အပိုင်း ၄
သူ့ကို မိုးသောက်ကြယ်က နားမလည်နိုင်သလို ကြောင်ပြီး ကြည့်နေလေသည် ။
" တာတာ... ဘာတွေ အော်နေတာလဲ... "
" အာ... ဘာ... ဘာမှ မဟုတ်ဘူး... နေ့လည်က ဖတ်ထားတဲ့ ဝတ္ထု တစ်ပုဒ်ကို စဥ်းစားပြီး ဒေါသထွက်သွားလို့... "
မိုးသောက်ကြယ်က သူ့ကို ကြည့်ပြီး ခေါင်းကုတ်နေလေသည် ။
ခဏနေတော့ မိုးသောက်ကြယ် ကားရပ်ထားသည့် နေရာသို့ ရောက်လာလေသည် ။
' အာ... ကားကြီးက မိုက်လိုက်တာ... '
သူ့ မှတ်ဉာဏ်အရဆိုလျှင် ထိုကားက နေတာရာ့ မွေးနေ့အတွက် မိုးသောက်ကြယ်က ဝယ်ပေးထားခြင်း ဖြစ်ပြီး နေတာရာက ကားမောင်းလိုင်စင် မရသေးသောကြောင့်သာ မမောင်းသေးခြင်း ဖြစ်လေသည် ။
" နောက်တစ်ပတ်ဆို ကားမောင်းလိုင်စင်ရတော့မှာ ... ကိုယ် မင်းကို ဒီရက်ပိုင်းထဲမှာ ကားမောင်း သေချာသင်ပေးပါဦးမယ်... "
ဝတ္ထုထဲက နေတာရာက ဆင်းရဲပြီး တောကလာသူမို့ ကားသေချာ မမောင်းတတ်သော်လည်း ခန့်လင်းအောင် ဆိုသော သူကမူ အရင်ဘဝက ကိုယ့်ကားကိုယ်မောင်း၍ ကျောင်းတက်ခဲ့သူမို့ ကားမောင်းသည်မှာ သူ့အတွက် အေးအေးဆေးဆေးပင် ။
" ရပါတယ် ... ကျွန်တော် မောင်းတတ်ပါတယ်... "
အာ... ။ သူ နမော်နမဲ့နိုင်စွာ ပါးစပ်က လွှတ်ကနဲ ထွက်သွားခြင်း ဖြစ်သည် ။
" မဖြစ်ပါဘူး... မနေ့ကတောင် ကိုယ်နဲ့အတူ ကားမောင်းကျင့်ရင်း သစ်ပင်ကို ဝင်တိုက်မိမလို ဖြစ်သွားတာလေ ... "
အာ... ။ ဝတ္ထုထဲက ဇာတ်ကောင်က ငါ့ကို တော်တော်လေး သောက်ရှက်ခွဲတာပဲ... ။
ကားထဲရောက်တော့ မိုးသောက်ကြယ်က သူ့ကို ခုံတွင် ထိုင်ခိုင်းပြီး ဂရုတစိုက် ထိုင်ခုံခါးပတ် ပတ်ပေးလေသည် ။
ဒီဘဲက ဂရုစိုက်တာတော့ သောက်ရမ်း ဂရုစိုက်တတ်သားပဲဟု သူ တွေးမိလိုက်သည်။
" တာတာ... အဆင်ပြေတာ သေချာရဲ့လား... ကိုယ်တို့ ဆေးရုံသွားကြမလား... "
" ဟမ် ... ကျွန်တော်က ဘာဖြစ်နေလို့လဲ... "
" ဟာ... ခုနကပဲ သေကြောင်းကြံစည်ခဲ့တာလေ ... "
YOU ARE READING
I accidentally became a Villain Prince (Completed)
Paranormalအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...