အပိုင်း ၅
" အာ... ကျွန်တော် ရုတ်တရက်ကြီး ပင်ပန်းလာလို့ ... ကိုကို... ကျွန်တော် ကားထဲ သွားပြန်နားချင်တယ် ... "
" ဟင်... တာတာ... ဘယ်လို ဖြစ်တာလဲ... "
ကျေးဇူးပြုပြီး အရစ်မရှည်စမ်းပါနဲ့ ငလူးကောင်ရယ် ။
ငါ စောစောစီးစီး ဝတ္ထုထဲမှာ မသေချင်သေးလို့ပါ ။" နေ့လည်က အပြင်မှာ နေအရမ်းပူလို့ ပင်ပန်းသွားတာ ထင်တယ်... "
" ဘာလဲ... ကိုယ့်အမေက တာတာ့ကို ပင်ပင်ပန်းပန်းတွေ ခိုင်းလိုက်သေးတာလား... "
အမလေး... ။
အရေးထဲ မြေမျိုမယ့် မွေးရကျိုးနပ်တဲ့ သားလိမ္မာလေးနဲ့မှ လာတွေ့နေရတယ်လို့.. ။" မဟုတ်ပါဘူး... ကျွန်တော့်ဘာသာ ပင်ပန်းနေတာပါ ... ကိုကို... ကျွန်တော် ကားထဲ သွားပြန်နားလိုက်ဦးမယ် ... "
" ကိုယ် လိုက်ပို့ပေးမယ်လေ... "
" ရတယ်... ကားထဲလောက်ကတော့ ကိုယ့်ဘာသာကိုယ် သွားနိုင်ပါတယ်... ဟိုဦးလေးက နေ့လည်ထဲက စောင့်နေရတာမလား... အားနာစရာ... "
" ဝေ့ ... ဥက္ကဋ္ဌလေး မိုးသောက်ကြယ်... "
ရုတ်တရက် ဦးသူရိန်ရာဇာက မိုးသောက်ကြယ်ကို တွေ့ပြီး နှုတ်ဆက်ဖို့ ဒီဘက်ကို လျှောက်လာလေသည် ။
" ကျွန်တော် သွားတော့မယ်နော် ... ကိုကို... သူနဲ့ စကားပြောပြီး နေနှင့်လိုက်တော့... ကျွန်တော် ကားထဲ သွားပြီ... "
သူ မြန်မြန်လေး မိုးသောက်ကြယ်ဆီမှ သော့ယူ၍ တစ်ဖက်လှည့်ပြီး ထိုနေရာမှ ပြေးလာခဲ့လိုက်သည် ။
အား ။
ကားထဲပဲ အချိန်ဆွဲပြီး သွားထိုင်နေရမှာပဲ... ။
မတတ်နိုင်ဘူး ။" အဲ့တာ ဥက္ကဋ္ဌ ရဲ့ အိမ်ထောင်ဖက် မောင်နေတာရာ ဆိုတာလား... "
" ဟုတ်ပါတယ် ... "
" အော်... နှုတ်တောင် မနှုတ်ဆက်လိုက်ရဘူးဗျာ... "
" သူ နေသိပ်မကောင်းလို့ နားချင်နေတယ် ဆိုလို့ပါ... "
အနောက်က ကြားနေသော အသံများကြောင့် သူ ရင်တွေပင် တုန်လာသည် ။
YOU ARE READING
I accidentally became a Villain Prince (Completed)
Paranormalအလွန်အဆဲသန်ပြီး wattpad ဖတ်တိုင်း ဇာတ်ကောင်များကို အချိုးမပြေလျှင် မဟားတရား ဆဲတတ်သော ကောင်လေးတစ်ယောက် သူ ပိုးစိုးပက်စက် ဆဲခဲ့သည့် ဗီလိန်မြေခွေးကောင်အဖြစ် ထိုဝတ္ထုထဲသို့ ရောက်သွားသောအခါ... Total 59 Chapters + Extra 20 Chapters အလြန္အဆဲသန္ၿပီး wattpa...