အပိုင်း ၅၁
သူ အိမ်ပြန်သည့် လမ်းတစ်လျှောက် စကားတစ်ခွန်းမှ မပြောဖြစ်ဘဲ တိတ်ဆိတ်နေခဲ့သည် ။
အနောက်ခန်းတွင် လှဲအိပ်ပြီး လိုက်လာသော Eric ကတော့ သူ၏ မဟာ စွန့်စားခန်းများကို ကိုဇဏ့်ကို အာပေါင်အာရင်းသန်သန် ပြောပြနေလေသည် ။
ကိုဇဏ်က ကားမောင်းရင်း နားထောင်ရင်းနှင့် နားငြီးပြီး ခေါင်းတွေ မူးလာပုံရသည် ။
" Eric... ဒါနဲ့ မင်း ငါ့ကို ဟိုရက်ကတည်းက စကားမပြောဘူး မဟုတ်လား... "
Eric က ကိုဇဏ် သတိပေးလိုက်မှ ကိုဇဏ်နှင့် သူ့ပြဿနာကို ပြန်သတိရသွားပုံပေါ်ပြီး ချက်ချင်း တိတ်သွားလေသည် ။
" အာ... ဟုတ်တယ်... ဦးဇဏ်နဲ့ စကားမပြောဘူး... မေ့သွားတာ မေ့သွားတာ... "
ပြောပြီးသည်နှင့် Eric က သူ့ပါးစပ်ကိုသူ တိတ်နှင့်ကပ်သည့်ပုံ လုပ်ပြပြီး စကားလုံးဝ မပြောတော့ပေ ။
ကိုဇဏ်က ကားနောက်ကြည့်မှန်မှ Eric ကို လှမ်းကြည့်ရင်း တဟားဟား ရယ်နေလေသည် ။
" မဟုတ်ပါဘူး... မင်းရဲ့ စကားများတဲ့ပုံကို မတွေ့ရတာ သုံးလေးရက်လောက် ရှိသွားတော့ ငါလည်း ပျင်းနေတာ... အခုမှပဲ အပျင်းပြေသွားတော့တယ်လို့ ပြောမလို့ပါ.... "
" ဘာမှ လာရောမနေနဲ့... စကားမပြောဘူးဆို မပြောတော့ပါဘူးနော်... "
" တကယ်စကားမပြောဘူးလား.... "
" မပြောဘူး... "
" တကယ်မပြောတော့ဘူးပေါ့နော်... "
" မပြောတော့ဘူးလို့ဆိုနေ ... "
ကိုဇဏ်က ကားမောင်းရင်း ရယ်နေလေတော့သည် ။
" မင်း စကားမပြောတော့ဘူးလို့ ပြောပြီးချိန်ကနေ ခုထိ ပြောနေတာ သုံးခွန်းရှိသွားပြီ... "
" စကားမပြောဘူးဘဲ ပြောတာလေ... မေးရင်တော့ ပြန်ဖြေရမှာပေါ့... ထမင်းကျွေးထားတဲ့ အလုပ်ရှင်ပဲကိုး... "
" ဟဟ ... ပြန်ဖြေပေးလို့ ကျေးဇူးတင်လိုက်တာဗျာ... "
ကိုဇဏ်က ကားအနောက်ကြည့်မှန်မှ Eric ကို ကြည့်ရင်း ဆက်ရယ်နေလေသည် ။
" အခု အနောက်ကို ထပ်မကြည့်နဲ့တော့... ကျွန်တော် ရုပ်ဆိုးနေတယ် ... "
ESTÁS LEYENDO
I accidentally became a Villain Prince (Completed)
Paranormalအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...
