Unicode;
"အိမ်.. အိမ်ရှေ့စံ"
Jungkook ရဲ့ နောက်လိုက် ကိုယ်ရံတော် အထိန်းတော်တွေ ပါ ရောက်နေကြတာမို့ အကုန်လုံးနဲ့အတူ Haeyeon ရော Jeon မိဖုရားပါ အံ့ဩသွားသည်။ မနက်စောစော Jeon မိဖုရားနဲ့ Haeyeon မင်းသမီးကို တွေ့လိုက်ရတာကြောင့် Jungkook ရဲ့ ကြည်နူးနေတဲ့ စိတ်လေးတွေ ပျောက်ရှကုန်သည်။ သက်ပြင်းဆွဲချရင်း
"ဟင်း..... မယ်မယ် နဲ့ Haeyeon မင်းသမီးက Jeon မင်းသမီး နန်းဆောင်ကို ဘာလာလုပ်တာပါသလဲ"
"အိမ်ရှေ့စံ.. မင်းကရော ဘာ.. ဘာလို့ သူ့နန်းဆောင်ထဲကနေ အတွင်းဝတ် တမျိုးထဲနဲ့ ထွက်လာတာလဲ"Jeon မိဖုရား အသံက ဒေါသသံပါနေသည်။ Jungkook က တည်ငြိမ်တဲ့ အသံဖြင့်
"ကျွန်တော့် ကြင်ယာတော် အိပ်နေတာမို့ မယ်မယ် အသံကျယ်ကျယ် မပြောရင် ကောင်းမှာပဲ"
Jungkook စကားကြောင့် Haeyeon မင်းသမီး ငိုချင်းချပါတော့သည်။ Jeon မိဖုရား လည်း ပိုစိတ်တိုလာသည်။ ဒီကလေး.. Haeyeon ရှေ့မို့ တမင်လုပ်နေတာလား မသိ။
"အဝတ်အစား လဲပြီး ငါ့ နန်းဆောင်လိုက်ခဲ့"
ဒေါနဲ့မောနဲ့ ထွက်သွားတဲ့ Jeon မိဖုရားကို လှမ်းငေးရင်း Jungkook စိတ်ညစ်မိသည်။ ရက် ၃၀ အမြန်ပြည့်ပြီး ဒီအရှုပ်ထဲက အမြန် ရှုန်းထွက်ချင်မိသည်။ နန်းဆောင် ပြန်ကာ အဝတ်အစားလဲပြီး Jeon မိဖုရားဆီ ထွက်လာခဲ့တော့သည်။
"ရောက်ပါပြီ"
"မင်း က ဘယ်လိုဖြစ်ပြီး အဲ့မိန်းကလေး နန်းဆောင်ထဲက ထွက်လာတာလဲ"နန်းဆောင်ထဲ ရောက်တာနဲ့ ဒေါနဲ့မာန်နဲ့ အော်လိုက်တဲ့ Jeon မိဖုရား အော်သံကို Jungkook က ဂရုမစိုက်သလို အရင်ထိုင်ပြီး လက်ဖက်ရည်ကြမ်းငှဲ့ရင်း
"ကျွန်တော့်ကြင်ယာတော် အဆောင်ကနေ ကျွန်တော် ညအိပ်ပြီး ထွက်လာတာလေ အဲ့ဒါ အမှားပါလို့လား"
Jungkook စကားကြောင့် Jeon မိဖုရား အံ့အားသင့်သွားသည်။ အစကတော့ Haeyeon မင်းသမီးရှေ့မို့ တမင်ပြောတယ် ထင်ခဲ့ပေမယ့် ခုလို နှစ်ယောက်ထဲ ရှိတဲ့ အချိန်တောင် ပြောတာက Jeon မိဖုရားကို အံ့ဩစေသည်။
"မင်းတကယ် ဘယ်လိုဖြစ်နေတာလဲ မင်းက ယောကျ်ားလေးတွေပဲ စိတ်ဝင်စားတာ မဟုတ်လား"
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...