Unicode;
"သားလေး ဘာတွေ ငိုင်နေတာလဲ"
အမေဖြစ်သူ အသံကြားမှာ Jimin အသိဝင်လာသည်။ ဟန်ဆောင်ပြုံးလိုက်ပြီး ခေါင်းခါပြလိုက်သည်။
"ဘာမှ မဟုတ်ပါဘူး.."
"သားအဖေ လိမ္မော်သီးတွေ ရလာလို့ Kim အမတ်တို့အိမ် သွားပေးရင်း ပေးလိုက်ဦး Taehyung နဲ့ Seokjin တို့က သား နန်းတော်ထဲမှာ နေတုန်းက ကူညီပေးခဲ့တာမလား"
အရာအားလုံးက ပုံမှန်ပြန်ဖြစ်သွားသည်။ သို့သော် Jimin နှလုံးသားတော့ မပါခဲ့။ ထိုညက Yoongi Hyung နောက်လိုက်လာပြီး အမေဖြစ်သူနဲ့ နောက်ရက်မနက် အိမ်တော် ပြန်လာခဲ့သည်။ အဖေကလည်း ငိုပြီး တောင်းပန်လို့ အမေနဲ့ အဖေလည်း ပြန်အဆင်ပြေသွားကြသည်။ နန်းတော်ထဲက ထွက်လာတာ တစ်ပတ်တောင် ရှိနေပြီ နှလုံးသားက နေသားမကျသေး..။
"အင်းပါ သွားပေးလိုက်ပါ့မယ်"
လိမ္မော်သီးခြင်းလေးကို ဆွဲလာခဲ့ပြီး ကိုင်နေကျ မိုးပြာရောင် ငှက်မွေးယပ်တောင်လေးပါ မဖြစ်မနေ ယူဆောင်လာခဲ့သည်။ ယောကျ်ားလေး တစ်ယောက်အဖြစ် ရဲရဲ ဝံ့ဝံ့ မရပ်ခဲ့တာ တစ်လနီးပါး ရှိခဲ့တယ် မဟုတ်လား။ Kim အိမ်တော်ရှေ့ရောက်တော့ Kim အမတ်ကတော်က အပြုံးလေးနဲ့
"Aigoo.. Jimin လေးပဲ ပျောက်နေတာတောင် ကြာပြီ ဘယ်တွေရောက်နေလဲ"
"ဟီး မိသားစုကိစ္စကြောင့် အမေနဲ့ အိမ်က ထွက်သွားလို့ မလာဖြစ်တာ"
"Ya.. ဘာလာလုပ်တာလဲ"
Taehyung အသံကြားတာနဲ့ Jimin က နှုတ်ခမ်းစူပြီး Kim အမတ်ကတော်ဘက် လှည့်ကာ
"သူ့ကြောင့် မလာတာလည်းပါတယ် ချစ်သူ... အု...အု"
Taehyung အမြန်ပြေးလာကာ Jimin ပါးစပ်ကို လက်ဖြင့်ပိတ်လိုက်သည်။ Jimin က Taehyung လက်ကို ပြန်ဖယ်ပြီး
"အဒေါ်တို့အတွက် လိမ္မော်သီးလာပေးတာပါ အဖေက လက်ဆောင်အနေနဲ့ ရလာလို့"
"အိုး.. တကယ်လား ကျေးဇူးပါ Jimin လေးရေ Taehyung နဲ့ ဆော့ပြီးမှ ပြန်နော်"
Kim အမတ်ကတော် ထွက်သွားမှ Taehyung က စိတ်ဆိုးနေတဲ့ ဟန်ဖြင့်
"ဟွန်း အမေကလည်း ငါ့တို့ကို ခုထိ ကလေးထင်နေလား မသိဘူး ဆော့ပြီးမှ ပြန်တဲ့"
"ဟား..ဟား.. မင်းအမေက မင်းကို အများကြီး ချစ်လို့နေမှာပေါ့ကွ"
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
