Unicode;
"မင်း.. တကယ် မထင်ရဘူး တော်တော်ဆိုးတဲ့ကလေးပဲ"
Jungkook စကားကြောင့် Jimin ရဲ့ ပေစောင်းစောင်း အကြည့်တစ်ချက် Jungkook ဆီ ခုန်ပျံဆင်းသက်လာသည်။
"ဘာကိုလဲ"
မကျေနပ်သလို ဆောင့်အောင့်ပြီး မေးတဲ့ မေးခွန်းကို Jungkook ရယ်လိုက်မိသည်။
"ဘာကို ဘာကိုလဲရမှာလဲ ခုနက ခင်ဗျားလေး လူကြီးတွေကို တစ်ခွန်းမခံ ပြန်ပြောနေတာ ကြည့်ပါ့လား"
"အဲ့ဒါ ကျွန်တော်က Jungkook ကို ချစ်တာကိုး"
Jungkook ထပ်ရယ် မိသည်။ Jimin က မျက်စောင်းထိုးပြီး
"ခင်ဗျားကျတော့ရော ကျွန်တော့်အဖေကို Jimin ကို ပေးပါ ဆိုတာ ဘာလဲ.. လူကြီးကို စကားပြောတာလည်း အမိန့်ဆန်လိုက်တာ"
"ဒါကတော့ ကျုပ်လည်း ခင်ဗျားလေးကို ချစ်လို့ကိုး"
Jimin လည်း ကျေနပ်သွားသလို ပြုံးရင်း Jungkook ရင်ခွင်ထဲ တိုးလိုက်သည်။ Jungkook က Jimin ခေါင်းလေးကို ငုံနမ်းပြီး
"အမှန်တိုင်း ဝန်ခံရရင် အစက မင်းကို ချစ်ဖို့ စိုးရွံ့နေမိတယ်.. အိမ်ရှေ့စံ မဟုတ်တော့တဲ့ သာမန်ကောင်လေး တစ်ယောက်ကို မင်းအိမ်က ဒီလို တန်ဖိုးရှိတဲ့ အရာ ပေးပါ့မလားဆိုတာရော အခြေအနေတွေက အရင်ကနဲ့ မတူတော့တာကြောင့်ရော တကယ် စိုးရွံ့နေခဲ့မိတာ.. ဒါပေမယ့် ခုနက အချိန် ခဏလေး အတွင်းမှာ ကိုယ် ခံစားမိသွားတယ်"
"ဘာကိုလဲ"
"အချစ်ဆိုတာကိုပေါ့.."
Jimin က ရယ်ရင်း
"ဘာပါလိမ့်လို့"
"တကယ်ပြောတာ.. ဟော့ဒီ အသေးလေးက ကျုပ်ရှေ့မားမားမတ်မတ်ရပ်ပြီး ကျုပ်အတွက်နဲ့ တစ်အိမ်လုံးကို တော်လှန်နေတာလေ.."
Jungkook စကားကို Jimin က နှုတ်ခမ်းလေးစူရင်း
"အခု ကျွန်တော့်ကို လှောင်နေတာလား"
"အချစ်တွေ တိုးနေတာပါဗျာ"
"ဟွန်း.. အလျှောက်ကောင်းလို့ ခွင့်လွှတ်ပေးလိုက်မယ်"
မျက်စောင်းလှလှလေး ခြွေလိုက်တဲ့ Jimin ကို ရင်ခွင်ထဲ ဆွဲသွင်းထားလိုက်သည်။
"Jungkook.."
"ဗျ"
"ကျွန်တော်က Jungkook ဘယ်လိုအခြေအနေပဲ ရောက်ရောက် ဘယ်လိုနေရာမှာပဲ ရှိနေနေ ဒီတိုင်း Jungkook ဆိုတဲ့ လူကိုပဲ ချစ်တာမို့ အများကြီး မတွေးပါနဲ့..."
ESTÁS LEYENDO
The Imperial Fake
Fanfic(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
