အပိုင်း ၅၄
သူ အသိစိတ်ပြန်ဝင်လာချိန်တွင် သူ့အား ဖမ်းချုပ်ထားပြီး ဖြစ်နေပြီး သူ့အရှေ့တွင် မင်းလွင်နှင့် အတူ သေနတ်ကိုင်ထားသော လူကြီးတစ်ယောက်က ရပ်နေလေသည် ။
ထိုလူကြီးက သူ့ကို မကျေမချမ်း အမူအရာဖြင့် ကြည့်လာပြီး ပြောလာလေသည် ။" မင်းက ဇဏ်မင်းမောင် ဆိုတဲ့ ခွေးကောင်ရဲ့ တိတ်တိတ်ပုန်းရည်းစား မဟုတ်လား... "
သူ့ကိုကော ကိုဇဏ့်ကိုပါ မုန်းတီးစွာ တိုက်ခိုက်လာသည်မို့ သူ ဘာမှ ပြန်မဖြေဘဲ ငြိမ်နေလိုက်သည် ။
ထိုလူကြီးက သူ့ပါးကို ဖြောင်းကနဲ တစ်ချက် ချလာလေသည် ။" ငါ မေးနေရင် ဖြေလေ... မင်း ပါးစပ်က အ နေတာလား... "
သူ ထိုလူကြီးကို မကျေမချမ်း ပြန်ကြည့်လိုက်ပြီး ပြန်မေးလိုက်သည် ။
" ခင်ဗျားက ဘယ်သူမို့လို့ ကျွန်တော့်ကို စစ်လားမေးလား လုပ်နေရတာတုန်း... "
" ငါ ဘယ်သူလဲ... ဟုတ်လား.... ဟားဟားဟားဟား... "
သူ့မေးခွန်းတွင် ရယ်စရာ မပါဘဲ ရယ်နေသော ထိုလူကြီးကို ကြည့်ပြီး ကျပ်ကော ပြည့်ရဲ့လားဟု သူ တွေးလိုက်မိသည် ။
နာမည်မေးတာကို တဟာဟားနဲ့ ရယ်နေရအောင် ဧကန္တ အဲ့လူကြီးက သူ့နာမည်သူ မမှတ်မိလို့များ ပြန်စဥ်းစားနေတာများလား ။" ငါက ဗိုလ်လက်ယာပဲကွ... "
သြော်... သူ ထင်ထားသည့် အတိုင်းပါပဲလား ။
ဒီလို အိမ်ထဲအထိ ဝင်စီးရဲသည် ဆိုမှတော့ ဗိုလ်လက်ယာတို့ အုပ်စုပဲ နေမှာပေါ့ဟု သူ တွက်ထားပြီးသား ဖြစ်သည် ။
လူမှားပြီး ကျိန်ဆဲမိမှာ စိုးသောကြောင့်သာ နာမည်ကို သေချာအောင် မေးလိုက်ရခြင်းဖြစ်သည် ။အခုတော့ သူ ကျိန်ဆဲပြီလေ ။
ဗိုလ်လက်ယာ မြေနိုးကောင်ကြီး ။ ခွေးဒေါင်းဇားကြီး ။ ကိုယ်မြေကိုယ်ခိုး ကောင်ကြီး ။
ပါးစပ်ကတော့ မကျိန်ဆဲရဲ... ခုနကလို တစ်ချက် ထပ်အရိုက်ခံရမည် စိုးသောကြောင့် စိတ်ထဲကသာ ကျိန်ဆဲလိုက်ရခြင်း ဖြစ်သည် ။" ခုနက မေးနေတာ ဖြေလေ... မင်းက ဟိုခွေးကောင်ရဲ့ တိတ်တိတ်ပုန်းမယားငယ် မဟုတ်လား... "
YOU ARE READING
I accidentally became a Villain Prince (Completed)
על-טבעיအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...