်storyလေးပါ...👻 Readerလေးတစ်ယောက်ကတောင်းဆိုထားလို့ရော ကိုယ်ကလည်းသဘောကျလို့ရော ရေးဖြစ်သွားတာပါ🥰
