Unicode;
"မင်း နာမည် Jimin လား"
ထင်ထားသလို ဒေါသကြီးမနေပဲ အေးအေးချမ်းချမ်း မေးလာတဲ့ Jungkook အမေးကြောင့် Jimin အံ့ဩသွားသည်။
"ဗျာ.. ဟုတ်ပါတယ်"
"ဘယ်လို သတ္တိမျိုးနဲ့ နန်းတော်ကို လိမ်ရဲရတာလား"
Jungkook အမေးကို Jimin က ဘာမှ ပြန်မဖြေပဲ ငြိမ်သက်နေလေသည်။ Jungkook ကတော့ Jimin မျက်နှာကို ငေးရင်း အဖြေကို စောင့်နေမိသည်။ မက်မွန်သီးရောင် နှုတ်ခမ်းဖူးဖူး လေးမှာ တွဲလောင်းခိုနေတဲ့ ငွေရောင် ရေစက်လေးတွေ.. ရေစိုနေတဲ့ မက်မွန်းသီးလေးလို့ တင်စားချင်မိရဲ့..။ နဖူးကနေ စီးကျလာတဲ့ ရေစက်လေးတွေက ပါးဖောင်းဖောင်းလေးတွေအပေါ် ရောက်တော့ ပြေးလွှားကစားနေသယောင်..။ ရူးသွပ်ဖို့ ကောင်းလောက်အောင် လှလိုက်တာ အသေးလေးရယ်..။ ပါးဖောင်းဖောင်းလေးတွေအပေါ် ဖြတ်ပြေးသွားတဲ့ရေစက် လေးတွေရဲ့ နောက်မှတ်တိုင်က အဖြူရောင် လည်တိုင်လေး..။ ထိုလည်တိုင်နားကနေ ရေစက်လေးတွေကို အသေးလေးက လက်ဖောင်းဖောင်းလေးတွေနဲ့ ဖယ်သုတ်လိုက်ရာ ရေစက်လေးဘဝ အစအနပျောက်သွားတော့သည်။ ကဗျာဆန်လောက်အောင် လှတယ်ပြောရင် လွန်ကျူးတယ် ထင်မလား...။ စူးစူးကြီး ငေးကြည့်နေတဲ့ Jungkook ကြောင့် Jimin နေရခက်လာတော့သည်။ အဟင့်.. အမေရေ.. မင်းသားက ကျားမမရွေးတဲ့ နှစ်သီးစား နှာဗူးအကြီးစားကြီး.. သားတော့ ဘဝပျက်ပါပြီ..။
"ဟိုလေ အင်္ကျီဝတ်ပြီးမှ ဖြေလို့ရမလား"
Jimin စကားသံကြားမှ Jungkook ကိုယ့်ကိုကိုယ် ထိန်းလိုက်ရသည်။ တော်တော်ကြာကြာ ငေးမိသွားတယ် ထင်ပါရဲ့..။ Jeon Jungkook ရေ.. မင်း ဘယ်လိုဖြစ်နေတာလဲ.. Seokjin Hyung က လွဲရင် ဘယ်သူ့ကိုမှ စိတ်မဝင်စားတော့ဘူး ထင်နေတာ ဒီအသေးလေးနဲ့မှ သိက္ခာမဲ့ စိုက်ကြည့်စရာလား.. အသိစိတ်နဲ့ ထိန်းပါဦး..။ Jimin က ရေကန်ထဲကနေ ဘေးအဆောင်ထဲ တက်ကာ ဝတ်ရုံတစ်ခု ကောက်ဝတ်လိုက်သည်။ ပြီးမှ ရေထဲ ပြန်ဆင်းပြီး Jungkook နဲ့ ခပ်ဝေးဝေးတွင်ပဲ ထိုင်လိုက်သည်။
"ကျွန်တော် Park Jimin ပါ"
"သိတယ်.. မင်း သူငယ်ချင်း ခေါ်လိုက်တာ ကြားတယ်"
အော်.. ဟိုမျောက်ကြောင့်ကိုး.. လို့ Jimin တွေးလိုက်မိတာနဲ့ Taehyung ကို မေတ္တာပို့လိုက်မိသည်။
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
