အပိုင်း ၂၇
ယခုတော့ ဒုတိယအကြိမ် ဇဏ်မင်းမောင် နှင့် သူ တွေ့ဆုံခဲ့သည့် အကြောင်းကို ရှင်းပြစရာပင် မလိုတော့ ။
ကောင်းလိုက်တာ... အေးရောပဲ ။
အပိုဆောင်း အနေနှင့် အင်္ကျီ ကြယ်သီးပြုတ်ရသည့် ကိစ္စပါ သိသွားရသေးသည် ။
" ဘေးနားမှာ မိုးသောက်ကြယ် ရှိနေတာလား... "
ဇဏ်မင်းမောင် ဘက်က မေးလာသော စကားဖြစ်သည် ။
မိုးသောက်ကြယ်က ဖုန်းကို ယူပြီး စတင် အော်ဟစ်ပြောဆိုလာတော့သည် ။
" အေး... ဟုတ်တယ်... ငါ မိုးသောက်ကြယ်... နေတာရာရဲ့ ယောကျ်ားပဲ... ငါ့အိမ်ထောင်ဘက်ကို ငါ့နောက်ကွယ်မှာ ခဏခဏ ခိုးတွေ့နေတဲ့ ကြာကူလီကောင်ရဲ့... "
" ဦးမိုးသောက်ကြယ်... စိတ်အေးအေးထားပါဦး... "
ဇဏ်မင်းမောင် က ရှင်းပြဖို့ ကြိုးစားနေလေသည် ။
" မင်းသာ ငါ့နေရာမှာ ဆိုရင်ကော စိတ်အေးအေး ထားနိုင်ပါ့မလား... "
" ကျွန်တော်တို့က ရိုးရိုးသားသား ဆုံခဲ့တာပါ ... "
" ခင်ဗျားပြောသလို ရိုးရိုးသားသားပဲ ဆိုရင် သူ့အင်္ကျီက ကြယ်သီးက ဘာလို့ ပြုတ်သွားရတာလဲ... ဖြေလေ... "
" အဲ့... အဲ့တာက... ကျွန်တော်လည်း မမှတ်မိတော့ဘူး... "
တကယ်လည်း ထိုနေ့က ဇဏ်မင်းမောင် က အဖျားအရှိန်နှင့် ကယောင်ကတမ်း ဖြစ်နေသောကြောင့် မမှတ်မိတော့ပေ ။
သို့သော် ထိုအဖြေက မိုးသောက်ကြယ် ၏ ဒေါသကို အဆုံးစွန်ထိ ဆွလိုက်သလို ဖြစ်သွားလေသည် ။
" ချီးကို မမှတ်မိတာလား... ဦးဇဏ်မင်းမောင်... ခင်ဗျားတို့ Royal Jade နဲ့ ပူးပေါင်းသမျှ ကိစ္စ အားလုံးကို ကျုပ်တို့ Star Trading ဘက်ကနေ ဖျက်သိမ်းတယ်... ခင်ဗျားလို စာရိတ္တ မကောင်းတဲ့ သူနဲ့ အလုပ်တွဲလုပ်ဖို့ မဖြစ်နိုင်တော့ဘူး... "
" ခဏ... ခဏလေးပါ ဦးမိုးသောက်ကြယ်... "
ဇဏ်မင်းမောင်၏ အသံက တွန့်ဆုတ်စွာ ဖုန်းထဲက ထွက်လာသည် ။
မိုးသောက်ကြယ် စိတ်မရှည်ချင်တော့ ။
" ပြော... ခင်ဗျား ဘာပြောဦးမလို့လဲ... "
" ခင်ဗျား ကျွန်တော့်ကို မယုံရင်တောင် နေတာရာ့ကိုတော့ ယုံကြည်ပေးလိုက်ပါ... သူက ခင်ဗျား အနားမှာ နေချင်လို့ တခြား အခွင့် အရေးတွေကိုပါ လက်လွှတ်ခဲ့တဲ့သူပါ... အဲ့ဒါကြောင့် ကျေးဇူးပြုပြီး သူ့အပေါ်တော့ ကောင်းပေးပါ... "
أنت تقرأ
I accidentally became a Villain Prince (Completed)
خارق للطبيعةအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...
