Unicode;
တိတ်ဆိတ် ငြိမ်သက်နေတဲ့ ဘုရားကျောင်းဝန်းထဲ ဆည်းလည်းသံ သေးသေးလေးက လွဲရင် တခြား ဘာသံမှ မကြားရပေ။ Jimin တစ်ယောက် ဘုရားဝတ်ပြုရင်း Jungkook ကို ပြစ်ဒဏ်ပေါ့လျော့စေဖို့ မေတ္တာပို့သနေမိပြန်သည်။ တကယ်ပါ အခုချိန်မှာ Jungkook ပြန်ချစ်တာ မချစ်တာ ထက် Jungkook ကို အသက်ရှင်နေစေချင်သေးတာက အဓိကမလား။ ဘုရားဝတ်ပြုပြီး တံမြက်စည်းအကြမ်းရှည်ကို ဆွဲကိုင်ကာ ဘုရားဝန်းထဲ တံမြက်စည်း လှဲရင်း ကုသိုလ်ယူလိုက်သည်။ Jungkook နဲ့ မီးပုံးလွှတ်ခဲ့တဲ့ နေရာရောက်တော့ တချက် ရပ်တန့်သွားမိသည်။ ခေါင်းခါလိုက်ကာ စိတ်ကိုထိန်းရင်း တံမြက်စည်း လှဲနေမိသည်။
"Ya... Park Jimin!!"
အသံလာရာ ကြည့်လိုက်တော့ Taehyung ဖြစ်နေတာကြောင့် တံမြက်စည်းဆက်လှဲနေလိုက်သည်။ Taehyung ကတော့ သူ့ဆီပြေးလာရင်း
"မင်းကလည်း ရှာလိုက်ရတာ.. မောလို့ မင်းအမေကို သွားမေးမှ တောင်ပေါ်က ဘုန်းကြီးကျောင်းဆိုလို့ လိုက်လာတာ.. ဟူး.. မောလိုက်တာ"
"စကားတိုးတိုးပြောစမ်းပါကွာ ဘုန်းဘုန်းတွေ ဘုရားဝတ်ပြုနေတယ်"
Taehyung ကို ဆူလိုက်ပြီး Jimin တံမြက်စည်းသာ ဆက်လှဲနေလိုက်သည်။ Taehyung က သူ့ဘာသူ ရေခပ်သောက်ပြီး အမောဖြေနေရင်း
"မင်း အမေက ပြောတယ် ဒီရက်ပိုင်း ဘုန်းကြီးကျောင်းပဲ သွားနေတာတဲ့.."
"ဘာဖြစ်လဲ ငါ့ဘာသာ နောက်ဘဝအတွက် ရိက္ခာ ကုသိုလ်ယူနေတာ"
ဘုန်းကြီးကျောင်းလာ ဧည့်သည်တွေကို ကျွေးတဲ့ ဆန်မုန့်ဗန်းလေးထဲက ဆန့်မုန့်ကို Taehyung က စိမ်ပြေနပြေ နှိုက်စားပြီး
"ဘာလဲ.. မင်း သာသနာ့ဘောင် ဝင်တော့မလို့လား"
Jimin မျက်စောင်းလှမ်းထိုးလိုက်တော့ Taehyung က အော်ရယ်ရင်း
"ဟုတ်ပါတယ်လေ စိတ်က လက်တစ်ဆစ်နဲ့ ဘယ်လိုလုပ် တရားဘောင်က မင်းကို လက်ခံမှာလဲ"
"Ya Kim Taehyung မင်း ငါ့ဆီလာတာ နှောင့်ယှက်ဖို့လား"
"ဟီး သူငယ်ချင်းလေးကလည်း စတာကို"
Taehyung အပြုံးတွေကို Jimin မျက်စောင်းထိုးမိသည်။ တံမြက်စည်းလှဲတာကိုပဲ အာရုံပြန်စိုက်လိုက်တော့ Taehyung က
VOCÊ ESTÁ LENDO
The Imperial Fake
Fanfic(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
