٣٠ يوم حياة (مكتملة)

الفصل الرابع عشر ( احداث اليوم الثالث و العشرون)

اليوم الثالث و العشرون 23/7/2020

دكتور باسم في اوضه الأمن و الكاميرات، و معاه سماح المساعدة بتاعته

دكتور باسم : هاتلي كده يابني وش الواد الي كان موجود ساعة سرقه موبايلي.
(دكتور باسم بيبص في الصوره و بيطلب انه يخش زووم علي الوش)

دكتور باسم: انا حاسس اني شفت الواد دع قبل كده بس مش عارف فين.

سماح (بمكر): فعلا يا دكتووور وشه مش غريب ابدا ، فيه شبه من خطيب الدكتوره دي الي معانا مش فاكره اسمها ايييه

دكتور باسم (بسرعة) : شبهو ولا هو و بعدين دكتورة مين الي بتتكلمي عليها.

(سماح بهدوء شديد تفتح تيليفونها و تخش علي بروفايل دكتورة سمر و تجيب صورتها مع كريم و توريها للدكتور باسم)

و هنا دكتور باسم بدا يجمع الخيوط و قال

دكتور باسم: هي كده صح ، توقيت السرقة و تحديدا موبايلي من وسط كل المستشفي لازم يكون حد عارفني و عارف نظام المستشفي ، بت يا سماح حسك عينك حد يعرف بالكلام ده الموبايل لازم يرجع بس بطريقتي.

و علي الساعه ١ بعد نص الليل بيجيني تيليفون من والد كريم

والد كريم : الو يا بشمهندس سيف

انا : الو ازيك يا عمي

والد كريم : انا الحمدالله كويس يابني ، بس كريم مش لاقينه

انا : مش لاقينه يعني ايه ياعمي تاه !؟

والد كريم : نزل يجيب طلبات بقالو اربع ساعات مرجعش و بنكلمو موبايلو مغلق انت متعرفش عنه حاجه ؟

انا (بقلق مكتوم) : لا ياعمي لا ،مكلمنيش النهردة بس ان شاء الله خير اكيد راح مشوار هنا ولا هنا و موبايله فصل شحن متقلقش عليه.

والد كريم : طيب يابني لو عرفت اي حاجه طمنا ده امه هتجنن عليه .

انا : حاضر ياعمي حاضر.

و كلمت نور و اتحركنا علي بيت كريم و علي ما واصلنا كان الخبر انتشر و الناس بدات تدور علي كريم في كل حته و بردو موصلناش لحاجه .
مسبناش مستشفي او قسم غير لما دورنا فيهم من غير نتيجة و عشت أطول ليلة في حياتي.

يتبع..