٣٠ يوم حياة (مكتملة)

الفصل الحادي عشر(أحداث اليوم العشرون)

اليوم العشرون 20/7/2020

موبايلي بيرن....
انا (بصوت نايم) : الوو
سمر(بتعيط) : ايوا يا سيف الحقني..
انا (مقاطعا) : ايه.. في ايه؟
سمر(بتعيط اكتر): البوليس قبض علي كريم، كنا قاعدين و... (سمر تنهار عياط)
انا: اهدي يا سمر اهدي علشان افهمك.
سمر: كنا قاعدين بنتغدا و فجأه دخلوا اخدوه انا مش عارفه اعمل ايه، يا سيف الحقني.
انا: طيب طيب،انتي فين دلوقتي ؟
سمر: انا في البيت.
انا: جايلك حالا.

(بحاول اتصل بنور بس متوتر و ايدي بتترعش)
انا: الو، انت فين؟
نور: في الشغل، في ايه؟
انا: سمر اتصلت بيا بتقولي أن كريم قبضوا عليه، تعرف حاجه عن الموضوع؟
نور: ايه!! كريم اتقبض عليه!!
انا: اخلص مش وقت اندهاش، تعرف حاجه؟
نور: لا لا معرفش حاجه انا.
انا: طيب انا رايح علي بيت سمر حصلني على هناك.

(وصلت بيت سمر و برن الجرس)
(سمر بتبص من العين السحرية قبل ما تفتح)
سمر: سيف الحمدالله انك جيت بسرعة.
انا: اهدي كده و قوليلي ايه الي حصل علشان اعرف اتصرف.
سمر: قلتلك كنا قاعدين بنأكل و بعدين جه البوليس اخدوه.
انا: ايوا يعني هم جُم لوحدهم كده من غير ما هو يكون عمل حاجه!!
سمر(بتبص في الأرض): معرفش معرفش.
انا: سمر بصيلي، كريم مش بيخبي عليكي حاجه، فلو كريم عمل حاجه ده الوقت المناسب انك تقوليلي علشان اقدر اساعده.
سمر: حاضر،سيف إحنا.. إحنا نفذنا خطة المستشفى.
انا(مستغرب): خطة المستشفى؟!، لا مش واخد بالي!
سمر: خطة المستشفى يا سيف، خطتك الي عملتها علشان نسرق موبايل دكتور باسم.
انا: نفذتوها ازاي يعني؟، ومن غير ما حد يقولي؟
سمر: مهو انا لو كنا قلنالك مكنتش هتوافق.
انا(بعصبية) : فتقوموا تعملوا كده من ورايا و أدى النتيجة، بعدين ثواني ثواني انتي بتقولي احنا نفذنا هو مين انتو دول؟
سمر: انا و مريم و كريم و نور.
انا: ماشي يا نور ليك روقه، طيب عايزك تحكيلي بالتفصيل ايه الي حصل.
سمر(بتعيط عياط خفيف) : حاضر، من كام يوم كريم خلاني اجبله جدول عمليات الأسبوع ده، و جمعنا اول امبارح و قالنا ان انسب معاد للتنفيذ هو بكرا ( اليوم التاسع عشر)، و فعلا جهزنا كل حاجه و كنا واقفين ع باب المستشفى في المعاد و الساعة ١ الضهر بالظبط كانت مريم في الطوارئ بتصرخ من بطنها، وفي الوقت الي كان فيه الناس كلها مشغولة بمريم حتى بتوع الأمن مكانوش مركزين، دخل كريم و نور و هم لابسين كابات المستشفى و خلال عشر دقايق كانوا واخدين الموبايل من الخزنة و خرجوا.

انا: بس كده مفيش تفاصيل دخلوا منين و ازاي اتعاملوا مع الكاميرات؟
سمر: لا معرفش او ماخدتش بالي.
انا: طيب اشمعني كريم هو الي اتمسك مش نور، مع انهم كانوا مع بعض ولو كان في حاجه غلط كان زمانهم اتكشفوا هم الأتنين مش كريم بس؟، اكيد في حاجه غلط.
(بعد دقيقة من التفكير)
سمر: اه افتكرت، كريم وهو خارج كان ماشي بسرعة و باصص في الأرض، فخبط في دكتور كان معدي و الكاب وقع ع الأرض.
انا: تقدري تقوليلي الكلام ده حصل فين بالظبط لما خبط فيه و الكاب وقع؟
سمر: تقريبا عند أول الطرقة الي بتوصل لسلم الدور الثاني.
( بحاول افتكر خريطة المكان و توزيع الكاميرات فيه)
انا(بخيبه أمل): خلاص عرفت المشكلة فين، كان في كاميرا فوق ع اليمين بالظبط قدام كريم في المكان ده، و بما انهم وصلوا لكريم ساعات و هيعرفوا ان الي كان معاه ده نور و هيوصلوله.
انا (بكمل): طيب حد شك انك انتي و مريم ليكم علاقه بالموضوع؟
سمر: لا معتقدش.
(بكلم نور علشان اقوله يستخبي في اي حته)
بتصل : الهاتف المطلوب مغلق او غير متاح.
بتصل : الهاتف المطلوب مغلق او غير متاح.

انا: كريم اتقبض عليه و نور قافل موبايله، اعمل ايه انا دلوقتي يا ربي.
(مريم بتيجي من برا)
مريم (مستغربة) : ايه ده سيف ازيك؟
(انا و سمر بنبصلها بس مش بنرد)
مريم: ايه في ايه؟
سمر: كريم اتقبض عليه.
(مريم بتحضن سمر)
سمر: انا قلت لسيف ع كل حاجه.
(مريم بتبصلي)
مريم: سيف انا اسفة، كانت فكرة كريم و الوقت كان ضيق ملحقناش نقول..
انا مقاطعا: خلاص الي حصل حصل خلونا نفكر هنعمل ايه.
(مريم بتقوم و بتروح تجيب موبايل غريب و بتديهوني)
انا: ايه ده؟
مريم: ده فون دكتور باسم، متقلقش مقفول و متشال منه الشريحة.
انا: وانا مفروض اعمل ايه؟ الموبايل ده اول ما هيتفتح هيتحدد مكانه و في خلال ربع ساعة هتلاقي البوليس علي باب البيت.
انا (بكمل) : هاتيه لحد ما اشوف هعمل بيه ايه، دلوقتي لازم نبعت محامي لكريم.

و بعد ساعة كنت في القسم و معايا الأستاذ كمال كامل للأستشارات القانونية المتكاملة، إسمه يحسسك انه مطلع أغنيه ولكنه محامي شاطر، وطلب انه يقابل كريم علي انفراد.
(المحامي بيكلم كريم)
الأستاذ كمال: بص يا بني انت هتنكر كل حاجه.
كريم: ازاي طيب و الكاميرا الي صورتني؟
الأستاذ كمال: طلاما ملقيوش الموبايل يبقى مفيش قضية، لأنه مفيش حد بيتحبس علشان كان بيمشي في مستشفى.

وفعلا افرجوا عن كريم بضمان محل سكنه.

يتبع..