𝘈𝘭𝘸𝘢𝘺𝘴 𝘣𝘦𝘴𝘪𝘥𝘦 𝘺𝘰𝘶 👻(ကိုကို့နံဘေးမှာ...💞)

- 2 -

Ep (2) 👻 (Unicode)

"ဟဲ့‌ရေမြန်မြန်လာကြလေ ဘောလုံးပွဲကစနေပြီ နောက်ကျတော့မယ်"

ညနေကျောင်းဆင်းချိန်မှာဘောလုံးပွဲကြည့်ကြဖို့ အိမ်ကိုခွင့်တောင်းထားပြီး PPတို့သုံးယောက်သား အိမ်မပြန်ဘဲ ဘောလုံးကွင်းထဲ‌ရောက်နေကြခြင်းသာ... ။

"ဟိုမှာနေရာလွတ်တယ် သွားထိုင်ကြမယ်"

နောက်ကျနေလို့ ရှေ့ဆုံးတန်းမှာနေရာမရတော့ပေမယ့် တတိယမြောက်တန်းမှာတော့ PPတို့အတွက်နေရာရှိသေးလို့တော်သေးသည်။

ဒီနေ့က ကိုကိုတို့Final Year လက်ရွေးစင်အသင်းနှစ်ခုရဲ့ ခြေစမ်းပွဲနေ့...။တကယ့်ပွဲနေ့ကနောက်တစ်ပတ်မှဖြစ်ပေမယ့် ခြေစမ်းပွဲကိုလာအားပေးတဲ့သူတွေကအရမ်းများလွန်းတော့ တကယ့်ဘောလုံးပွဲအစစ်လိုခံစားနေရသည်။

PPကြားဖူးတာက ကိုကိုတို့အသင်းရဲ့ပြိုင်ဘက်အသင်းကအရင်နှစ်က Bangkokမြို့ရဲ့ကျောင်းပေါင်းစုံချန်ပီယံဖြစ်ဖူးသည်။
အခုကျောင်းအဆင့်မှာ ကိုကိုတို့ကသူ့တို့ကိုနိုင်မှ ကျောင်းပေါင်းစုံပွဲကိုဆက်ပြိုင်ခွင့်ရမှာပင်။

PPအတွက်တော့ ဒါဟာပထမဆုံးအကြိမ်ဘောလုံးပွဲကိုကွင်းထဲထိလာကြည့်ဖူးခြင်းပဲ။
ကိုကိုပါလို့သာလာကြည့်ဖြစ်ခြင်းပါပဲ...
မဆီမဆိုင်သူငယ်ချင်းမနှစ်ယောက်ကပါအဖော်အဖြစ် အဆစ်ပါလာရသေးသည်။သူတို့ကိုအားနာပေမယ့် PPတစ်ယောက်တည်းတော့ စီနီယာတွေကြားလာမကြည့်ရဲတာအမှန်။

ကွင်းထဲကလူတွေကို PPလိုက်ကြည့်နေပေမယ့် ကိုကို့ကိုခုထိမတွေ့သေးဘူး။
ကိုကိုက အသင်းထဲမှာတော်တယ်လို့ကြားသည်။
တော်တဲ့သူမို့ နောက်မှထည့်မှာများလားလို့ PPတွေးနေမိသည်။

"လူလဲပါမယ် Final year TeamBက ကျောနံပါတ ်8အစား ကျောနံပါတ် 77 Billkin Putthipongနဲ့ လူလဲကစားပါမယ်"

ကြေညာပေးတဲ့ဆီက ကိုကို့နာမည်ကြားလိုက်ရတော့ PPသိပ်ပျော်သွားတယ်...နောက်ဆုံးတော့ လာကြည့်ရကျိုးနပ်ပြီ...ကိုကို့ကိုအားပေးခွင့်ရတော့မယ်လေ။

ကိုကိုက သွေးပူအောင်လှုပ်ရှားပြီးကွင်းထဲကိုဝင်လာသည်။
Jerseyအနီရောင်လေးနဲ့ကျတော့လည်း တစ်မျိုးချောနေပြန်ရော...ရှေ့ဆံပင်တွေဝဲကျမနေအောင်လည်း ဘီးကုပ်အနက်ရောင်နဲ့ပင့်တင်ထားသေး။
​ဘောလုံးကိုရအောင်လုကာ ကွင်းတစ်လျှောက်သယ်လာပြီး ကစားနေတဲ့ကိုကိုက PPအတွက် သိပ်ကိုဆွဲဆောင်မှုရှိတာပဲ...။