اليوم الواحد و العشرون 26/7/2020
و رحنا فعلا المستشفي انا و مريم، ورغم ان المره دي ناوي اواجه مشاكلي و مش ههرب منها تاني لكن مجرد دخولي للمستشفي رعبني و خلاني عايز امشي.
(مريم بتسمك ايدي): اطمن كلو هيبقي كويس.
و قابلنا الدكتور حسن و بعد ما شاف الأشعات و افتكر الحاله
دكتور حسن: انا مش عارف انت ازاي ساكت علي نفسك كل ده، هنحتاج نعمل شويه اشعات و تحاليل تاني لو تمام نحجزلك بليل و تعمل العملية النهردة.
انا(متفاحئ): النهردة كده علي طول!!
دكتور حسن: يا بشمهندس احنا محتاجين نعمل العملية في اسرع وقت.
مريم(وهي بتبصلي): طيب يا دكتور مفيش مشكله نعملها.
(بنخرج انا و مريم من عند دكتور حسن و بنروح نعمل الأشعات و التحاليل)
وفي كل ده مريم مسابتنيش لحظه و كانت ديما تستغل اي فرصة علشان تخفف عني.
بنرجع تاني نقابل الدكتور بعد ما خلصنا الأشعة و التحاليل
دكتور حسن: بالنسبة للحاله احنا فعلا محتاجين نعمل العملية في اسرع وقت كل ساعه بتمر بتصعب الموضوع، و مفيش مشكلة اننا نعملها النهردة بليل تحاليلك كلها كويسة و مفيش ما يمنع.
انا و مريم بنبص لبعض و مريم تهز راسها مبتسمة موافقة.
انا(بخوف): مفيش مشاكل يا دكتور الي تشوفه.
و لما خرجنا قررت اني اتصل بأهلي اعرفهم و نور و كريم.
و خلال ساعة كان كل العيلة موجودة في المستشفي معايا و امي و ابويا مكانوش مصدقين اني خبيت عنهم طول الفتره دي.
ماما(باكية): بقي كده يا سيف تخبي عليا كل ده!، هنت عليك بقي مش عايز تبقي جمبك في وقت ذي ده؟!
انا: والله ابدا يا امي ده انتي الخير و البركهض بس مكنتش عارف اقول ايه ، انا نفسي مكنتش مصدق، ومرعوب من فكرة اني اكمل حياتي بمضاعفات.
ماما(باكية): لا بعد الشر عليك متقولش كده ان شاء الله هتخف و تبقي ذي الفل.
بابا: كفاية عياط بقي يا ام سيف ان شاء الله هيبقي كويس و نبقي نعاتبو بعدين بعد ما يخف.
(بيخش كريم و نور و بيخرج ابويا و امي)
نور: الف سلامه عليك يا صاحبي، هو انت مالك فيك ايه؟ انا سمعتهم بيقولوا برا كلام كتير مفهمتهوش.
انا: عندي ورم في المخ يا نور.
نور: يا حول الله يارب يعني انت كده بقيت تعبان في مخك يا صاحبي؟! طيب انت فاكرني انا نور ابو التكاتك.
كريم: بس يابني بقي انت مش مدرك اي حاجه كده خالص، الف سلامه عليك يا سيف انا اتكلمت مع الدكتور حسن برا و طمني و قالي ان شاء الله كل حاجه هتبقي كويسه.
انا: عايز اوصيكم علي ابويا وامي دول ملهمش حد غيري ها !
نور: لا يا صاحبي متقولش بعوون الله هتخف و هتبقي قد الدنيا.
كريم: بلاش بقي الكلام ده بقلك الدكتور طمني و كل حاجه هتبقي كويسة.
(بتخش مريم و بيخرج كريم و نور)
انا(بانهيار): انا خايف اوي يا مريم.
مريم(بعيون باكية): متخفش يا حبيبي ان شاء الله هتعدي، صدقني هتعدي . هتعديها علشاني ولا انت مش بتحبني!
انا(بتأثر شديد): انا عمري ما حبيت ولا هحب غيرك.
مريم(بأمل): طيب يبقي هتعدي، هتعدي و هتبقي ذكري نفتكرها العمر كلو.
و بيجي دكتور حسن و بياخدوني ع اوضة العمليات .
يتبع..
أنت تقرأ
٣٠ يوم حياة (مكتملة)
Aventuraرواية باللهجة العاميه المصرية تدور أحداثها حول مهندس محترف في الهاكر و نظم الحماية و يكتشف انه مريض و باقي في حياته ٣٠ يوم فقط (مكتملة)
