Unicode;
"Jeon Jimin.. သခင်လေး Jeon Jimin"
ခြံဝန်းလေးရှေ့က အော်သံကြောင့် Jeon မိဖုရားမနိူးခင် Jimin အမြန်ပြေးထွက်လာခဲ့သည်။ ရပ်ကွက်ထဲက Jimin နဲ့ လက်တိုလက်တောင်း ခိုင်းနေကျ ရင်းနှီးတဲ့ အမျိုးသမီးငယ်လေးမို့ Jimin ခါးထောက်ကာ ရန်တွေ့လိုက်သည်။
"ညကြီး အချိန်မတော် ဘာလို့ လာအော်နေတာလဲ အမေနိူးလိမ့်မယ်.. ဘာလဲ နင့်ယောက်ျား ဖောက်ပြန်နေလို့လား"
"ကျွန်မယောက်ျား ဖောက်ပြန်ရင် သခင်လေးကို လာပြောပါ့မလားလို့"
သာမန်ဆင်းရဲသား ရပ်ကွက်လေးထဲမှာပေမယ့် Jungkook ရဲ့ စီးပွါးရေး ကောင်းမွန်လာမှုကြောင့်ရော Jimin ရဲ့ နောက်ခံ မိသားစုကြောင့်ပါ သခင်လေး အမည်ခံ နေရသေးသည်။ ဒါတောင် ဟော့ဒီကောင်လေးက ဘုရင့်ယောက်ဖဆိုတာ မသိကြသေး..။
"ဒါဆို နင်ဖောက်ပြန်မလို့လား"
"အာ.. ဘယ်ကသာ ဒီနေ့မြို့တော်ထဲမှာ ပွဲဈေးရှိတယ်လေ"
"အဲ့တော့ ဘာဖြစ်လဲ.. သိတယ်လေ ငါ သိလို့ Jungkook ကိုတောင် ပေါက်စီ မှာလိုက်သေး"
"အော်.. သခင်လေးရယ် စကားဆုံးအောင် နားထောင်ပါဦး"
ထိုကောင်မလေးစကားကြောင့် Jimin စိတ်မရှည်သလို မျက်မှောင်ကြုံ ကြည့်လိုက်မိသည်။ ထိုကောင်မလေးက Jimin တို့ ခြံဝန်းလေးထဲက ကွစ်ပျစ်လေး အပေါ် အားရပါးရ ထိုင်လိုက်ပြီးမှ
"ကျွန်မ အိမ်က ညီမလေးနဲ့ ခုန ပွဲဈေးသွားခဲ့တာ.."
"အဲ့တော့ လာကြွားတယ် ဆိုပါတော့"
"ကျို့.. မဟုတ်ရပါဘူး သခင်လေးရယ် အဲ့ပွဲဈေး အကျော်နားက နာမည်ကြီး ဆောင်ကြာမြိုင်မှာ ဘယ်သူ့ကို တွေ့ခဲ့တယ်ထင်လဲ"
"နင့်ယောက်ျားလား"
Jimin စိုးရိမ်သလို မေးလိုက်သည်ကို ထို အမျိုးသမီးငယ်က ဖြေးဖြေးချင်း ခေါင်းခါရမ်းလိုက်လေသည်။ ထိုမှ Jimin မျက်လုံးတို့ ပြူးကျယ်သွားလေသည်။
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
