Unicode;
"မင်္ဂလာဦးညက အိမ်ရှေ့စံ သမီး နန်းဆောင်ကို မလာဘူး မယ်မယ်ရဲ့ အဟင့်. ဟင့်"
နန်းဆောင်ထဲ လာငိုပြနေတဲ့ Haeyeon မင်းသမီးကို ကြည့်ပြီး Jeon မိဖုရား စိတ်ညစ်မိသည်။ Jungkook.. အဲ့ကလေး အဲ့ညက မူးမူးနဲ့တော့ ထွက်သွားတာပါ.. ဘယ်သွားပါလိမ့်...။ Jeon မိဖုရား စိတ်ထဲပဲ ကြိတ်တွေးနေလိုက်ပြီး ဟန်ဆောင်ပြုံးကာ
"အဲ့ညက ပင်ပန်းလို့ သူ့နန်းဆောင်မှာပဲ အိပ်ပျော်သွားတာ ဖြစ်မှာပါ မင်းသမီးလေးရဲ့ မငိုနဲ့တော့နော်... ရေချိုးဆောင် ဝင်ရအောင် မယ်မယ် စီစဉ်ပေးမယ် ရေချိုးဆောင်မှာ ကောင်းမွန်တဲ့ အမှတ်တရတွေ ဖန်တီးခဲ့.. ဟုတ်ပြီလား"
Haeyeon မင်းသမီး ကျေနပ်ပြီး ထွက်သွားမှ Jeon မိဖုရားက အနားရှိ အပျိုတော် တစ်ယောက်ကို
"Jungkook ရဲ့ ကိုယ်ရံတော်ကို သွားခေါ်စမ်း"
"ဟုတ်ကဲ့ မယ်မယ်"
သိပ်မကြာလိုက်ပါ Jungkook ရဲ့ ကိုယ်ရံတော် ရောက်လာတာမို့ Jeon မိဖုရားက
"ဟိုနေ့ညက Jungkook ကို ငါ Haeyeon နန်းဆောင် လွှတ်လိုက်ပေမယ့် ရောက်မလာဘူးတဲ့ ဒီကိစ္စက ဘယ်လိုဖြစ်တာလဲ"
"ဟို.. အမှန်တော့"
တစ်ခုခုကို ထိတ်လန့်နေသလို ပုံစံဖြစ်နေတဲ့ ကိုယ်ရံတော်ကြောင့် Jeon မိဖုရားက စိတ်မရှည်သလိုဟန်ဖြင့်
"မင်းတခုခု ကို သိထားတယ်မလား မြန်မြန် လျှောက်တင်စမ်း"
ကိုယ်ရံတော်က သက်ပြင်းတစ်ချက်ချရင်း
"သေချာတော့ မပြောတတ်သေးပါဘူး မယ်မယ် မင်္ဂလာဦးညက မင်းသား ဘယ်သွားလဲ မသိပေမယ့် မနက်မိုးလင်းတော့ ဘယ်က ပြန်လာလဲဆိုတာတော့ သိပါတယ်"
"ဘယ်က ပြန်လာတာလဲ"
Jungkook ရဲ့ ကိုယ်ရံတော်က တစ်ခုခုကို ပြောဖို့ မဝံ့မရဲ ဖြစ်နေဟန်မျိုးမို့ Jeon မိဖုရားလည်း
"မြန်မြန် လျှောက်စမ်း"
"Jeon မင်းသမီးလေး နန်းဆောင်ကပါ"
"ဟင်"
Jeon မိဖုရား တော်တော် စဉ်းစားရကြပ်လာတော့သည်။ Jeon Jungkook နန်းတော်ထဲက မြန်မြန်လွှတ်ဖို့ ကြံနေတာလား ဒါမှမဟုတ် Park မိန်းကလေးနဲ့ ပေါင်းပြီး ငါ့ကို လှန်ချ ထီးနန်းယူဖို့ ကြံနေတာလား... ထီးနန်းမလွှဲမှာ Jeon မိဖုရား စိုးရိမ်ပူပန်နေမိသည်။
YOU ARE READING
The Imperial Fake
Fanfiction(Unicode + Zawgyi) Unicode ; ပန်းအတုက ပန်းအစစ်နဲ့ တူရင် လူတွေဆီက လှတယ်လို့ ချီးကျူးခံရတတ်တယ်... ပန်းအစစ်က ပန်းအတုနဲ့ တူရင်လည်း လူတွေက လှတယ်ဆို ချီးကျူးကြပြန်တယ်... ဒါဆို အလှစစ်ကို ပိုင်ဆိုင်ထားတာ အစစ်ကလား အတုကလား...။ Zawgyi; န္းအတုက ပန္းအစစ္နဲ႔ တူရင...
